بۇگىن الماتى ۋاقىتى بويىنشا كەشكى ساعات 17: 00 دە ازيا وليمپيادا كەڭەسىنىڭ شتاب پاتەرى ورنالاسقان ەل كۋۆەيتتە الماتى مەن استانا قالالارىندا وتەتىن  7-ءى قىسقى ازيا ويىندارىنىڭ الاۋى جاعىلادى. قىسقى ازيادا تاريحىندا تۇڭعىش رەت ۇيىمداستىرىلعان الاۋ ەستافەتاسىنىڭ باستالۋىن «حابار» ارناسىنان تىكەلەي ەفيردە تاماشالاۋعا مۇمكىندىك بار.

تۇڭعىش رەت الاۋ ەستافەتاسى 1936  جىلعى بەرلين وليمپياداسىندا قولدانىسقا ەنگەن.  قىسقى ازيا ويىندارىندا بۇرىن سوڭدى الاۋ ەستافەتاسى ۇيىمداستىرىلىپ كورمەگەنىن ەسكەرسەك، بۇل باستامنىڭ ارتار جۇگى اۋىر. كۋۆەيتتە تۇتانعان الاۋ الماتى قالاسىنا قاڭتاردىڭ 12-ءى كۇنى ساعات 11:00 دە ارنايى ۇشاقپەن اكەلىنىپ،  ەستافەتا ساعات تۇسكى 14:00-دە حالىقارالىق شاڭعىمەن سەكىرۋ كەشەنىندە   باستاۋىن الادى.  الاۋ ەستافەتاسىنىڭ جالپى باعىتى مىناداي:

ءال فارابي داڭعىلى، فۋرمانوۆ كوشەسى، ساتباەۆ كوشەسى، بايتۇرسىنوۆ كوشەسى، اباي داڭعىلى،  بالۋان شولاق اتىنداعى سپورت سارايى، دوستىق داڭعىلى، شەۆچەنكو كوشەسى، قوناەۆ كوشەسى، قابانباي باتىر كوشەسى، ابىلاي حان داڭعىلى، تولە بي كوشەسى.

بۇگىن الماتى ۋاقىتى بويىنشا كەشكى ساعات 17: 00 دە ازيا وليمپيادا كەڭەسىنىڭ شتاب پاتەرى ورنالاسقان ەل كۋۆەيتتە الماتى مەن استانا قالالارىندا وتەتىن  7-ءى قىسقى ازيا ويىندارىنىڭ الاۋى جاعىلادى. قىسقى ازيادا تاريحىندا تۇڭعىش رەت ۇيىمداستىرىلعان الاۋ ەستافەتاسىنىڭ باستالۋىن «حابار» ارناسىنان تىكەلەي ەفيردە تاماشالاۋعا مۇمكىندىك بار.

تۇڭعىش رەت الاۋ ەستافەتاسى 1936  جىلعى بەرلين وليمپياداسىندا قولدانىسقا ەنگەن.  قىسقى ازيا ويىندارىندا بۇرىن سوڭدى الاۋ ەستافەتاسى ۇيىمداستىرىلىپ كورمەگەنىن ەسكەرسەك، بۇل باستامنىڭ ارتار جۇگى اۋىر. كۋۆەيتتە تۇتانعان الاۋ الماتى قالاسىنا قاڭتاردىڭ 12-ءى كۇنى ساعات 11:00 دە ارنايى ۇشاقپەن اكەلىنىپ،  ەستافەتا ساعات تۇسكى 14:00-دە حالىقارالىق شاڭعىمەن سەكىرۋ كەشەنىندە   باستاۋىن الادى.  الاۋ ەستافەتاسىنىڭ جالپى باعىتى مىناداي:

ءال فارابي داڭعىلى، فۋرمانوۆ كوشەسى، ساتباەۆ كوشەسى، بايتۇرسىنوۆ كوشەسى، اباي داڭعىلى،  بالۋان شولاق اتىنداعى سپورت سارايى، دوستىق داڭعىلى، شەۆچەنكو كوشەسى، قوناەۆ كوشەسى، قابانباي باتىر كوشەسى، ابىلاي حان داڭعىلى، تولە بي كوشەسى.

الاۋدىڭ الماتى قالاسىنداعى ەڭ سوڭعى ايالداماسى «استانا» الاڭى بولماق. وڭتۇستىك استانا كوشەلەرىمەن ازيادا الاۋىن ۇستاپ ءوتۋ باقىتىنا 80 ادام يە بولدى، ال جالپى قازاقستان بويىنشا 1020 ادام الاۋ فاكەلىن الىپ جۇرەدى. كوپشىلىكتى تولعاندىرعان ماسەلە الاۋگەرلەردىڭ تىزىمىندە بولىپ تۇر. ۇيىمداستىرۋشىلار ءالى كۇنگە دەيىن الاۋ ۇستاۋشىلاردىڭ ەسىمىن جاريالاعان جوق. جاقسىلىق ۇشكەمپىروۆ، روزا رىمباەۆا، ولگا شيشيگينا سىندى سپورت پەن ونەر سالاسىندا وزا شاپقانداردىڭ الاۋدى الىپ جۇرۋىنە ايتار داۋىمىز جوق، تەك كولدەنەڭ جاندار قوسىلىپ كەتپەسە دەگەن وي عانا بار. سەبەبى، الاۋگەرلەردى تاڭداۋ بارىسىمەن حالىق تولىق قۇلاقتاندىرىلعان جوق. ال،  «الاۋ ەستافەتاسى» ديرەكتسياسى باستىعىنىڭ ورىنباسارى سارسەن قۇرانبەك الاۋگەرلەردى تاڭداۋ وتە ءادىل ءوتتى دەگەن پىكىردە.

- الاۋ ۇستاۋشىلاردى ىرىكتەۋ ەكى كەزەڭنەن تۇردى. ءبىرىنشىسى، ماۋسىم جانە قاراشا ايلارى اراسىندا ءوتىپ،   ءوڭىر باسشىلارىنان قۇرالعان كوميسسيا الاۋ ەستفەتاسىنا ءوز ەركىمەن قاتىسقىسى كەلەتىن ازاماتتاردىڭ ءوتىنىشىن قابىلدادى.  ەكىنشى كەزەڭ قاڭتار ايىنىڭ ءبىرىنشى جۇلدىزىنان باستالدى. بۇل كەزەڭگە سپورت جانە تۋريزم ءمينيسترى تەمىرحان دوسمۇحامبەتوۆ تىكەلەي باسشىلىق جاسادى، ال كوميسسيا قۇرامىنا ءاناتولى قۇلنازاروۆ، ەلسيار قاناعاتوۆ، قۇمار اقساقالوۆ سىندى ازيا ويىندارىنىڭ ۇيىمداستىرۋشىلارمەن قاتار،  امانجول بۇعىباەۆ، يليا يلين سىندى سپورتشىلار دا كىردى. بۇل ازاماتتار ءادىل تاڭداۋ جاسادى دەپ سەنىممەن ايتا الامىن.  الماتى قالاسىنان كەيىن الاۋ تاريحى باي تارازعا اتتانادى. الاۋدىڭ قاۋىپسىزدىك جۇمىستارىنا الاڭداۋدىڭ ەش رەتى جوق.

ءبىز ءوز كەزەگىمىزدە ەل ازاماتتارىن الاۋ ەستافەتاسىنا بەلسەندى تۇردە اتسالىسۋعا شاقىرامىز. سەبەبى، بۇل ءسىزدىڭ ازياداڭىز!

«اباي اقپارات»