"الەۋمەتتىك كومەكاقى بەرىلەتىن كاسسالاردا پلاستيكالىق كارتاعا ءوتۋ تۋرالى جارنامالار ءىلۋلى تۇر. ەندى ءاربىر ون فەرمەرلىك بىرلەستىكتە تەك ءبىر عانا ەسەپشى جۇمىس ىستەيدى. قالعاندارىن قىسقارتادى", - دەپ حابارلايدى ازاتتىقتىڭ تۇركىمەن قىزمەتىنە سولتۇستىك ايماقتىڭ تۇرعىندارى.

قازىرگى كەزدە تۇركىمەنستان تولىعىمەن اقشاسىز تولەم جۇيەسىنە ءوتىپ جاتىر. زەينەتكەرلەر، ستۋدەنتتەر، جۇمىسكەرلەر اقشانى تەك پلاستيكالىق كارتا ارقىلى الاتىن بولادى. فەرمەرلەرگە دە كارتا الۋدى مىندەتتەگەن.

بىراق بانكوماتتا كوبىندە جەتكىلىكتى اقشا بولماۋىنان، تۇرعىندار قولما-قول اقشا الا الماي جاتادى. تۇركىمەنستاننىڭ ورتالىق بانكى ۇسىنعان ولشەم بويىنشا، اشحاباد تۇرعىندارى بانكوماتتان ءبىر تاۋلىكتە 1000 ماناتتان (شامامەن 285 دوللار) ارتىق، ال ايماق تۇرعىندارى 300 ماناتتان (شامامەن 86 دوللار) اسپايتىن اقشا الا الادى.

تۇركىمەنستاندا ساۋدا ورىندارىندا اقشاسىز تولەم جاساۋ جۇيەسى ءالى دۇرىس دامىماعان.

Abai.kz