ءبىر اي بۇرىن وزبەكستان پرەزيدەنتى شاۆكات ميرزياەۆ 52 جاستاعى ەكس ءمينيستردى ساتقىن دەپ ايىپتاعان.

22 جەلتوقساندا پارلامەنتتە حالىققا ارناعان جولداۋىندا ميرزياەۆ احمادباەۆتىڭ ساتقىندىعى ءۇشىن 2014 جىلى يسلام كاريموۆ تاققان «گەنەرال-لەيتەنانت» اتاعىن العانىن ايتقان.

«سىزدەر بىلەسىزدەر مە، قازىر بۇرىنعى ىشكى ىستەر ءمينيسترى احمەدباەۆتىڭ قايدا بارىپ جۇرگەنىن؟ ول مينيستر بولىپ تۇرعاندا ساتقىندىق جاساپ، ءبىر توپقا قوسىلعانىن مەنىڭ ارىم قابىلداي المادى. مەن ەكى گەنەرالدىڭ پوگونىن الدىم!»، – دەگەن پرەزيدەنت ميرزياەۆ.

ادحام احمەدباەۆ 2013 جىلدىڭ جەلتوقسان ايىنان 2017 جىلدىڭ قاڭتار ايىنا دەيىن وزبەكستاننىڭ ىشكى ىستەر ءمينيسترى قىزمەتىن اتقاردى.

ول شاۆكات ميرزياەۆ پرەزيدەنت بولىپ سايلانعاننان كەيىن، ءبىر ايدان سوڭ قىزمەتىنەن الىنعان. بىراق ول پرەزيدەنتتىڭ قۇقىق قورعاۋ ورگاندارى سالاسىنداعى كەڭەسشىسى بولىپ تاعايىندالعان. ءۇش ايدان كەيىن ونى ءىىم اكادەمياسىنا قاراپايىم وقىتۋشى رەتىندە جىبەرگەن.

Abai.kz