الماتى. 17 قاڭتار. قازتاگ – قازاقستاننىڭ بەلدى باق جەتەكشىلەرى قازاقستاننىڭ قۇرمەتتى جۋرناليستەرى اتاندى. ولاردىڭ اراسىندا حالىقارالىق قازتاگ اقپاراتتىق اگەنتتىك جەتەكشىسى يرينا بەكتياروۆا، «سۆوبودا سلوۆا» گازەتىنىڭ باس رەداكتورى گۇلجان ەرعاليەۆا، «وكو» گازەتىنىڭ باس رەداكتورى بولات ەرەجەپوۆ، «مك-قازاقستان» گازەتىنىڭ باس رەداكتورى ليۋبوۆ كراسنوۆا، «ەكسپرەسس-ك» گازەتىنىڭ باس ديرەكتورى الەكسەي پان بار.

ولار جوعارى ناگرادالاردى «قازاقستان جۋرناليستيكاسىن دامىتۋداعى ەرەن ەڭبەگى مەن قوسقان قوماقتى ۇلەسى ءۇشىن» الدى، دەلىنگەن قازاقستان جۋرناليستەر وداعىنىڭ شەشىمىندە. وداق جەتەكشىسى سەيتقازى ماتاەۆ  ولاردى «وسى بەلگىمەن ماراپاتتاۋ – بيىل تاۋەلسىزدىگىنىڭ 20 جىلدىعىن تويلاعالى وتىرعان ەلىمىزدىڭ جۋرناليستىك قاۋىمداستىعىمەن ولاردىڭ سىڭىرگەن ەڭبەگىن مويىنداۋى» ەكەنىن اتاپ كورسەتتى. «ولار تەك قانا  كاسىبي بىلىكتىلىگىمەن عانا ەمەس، تاماشا ۇيىمداستىرۋشىلىق قابىلەتىمەن دە، سونىمەن قاتار دەموكراتيالىق قوعامنىڭ دامۋىنىڭ ماڭىزدى فاكتورى بولىپ تابىلاتىن بەلسەندى ازاماتتىق ۇستانىمىمەن دە ەرەكشەلەنەدى»، - دەدى س. ماتاەۆ.