الماتى. 18 قاڭتار. قازتاگ – قر ۇلتتىق بانكى اينالىمعا 7-ءشى قىسقى ازيا ويىندارىنا ارنالعان ت2000 نومينالداعى جاڭا اقشا شىعاردى. ۇلتتىق بانك سايتىندا وسىنداي اقپارات جاريالاندى.

بانكنوت اينالىمعا دۇيسەنبى كۇنى، 17-ءشى قاڭتاردا شىعارىلدى. بانكنوتتىڭ جالپى تيراجى 20 ملن دانا.

اقشانىڭ كوگىلدىر-جاسىل ءتۇسى باسىم جانە ونىڭ نەگىزىنەن ارتقى جاعى وزگەرگەن.

«ارت جاعىندا: باسىم بەينەلەر – كولدەنەڭ. نەگىزگى بەينە: تاۋ سىلەمدەرىنىڭ فونىندا شاڭعىشى جانە 7-ءشى ازيا ويىندارىنىڭ سيمۆوليكاسى.  تومەنگى سول جاعىندا بانكنوت نومينالىن ايقىندايتىن تسيفر، تومەنگى جاعىنداعى ورتاسىندا – ورىس تىلىندەگى نومينال جازۋى. جوعارعى جاعىنداعى ورتاسىندا "قازاقستان ۇلتتىق بانكى" جازۋى مەن بانك-ەميتەنتتىڭ لوگوتيپى تاڭبالانعان.  ...بانكنوتتىڭ بۇكىل اۋماعىندا قازاقتىڭ ۇلتتىق ويۋلارىنىڭ ناقىشى قولدانىلعان»، - دەلىنگەن ۇلتتىق بانك حابارىندا.

بانكنوتتىڭ بەتىنە دە بىرنەشە ەلەمەنتتەر قوسىلعان.

«ورتاسىندا «استانا-بايتەرەك» مونۋمەنتى بەينەلەنگەن. بانكنوت ورتاسىندا قارا-كوكشىل جانە كوكشىل جولاقتاردا اق تۇسپەن قر مەملەكەتتىك ءانۇرانىنىڭ نوتالارىنىڭ فراگمەنتى بەلگىلەنگەن دە، وعان اقشىل تۇسپەن نومينالدىڭ تسيفرلىق تاڭباسىنىڭ سۇلباسى تۇسىرىلگەن. «بايتەرەك» مونۋمەنتىنىڭ سول جاعىندا التىن تۇسپەن قر مەملەكەتتىك ەلتاڭباسى بەينەلەنگەن. جوعارىداعى وڭ جاعىندا – قر مەملەكەتتىك تۋى بەينەلەنگەن. بانكنوتتىڭ تومەنگى جاعىندا اشىق الاقان مەن ءتۇرى وزگەرىپ تۇراتىن قاردىڭ سۋرەتى بەينەلەنگەن. تومەنگى سول جاعىندا نومينال مەملەكەتتىك تىلدە جازىلعان»، - دەلىنگەن ۇلتتىق بانك حابارىندا.