كەيبىر دەرەككوزگە قاراعاندا، ايداربەك تۋلەپوۆ ءوز ەركىمەن جۇمىستان كەتۋ جونىندە ارىز جازعان. ول 2006 جىلدان بەرى وزبەكستان مۇسىلماندارى ءدىني باسقارماسىنىڭ توراعا ورىنباسارى مىندەتىن اتقارىپ كەلگەن.

ء​ومدب-نىڭ اتى-ءجونىن جاسىرعان قىزمەتكەرى ايداربەك تۋلەپوۆ ءدىني باسقارمادا ارنايى قىزمەتتىڭ وكىلى بولعانىن ايتادى.

«قازىر ۇلتتىق قاۋىپسىزدىك قىزمەتىندە قايتا قۇرىلىمداۋ ءجۇرىپ جاتىر. سول ءۇشىن ۇقق وكىلدەرى ءارتۇرلى ۇيىمداردا قىزمەتتەرىن ۋاقىتشا توقتاتتى. تۋلەپوۆ دەنساۋلىعىنا بايلانىستى دەپ ارىز جازعان. بىراق قازىر ونىڭ ورنىنا ارنايى قىزمەتتەن باسقا ادام كەلەدى مە، جوق پا، بۇل باسقا ماسەلە. ءبارى ازىرلەنىپ جاتقان جاڭا زاڭعا بايلانىستى بولماق»، – دەيدى سۇقبات بەرۋشى.

تاشكەنت جۋرناليستەرىنىڭ ءبىرى سوڭعى كەزدە مەشىتتەردەن ۇقق وكىلدەرىنىڭ كورىنبەيتىنىن ايتادى. «ءبىز سوڭعى كەزدە جۇما نامازعا بارعان كەزدە، «ءۇش ءارىپتىڭ ادامدارى» (ۇقق كۋراتورلارى دەگەندى بىلدىرەدى — رەد.) راسىندا بولمادى. مەشىتكە ءجيى باراتىن ادامدار ولاردى وتە جاقسى بىلەدى»، – دەدى جۋرناليست.

تاشكەنت مەشىتتەرى ءبىرىنىڭ نايب-يمامى پروكۋراتۋرا قىزمەتكەرلەرى قازىرگى تاڭدا «ۇقق تىڭشىلارىن» انىقتاۋمەن اينالىسىپ جاتىر دەيدى.

Abai.kz