ينتەرنەتتە اقتارىپ وتىرىپ، «جاسىن» (مولنيەنوسنىي) دەگەن ات العان بايازيت پەن ءامىر تەمىردىڭ اراسىندا بولعان شايقاستى بەينەلەيتىن سۋرەتكە كەزدەيسوق كوزىم ءتۇسىپ قالدى. وسى ەكەۋىنىڭ قىلىش ءتۇيىستىرىپ قالعانىنا قاتتى وكىنەمىن.

بۇل – سول زامانداعى تۇرىكتەردىڭ جىبەرگەن ەڭ ۇلكەن گەوساياسي قاتەلىگى بولدى! اقساق تەمىر ءۇش رەت ءوزىنىڭ جاسى ۇلكەندىگىن العا تارتىپ، سول كەزدەگى ءداستۇر بويىنشا بايازيتكە باعىن ماعان ء(ىنىم بول دەپ) دەگەن ەكەن. ونىڭ ار جاعىندا ەۋروپانى بىرىگىپ جاۋلايىق (جيھاد جاسايىق) دەگەن ۇسىنىس جاتقان سياقتى. ويتكەنى ءامىر تەمىر ءدال وسىلاي توقتامىسقا دا كومەكتەسكەن. ول دا بۇرا تارتىپ كەتتى. ەۋروپانى تىزە بۇكتىرىپ، كرەسشىلەردىڭ تالاي سوعىستا تاس-تالقانىن شىعارعان بايازيت وعان تاكاپپارلانىپ، كونبەي قويادى.

ءبىر دەرەككە قاراعاندا، بايازيت وسى قارقىنمەن كەتە بەرسە دەگەن ويمەن گابسبۋرگتىڭ ءوزى باستاعان ەلۋ مىڭداي ادام يسلام ءدىنىن قابىلداۋعا دايىن تۇرىپتى. بىراق ولاردىڭ وسى ويىنا بايازيت پەن تەمىردىڭ اراسىنداعى سوعىس كەدەرگى كەلتىرگەن. ەگەر گابسبۋرگتەر سول كەزدە مۇسىلمان بولسا، قازىر ەۋروپانىڭ ءار قالاسىندا ازان شاقىرىپ جاتار ما ەدى، كىم ءبىلسىن؟!

وسى شايقاستان كەيىن قاتتى قۋانعان پاپا ريمدە ءۇش كۇن بويى شىركەۋدىڭ قوڭىراۋىن قاقتىرعان دەسەدى. ءامىر تەمىردى ايتاقتاعان ەۋروپالىق كورولدەر مە دەپ قالامىن كەيدە. ويتكەنى وسى شايقاس بىتىسىمەن، 1203 جىلى ءامىردىڭ ورداسىنا يسپان كورولىنىڭ ەلشىلىگى كەلىپ، تۇرىكتەردەن قۇتقارعانى ءۇشىن وعان العىس ايتقان.

تۇرىك الەمىندەگى تۋرا وسىنداي تراگەدياعا قىپشاق بايبارىس پەن نايمان كەتبۇعا باسقارعان «موڭعول» اسكەرلەرىنىڭ اراسىنداعى باۋىرلاستاردىڭ قاندى قىرعىنىن دا جاتقىزۋعا بولادى. كەيىن وسى اقساق تەمىردىڭ ۇرپاعى بابىر سۇلتان بار اسكەرىن الىپ، ءۇندىستاندى جاۋلاپ الۋعا اتتانىپ كەتتى دە، ورىستىڭ (تەمىر ءوزىن تۇراننىڭ ءامىرىمىن دەپ اتاعان) تۇرانعا جورىعى باستالدى.

مەنىڭشە، مىقتى قولباسشى بولعانىمەن، ەكەۋى مىقتى ساياساتكەر بولماعان. ايتپەسە بىردەڭە قىلىپ تاتۋلاسۋعا بولاتىن ەدى عوي دەپ قويامىن. ج

كەنجەبەك وڭالبەكۇلى

Facebook-تەگى پاراقشاسىنان