"داشوعىزدا ۇلتتىق قاۋىپسىزدىك قىزمەتى مەشىتكە باراتىن ءدىندارلاردى، سونىمەن بىرگە ۇيىندە نەمەسە جۇمىستا ناماز وقيتىن مەملەكەت قىزمەتكەرلەرىن تەرگەۋگە شاقىرىپ جاتىر. ولارعا قويىلاتىن سۇراقتار: نامازدى نە ءۇشىن وقيسىڭ؟ كىممەن ارالاساسىڭ؟ اتا-اناڭ كىمدەر؟ ولاردان ناماز وقۋ مەن مەشىتكە بارۋدان باس تارتۋدى تالاپ ەتۋدىڭ نە قاجەتى بار", - دەپ حابارلادى دەرەككوزدەردىڭ ءبىرى.

ونىڭ سوزىنە قاراعاندا، تەرگەلگەندەرگە "مەشىتتە نەمەسە جۇمىستا ناماز وقۋدى جالعاستىرعاندار قىزمەتتەن كەتەتىنىن" ەسكەرتكەن.

"ال جۇمىس ىستەمەيتىندەردەن جانە جاستاردان تەلەفوندارىندا ءدىن ۋاعىزداۋشىلار بار ما ەكەنىن تەكسەرگەن", - دەيدى ازاتلىكپەن سويلەسكەن دەرەككوز. ال بۇرىن تۇركيادا جۇمىس ىستەگەندەردى ۇزاق تەرگەگەن، ساقالى بار جاستاردىڭ ساقالىن قىرۋعا ماجبۇرلەپ، سودان كەيىن عانا بوساتقان.

دىندارلارعا تەرگەۋ ماقساتىن ءتۇسىندىرىپ جاتپاعان. ايماقتاعى بىرنەشە دەرەككوزدىڭ حابارلاۋىنشا، تۇركىمەنباشى اۋدانىنداعى بىرقاتار اۋىلدارعا ناماز وقيتىنداردىڭ ءتىزىمىن دايىنداۋدى تاپسىرعان.

Abai.kz