قانات ءسىلامۇلى: «وتانىما ورالدىم»
قانات ءسىلامۇلى: «وتانىما ورالدىم»
تاعدىردىڭ جازۋىمەن، الماعايىپ زاماندا اتاجۇرتتان كوز جازىپ قالعان جەر بەتىندەگى بارشا قازاقتىڭ ءبىرتۇتاس ءارى ماڭگى مىزعىماس وتانى - قازاقستان ەكەنى اللاعا دا، ادامعا دا ايان.
الاش ەلىندە ازاتتىقتىڭ كوك تۋى جەلبىرەگەن ساتتەن باستاپ، كۇنى بۇگىنگە دەيىن «اتا-بابامنىڭ سۇيەگى جاتقان، تۋعان توپىراعىم، اينالايىن اتامەكەنىم»، - دەپ اڭىراعان قازاق كوشى ءبىر ساتكە دە تولاستاعان جوق.
مىنە، تاۋەلسىزدىگىمىزدىڭ جيىرما جىلدىعىندا كەشە عانا جات جۇرتتىڭ اتىنان بايراقتى باسەكەگە تۇسسە دە، قازاقتىڭ ابىرويىن اسقاقتاتقان الاشتىڭ ارىستان ۇلدارىنىڭ ءبىرى بوكسشى قانات ءسىلامۇلى وتانىنا - ماڭگىلىك جەرۇيىعىنا ورالدى. ءبىرجولاتا.
قازاق جۇدىرىعىنىڭ قۇدىرەتىن قىتايدا ءجۇرىپ مويىنداتقان قانداس باۋىرىمىز قانات ءسىلامۇلى تۋعان جەرگە تۇبەگەيلى ورالدى! قىتاي قۇراماسىنىڭ ساپىندا بەيجىڭ وليمپياداسىنىڭ قولا جۇلدەسىن جەڭىپ العان جۋان جۇدىرىق يەسىن اتامەكەنگە ورالۋىمەن «اbai.kz» پورتالى العاشقىلاردىڭ ءبىرى بولىپ قۇتتىقتاپ، كىندىك جۇرتقا جايعاسىپ، ورنالاسۋ جايىنان از-كەم اڭگىمە دۇكەن قۇرعان بولاتىن.
- قانات، اتاجۇرتتىڭ توپىراعىنا باسقان قادامىڭ قۇتتى بولسىن!
قانات ءسىلامۇلى: «وتانىما ورالدىم»
تاعدىردىڭ جازۋىمەن، الماعايىپ زاماندا اتاجۇرتتان كوز جازىپ قالعان جەر بەتىندەگى بارشا قازاقتىڭ ءبىرتۇتاس ءارى ماڭگى مىزعىماس وتانى - قازاقستان ەكەنى اللاعا دا، ادامعا دا ايان.
الاش ەلىندە ازاتتىقتىڭ كوك تۋى جەلبىرەگەن ساتتەن باستاپ، كۇنى بۇگىنگە دەيىن «اتا-بابامنىڭ سۇيەگى جاتقان، تۋعان توپىراعىم، اينالايىن اتامەكەنىم»، - دەپ اڭىراعان قازاق كوشى ءبىر ساتكە دە تولاستاعان جوق.
مىنە، تاۋەلسىزدىگىمىزدىڭ جيىرما جىلدىعىندا كەشە عانا جات جۇرتتىڭ اتىنان بايراقتى باسەكەگە تۇسسە دە، قازاقتىڭ ابىرويىن اسقاقتاتقان الاشتىڭ ارىستان ۇلدارىنىڭ ءبىرى بوكسشى قانات ءسىلامۇلى وتانىنا - ماڭگىلىك جەرۇيىعىنا ورالدى. ءبىرجولاتا.
قازاق جۇدىرىعىنىڭ قۇدىرەتىن قىتايدا ءجۇرىپ مويىنداتقان قانداس باۋىرىمىز قانات ءسىلامۇلى تۋعان جەرگە تۇبەگەيلى ورالدى! قىتاي قۇراماسىنىڭ ساپىندا بەيجىڭ وليمپياداسىنىڭ قولا جۇلدەسىن جەڭىپ العان جۋان جۇدىرىق يەسىن اتامەكەنگە ورالۋىمەن «اbai.kz» پورتالى العاشقىلاردىڭ ءبىرى بولىپ قۇتتىقتاپ، كىندىك جۇرتقا جايعاسىپ، ورنالاسۋ جايىنان از-كەم اڭگىمە دۇكەن قۇرعان بولاتىن.
- قانات، اتاجۇرتتىڭ توپىراعىنا باسقان قادامىڭ قۇتتى بولسىن!
- راحمەت! نەگىزى، قازاقستانعا كەلىپ - كەتىپ جۇرگەنىمە ون جىلداي ۋاقىت بولدى. تاريحي وتانىما ات باسىن تىرەۋ بالا كەزدەن بەرگى ارمانىم ەدى. سول ارمانىمدى جۇزەگە اسىرۋعا مۇمكىندىك بەرگەن جاراتقانعا ريزامىن. «جەر سۋ» كورپوراتسياسىنىڭ باسشىسى، بوكسقا جاناشىر بولىپ جۇرگەن ازامات باۋىرجان وسپانوۆ اعامىزدىڭ قولداۋىمەن الماتى وبلىسىنا وتباسىممەن كوشىپ كەلدىم. ەندى ازاماتتىق الۋ ءۇشىن قۇجات جيناۋ ۇستىندەمىن.
- ءبىر باسىڭىز ەكەۋ بولىپ، شاڭىراق كوتەرگەنىڭىزدەن دە حاباردارمىز...
- ءيا، وسىدان تۋرا ءبىر اي بۇرىن الماتىلىق گۇلميرا ەسىمدى ارۋمەن باس قوسىپ، شاڭىراق قۇرعانىم راس. اتا-اناما كەلىن سىيلاپ، قۋانتىپ جاتقان جايىم بار.
- جەكە ومىرىڭدەگى جاعىمدى جاڭالىقتارعا شىن كوڭىلدەن ورتاقپىز! ەندى سپورتتىق عۇمىرىڭىزداعى وزگەرىستەر تۋرالى ايتساڭىز... ءسىزدى كاسىبي بوكسقا اۋىسۋى مۇمكىن دەگەن سىبىس بار..
-بۇگىنگى كۇنى ەلىمىزگە كەڭىنەن تانىمال باپكەر تۇرسىنعالي ەدىلوۆتىڭ قول استىندا جاتتىعۋدامىن. مەنىڭ ەڭ نەگىزگى ماقساتىم - 75 كەلى سالماقتا لوندون وليمپياداسىنا جولداما جەڭىپ الۋ. قازاقستان قۇراماسىنىڭ ساپىندا ونەر كورسەتۋ مەن ءۇشىن ۇلكەن جەڭىس ەكەنىن دە ەسكەرتكىم كەلەدى. وسى ويىمدى جۇزەگە اسىرۋ ءۇشىن ايانباي تەر توگىپ جاتىرمىن.
- بۇل سالماقتا سىزگە نەگىزگى قارسىلاس كىمدەر دەپ سانايسىز؟
- ۇلتتىق قۇراما ساپىندا دارىندى جاستار وتە كوپ. ولاردىڭ اتىن اتاپ، ءتۇسىن تۇستەمەي-اق قويايىن. ەڭبەكتەنسەڭ، ءبارىن دە جەڭۋگە بولادى.
- وليمپيادانىڭ قولا جۇلدەسىنە جەتكەنگە دەيىن ءسىزدىڭ تالانتىڭىز قىتاي ەلىندە شىڭدالدى. جۇلدەگە قولى جەتكەن سوڭ، تۋعان جەرىنە كەتىپ قالدى دەپ ول جاقتاعىلار وكپە ايتپايدى ما؟
- جوق، تۋعان توپىراققا تابان تىرەپ، قازاقستاننىڭ اتىن اسقاقتاۋدى مەن باياعىدان بەرى ارماندادىم. ال قىتاي سپورتشىلارعا ءزارۋ ەمەس، جۇلدە اپەرەر وعىلاندار ول جاقتا جەتىپ ارتىلادى.
- جاڭا مەكەنگە ۇيرەنىسىپ كەتۋ قيىندىق تۋعىزىپ جاتقان جوق پا؟ قانشا دەگەنمەن، ەس بىلگەلى تۋعان ەلدەن جىراقتا ءجۇردىڭ...
- ارينە، تۋعان جەرگە ورالعانىم ءۇشىن شەكسىز باقىتتىمىن! وزگە ەلدە سۇلتان بولعانشا، ءوز ەلىمدە ۇلتان بولىپ، حالقىمنىڭ كادەسىنە جاراسام جەتكىلىكتى. قىتاي ون جەردەن دامىپ كەتسە دە، اتامەكەندى الماستىرا المايدى. مۇندا ءبارى دە جاقسى، تەك ءتىل جاعىنان قينالىپ جۇرگەنىمدى جاسىرمايمىن. ويتكەنى، رەسمي ءتىل انا تىلىمىزگە قاراعاندا جيىرەك قولدانىلادى. ال، مەن ورىسشا بىلمەيمىن.
- وسى ورايدا قاناتتىڭ مۇمكىندىگى مەن الەۋەتىن ءبىلۋ ماقساتىمەن ۇلتتىق قۇرامانىڭ باس باپكەرى مىرزاعالي ايتجانوۆ پەن تالانتتى بوكسشىنىڭ جەكە باپكەرى تۇرسىنعالي ەدىلوۆتى سوزگە تارتقان ەدىك
مىرزاعالي ايتجانوۆ:
- قاناتتىڭ قۇجاتتارى ءالى تولىق دايىن ەمەس. ەگەر، قۇجات جاعى ەش كەدەرگى تۋدىرماسا، ول قازاقستان چەمپيوناتىنا قاتىسىپ، ءوز سالماعىندا چەمپيون اتانۋعا تىرىسۋ كەرەك. ءسوز جوق، قانات وتە تاجىريبەلى بوكسشى. قازاق ەلىنىڭ ابىرويىن اسقاقتاتۋعا شاماسى جەتەدى. ۇلتتىق قۇرامادا وعان دانابەك سۋجانوۆ، نۇرداۋلەت جارمانوۆتار قارسىلاس اتانۋى مۇمكىن.
تۇرسىنعالي ەدىلوۆ:
- قاناتتىڭ الەۋەتىن كەشەگى وتكەن تۋرنير كورسەتتى دەپ ويلايمىن. WBS نۇسقاسى بويىنشا وتكەن سايىستا قارسىلاسىن ەسىنەن تاندىردى. وتە تالانتتى بوكسشى، لوندونعا بارۋ ءۇشىن الدىمەن قازاقستان بىرىنشىلىگىنە قاتىسامىز.
«اباي-اقپارات»
