زاڭعا وزگەرتۋلەردى تاجىك ۇكىمەتى ۇسىنعان. ول بويىنشا، ءدىني ۇيىمدار، سونىمەن بىرگە مەشىتتەر، شىركەۋلەر جانە سيناگوگالار تابىس كوزى مەن مۇلكى، قىزمەتكەرلەرىنىڭ ايلىعى مەن تولەنگەن سالىعى تۋرالى ەسەپ بەرەدى.

تاجىكستاندا مەشىتتەر، شىركەۋلەر جانە ەلدەگى جالعىز سيناگوگا ءدىندارلاردىڭ ءوز ەركىمەن بولگەن ساداقاسى ەسەبىمەن جۇمىس ىستەيدى. مەشىت يمامدارى بالالاردىڭ تۋىلۋى، نەكەلەسۋ جانە جەرلەۋ راسىمدەرىنەن ازداعان اقشا الادى.

بىراق 2014 جىلدان باستاپ جۇما نامازدارىن وتكىزەتىن ءىرى مەشىتتەردىڭ يمامدارعا مەملەكەتتىك قىزمەتكەرلەرمەن بىرگە ايلىق تولەيدى. ەلدە مۇنداي 265 يمام بار. تاجىكستان ۇلەمدەرى كەڭەسىنىڭ توراعاسى ءمۇفتي سايدمۋكاررام ابدۋكوديرزودانىڭ ايلىعى 2 مىڭ سوموني (220 دوللار), ۇلكەن مەشىتتەردىڭ يمامدارى 1500-800 سوموني الادى. باسقا دا ءدىن قىزمەتكەرلەرىنە، سونىمەن بىرگە باسقا دا كونفەسسيالاردىڭ وكىلدەرىنە ايلىق قاراستىرىلماعان.

ەسكە سالايىق، 2012 جىلى تاجىكستان ءدىن ىستەرى جونىندەگى كوميتەتى مەشىتتەردى كەلۋشىلەر سانى تۋرالى اقپارات پەن تۇسكەن تابىسى تۋرالى اقپاراتتى بيلىككە بەرۋىن مىندەتتەگەن.

Abai.kz