تۇرىك اسكەرى سيرياداعى بىرنەشە ەلدى-مەكەندى باسىپ الدى
تۇرىك اسكەرى سيرياداعى قارۋلى وپەراتسياسىنىڭ ءۇشىنشى كۇنىندە سولتۇستىك-باتىستاعى بىرنەشە ەلدى-مەكەندى باسىپ الدى. انكارا كۇرد جاساعىن بەكىنىستەرىنەن ىعىستىرىپ شىقپاق، دەپ حابارلادى تۇرىك ءباسپاسوزى.
دۇيسەنبى كۇنى تۇركيا قارۋلى كۇشتەرى مەن ونى قولدايتىن سيريالىق بۇلىكشىلەر جاساعى افرين ايماعىنداعى بىرنەشە ەلدى-مەكەنگە باقىلاۋ ورناتتى.
تۇركيا پرەزيدەنتى رەدجەپ ەردوعان شابۋىلدى تەجەۋ ويىندا جوق ەكەنىن مالىمدەدى. ونىڭ ايتۋىنشا، اسكەر ارەكەتى "رەسەيلىك دوستارمەن" كەلىسىلگەن.
تۇركيا كۇرد حالىق قورعانىسى جاساعىن (كۇرد ميليتسياسى، YPG) كۇردىستان جۇمىسشى پارتياسىنىڭ وداقتاسى دەپ ەسەپتەيدى. پارتيا وتىز جىلدان بەرى اۆتونوميا تالاپ ەتىپ، تۇرىك ۇكىمەتىمەن كۇرەسىپ كەلەدى. كۇرد ميليتسياسى كجپ-مەن قاندايدا ءبىر تىكەلەي بايلانىسى بار دەگەندى جوققا شىعارىپ وتىر. YPG اقش باسقاراتىن كواليتسيامەن بىرگە "يسلام مەملەكەتى" جيحادشىلارىمەن كۇرەستى.
تۇركيا بيلىگى اقش-تى كۇرد ميليتسياسىنا قولداۋ كورسەتتى دەپ ايىپتادى. سيرياداعى ازاماتتىق سوعىستىڭ وسىلاي ءوربۋى تۇركيانى ناتو-داعى وداقتاستارىنا قاراما-قارسى جاققا ءبولىپ قويدى.
Abai.kz
