سلوۆاكيادا جۋرناليست ولىمىنەن سوڭ بىرقاتار شەنەۋنىك وتستاۆكاعا كەتتى
سلوۆاكيادا جۋرناليست يان كۋتسياكتىڭ ولىمىنەن سوڭ پرەمەر-ءمينيستردىڭ كومەكشىسى ماريا تروشكوۆا، قاۋىپسىزدىك كەڭەسىنىڭ حاتشىسى ۆيليام ياسان، مادەنيەت ءمينيسترى مارەك مادياريچ وتستاۆكاعا كەتتى.
مادياريچ مۇنداي قاندى وقيعادان سوڭ "مينيستر ورىندىعىندا وتىرا المايتىنىن" مالىمدەگەن.
يان كۋتسياك Aktuality.sk سايتىنىڭ رەداكتسياسىندا جۇمىس ىستەگەن. جەمقورلىق جانە ۇيىمداسقان قىلمىستاردى زەرتتەۋ جونىندەگى حالىقارالىق ورتالىقپەن (OCCRP) بىرگە جۇمىس اتقارعان ول سلوۆاك ساياساتكەرلەرىنىڭ يتاليالىق مافيامەن بايلانىسىن زەرتتەگەن. كۋتسياكتىڭ 9 اقپاندا جاريالانعان سوڭعى ماقالاسى براتيسلاۆاداعى ەليتالى تۇرعىن ۇيلەرگە بايلانىستى الاياقتىق ىستەر تۋرالى.
ءجۋرناليستى 25 اقپاندا اتىپ كەتتى. پوليتسيا ونىڭ ءولىمىن جۋرناليستىك قىزمەتىمەن بايلانىستىرىپ وتىر. سلوۆاكيادا بۇرىن-سوڭدى جۋرناليسكە مۇنداي قاستاندىق جاسالعان ەمەس دەپ مالىمدەدى پوليتسيا وكىلى.
سلوۆاك وپپوزيتسياسى ىشكى ىستەر ءمينيسترى روبەرت كالينياك پەن پوليتسيا باسشىسى تيبور گاشپاردىڭ وتستاۆكاعا كەتۋىن تالاپ ەتتى.
Abai.kz
