قىرعىزستان پرەزيدەنتى سوورونباي جەەنبەكوۆتىڭ تاجىكستانعا رەسمي ساپارىنىڭ ناتيجەسىندە 8 قۇجات قابىلداندى. بۇل جوبالار ەكى ەل اراسىندا ساۋدا-ەكونوميكالىق ارىپتەستىكتى كەڭەيتىپ، دوستىق قارىم-قاتىناستاردى جاقسارتۋدى كوزدەيدى. مەملەكەتتەر شەكاراداعى شەشىلمەگەن ماسەلەلەردى دەليميتاتسيالاۋ جانە دەماركاتسيالاۋ جونىندەگى ۇكىمەتارالىق كوميسسيا اياسىندا كەلىستىرەتىن بولدى.

ەمومالي راحمون مەن سوورونباي جەەنبەكوۆ ايماقتاعى ءىرى كاسا-1000 جوباسىن ىلگەرۋ دامىتۋ ماڭىزدى ەكەنىن ايتتى. بۇل جوبا ورتالىق ازيا مەن وڭتۇستىك ازيانىڭ ەنەرگەتيكالىق نارىقتارىن بىرىكتىرۋدى كوزدەيدى.

"قىرعىزستان مەن تاجىكستاندا مىقتى دوستىق بايلانىستىرادى. ءبىز كوپتەگەن ماسەلەلەر بويىنشا پىكىر الماسىپ، جاڭا ماقساتتاردى ايقىندادىق، حالىقارالىق وزەكتى ماسەلەلەردى قوزعادىق", - دەدى جەەنبەكوۆ.

ەكى كۇندىك ساپارى بارىسىندا قىرعىز پرەزيدەنتى تاجىكستان پرەمەر-ءمينيسترى كوحير راسۋلزودا جانە تاجىك پارلامەنتى تومەنگى پالاتاسىنىڭ سپيكەرى شۋكۋرجون زۋحۋروۆپەن كەزدەسەدى.

Abai.kz