مەن دە شىمكەنتتىكپىن. بالا كەزىمدى ەسكە السام، مەكتەپتە قانشا رەت توبەلەسسەم، تەك مەنى شەشەدەن بوقتاعانى ءۇشىن توبەلەسىپپىن. سوندىقتان "شىمبايعا باتسا دا - شىندىق" سول، ءبىزدىڭ جاقتا شەشەدەن بوقتاۋ كەڭ تاراعانى سونشالىق - باسقا ايماقتىڭ كوزىنە بىردەن تۇسەدى.

بوقتاۋ - مادەنيەتسىزدىكتىڭ كورىنىسى، بۇل جامان ادەتتەن ارىلۋىمىز كەرەك. ارىلۋ ءۇشىن وسىلاي ايتىپ، اعايىننىڭ ورتاسىنا سالعان دۇرىس!

ال ەندى، قيت ەتسە شىمكەنتتىكتەردى جامانداپ قالۋعا، شىمنىڭ قازاعىن تومەندەتىپ، وزدەرىن جوعارى ساناعىسى كەلەتىندەر ءۇشىن - بۇل بىلاپىت ءسوزىمىز - تاپتىرماس سەبەپ ەكەنىن دە بىلەمىز.

ولارعا ايتارىم: شىمكەنت - قازاق xالقىنىڭ قالىڭ ورداسى عانا ەمەس، كىشى وتانى! جوڭعار شاپقىنشىلىعىندا بولسىن، رەسەي يمپەرياسىنىڭ باسقىنشىلىعىندا بولسىن وڭتۇستىكتىڭ قازاعىن سوعىسپەن عانا باعىندىرعان. ەل باسىنا كۇن تۋعاندا بۇكىل قازاق وڭتۇستىكتى پانالاعان. ماقاش ءتاتىموۆ اعامىز ايتقانداي، وڭتۇستىكتى باسپانالاپ بارعان بارلىق قازاق سەرىپپە "پرۋجينا" سەكىلدى ءبىر جۇدىرىق بولىپ باس بىرىكتىرىپ بارىپ قايتا اتىلعان كەزدە عانا بۇكىل قازاق دالاسىن قايتا ازات ەتىپ وتىرعان. سوندىقتان دا كەشەگى قىزىل يمپەريا - سوۆەت وكىمەتى دە 1986 جىلدىڭ قارساڭىندا ەكى جىلعا جۋىق قازاققا قارسى يدەولوگيالىق سوققىنى - وڭتۇستىكتەگى ءۇش وبلىستىڭ قازاعىنان باستادى جانە جەلتوقسان كوتەرىلىسى ارقىلى قارسى جاۋاپ الدى.

جارىلقاپ قالىباي

Facebook-تەگى پاراقشاسىنان