"Әлеуметтік көмекақы берілетін кассаларда пластикалық картаға өту туралы жарнамалар ілулі тұр. Енді әрбір он фермерлік бірлестікте тек бір ғана есепші жұмыс істейді. Қалғандарын қысқартады", - деп хабарлайды Азаттықтың түркімен қызметіне солтүстік аймақтың тұрғындары.

Қазіргі кезде Түркіменстан толығымен ақшасыз төлем жүйесіне өтіп жатыр. Зейнеткерлер, студенттер, жұмыскерлер ақшаны тек пластикалық карта арқылы алатын болады. Фермерлерге де карта алуды міндеттеген.

Бірақ банкоматта көбінде жеткілікті ақша болмауынан, тұрғындар қолма-қол ақша ала алмай жатады. Түркіменстанның Орталық банкі ұсынған өлшем бойынша, Ашхабад тұрғындары банкоматтан бір тәулікте 1000 манаттан (шамамен 285 доллар) артық, ал аймақ тұрғындары 300 манаттан (шамамен 86 доллар) аспайтын ақша ала алады.

Түркіменстанда сауда орындарында ақшасыз төлем жасау жүйесі әлі дұрыс дамымаған.

Abai.kz