نۇرا ماتاي. ءبىر وكىنىش، ءبىر ءۇمىت
وليمپيادا جۇلدەگەرى قانداسىمىز قانات ءسىلامۇلى ەلگە ورالىپ، قازاق سپورتىنا قىزمەت ەتۋگە بەل بايلاپ وتىرعانىن ەستىپ، قۋانعانىمىزبەن، رەسەيدە عارىشقا ۇشۋ ءۇشىن وقىپ، جاتتىعىپ ايعا ۇشۋعا بابى ابدەن كەلگەن كەزدە ايدىن ايىمبەتوۆ ءبىزدىڭ بىلۋىمىزشە، رەسەي ازاماتتىعىن قابىلداعانىن ەستىپ وكىندىك. «ءاي، قاپ!» دەستىك. ول از دەسەڭىز، ايدىنمەن بىرگە عارىشكەر اتانۋعا ۇمىتكەر قازاقتىڭ ءبىرى مۇحتار ايماحانوۆ تا بۇدان ىلگەرىرەك تە رەسەي ازاماتى بولىپ العان كورىنەدى.
قازاقستان ۇشىرعان «قازسات1» قاڭعىپ كەتتى. قايدا جۇرگەنى ءبىر اللاعا ايان. ەندى كەلىپ، قازىنانىڭ اقشاسىنا وقىتىپ، توقىتىپ ۇكىلەپ وتىرعان ايىمبەتوۆ، ايماحانوۆ استانا ايعا قاشان ۇشىرادى دەپ سارىلا كۇتىپ، اقىرى جاسى دا، ۋاقىتى دا ءوتىپ كەتەتىنىن بىلسە كەرەك رەسەيدىڭ ازاماتتىعىنا ءوتىپتى. سوندا «قازسات2»-ءنى دايىنداپ، عارىشتى باعىندىرماق بولىپ الاشاپقىن بولىپ جۇرگەن عارىش اگەنتتىگى اي قاراپ، جۇلدىز ساناپ وتىر ما؟ كادرلاردىڭ قامىن نەگە ويلامايدى؟ الدە اگەنتتىك قازاقستاننىڭ عارىشتى يگەرەتىنىنە كۇمانمەن قاراي ما؟ كۇنى كەشە ەل ۇرپاعى تۇلعاسىنا قاراپ بوي تۇزەگەن توقتار اۋباكىروۆتىڭ ءىزىن باسقان ىنىلەرى ايدىڭ، كۇننىڭ امانىندا ءوز ەلى جۋىق ماڭدا عارىشقا ۇشىرا المايتىنىنا كوزدەرى جەتىپ، كۇدەرلەرىن ءۇزىپ اقىرى رەسەيدىڭ ازاماتى بولىپ شىعا كەلدى.
وليمپيادا جۇلدەگەرى قانداسىمىز قانات ءسىلامۇلى ەلگە ورالىپ، قازاق سپورتىنا قىزمەت ەتۋگە بەل بايلاپ وتىرعانىن ەستىپ، قۋانعانىمىزبەن، رەسەيدە عارىشقا ۇشۋ ءۇشىن وقىپ، جاتتىعىپ ايعا ۇشۋعا بابى ابدەن كەلگەن كەزدە ايدىن ايىمبەتوۆ ءبىزدىڭ بىلۋىمىزشە، رەسەي ازاماتتىعىن قابىلداعانىن ەستىپ وكىندىك. «ءاي، قاپ!» دەستىك. ول از دەسەڭىز، ايدىنمەن بىرگە عارىشكەر اتانۋعا ۇمىتكەر قازاقتىڭ ءبىرى مۇحتار ايماحانوۆ تا بۇدان ىلگەرىرەك تە رەسەي ازاماتى بولىپ العان كورىنەدى.
قازاقستان ۇشىرعان «قازسات1» قاڭعىپ كەتتى. قايدا جۇرگەنى ءبىر اللاعا ايان. ەندى كەلىپ، قازىنانىڭ اقشاسىنا وقىتىپ، توقىتىپ ۇكىلەپ وتىرعان ايىمبەتوۆ، ايماحانوۆ استانا ايعا قاشان ۇشىرادى دەپ سارىلا كۇتىپ، اقىرى جاسى دا، ۋاقىتى دا ءوتىپ كەتەتىنىن بىلسە كەرەك رەسەيدىڭ ازاماتتىعىنا ءوتىپتى. سوندا «قازسات2»-ءنى دايىنداپ، عارىشتى باعىندىرماق بولىپ الاشاپقىن بولىپ جۇرگەن عارىش اگەنتتىگى اي قاراپ، جۇلدىز ساناپ وتىر ما؟ كادرلاردىڭ قامىن نەگە ويلامايدى؟ الدە اگەنتتىك قازاقستاننىڭ عارىشتى يگەرەتىنىنە كۇمانمەن قاراي ما؟ كۇنى كەشە ەل ۇرپاعى تۇلعاسىنا قاراپ بوي تۇزەگەن توقتار اۋباكىروۆتىڭ ءىزىن باسقان ىنىلەرى ايدىڭ، كۇننىڭ امانىندا ءوز ەلى جۋىق ماڭدا عارىشقا ۇشىرا المايتىنىنا كوزدەرى جەتىپ، كۇدەرلەرىن ءۇزىپ اقىرى رەسەيدىڭ ازاماتى بولىپ شىعا كەلدى.
تاعى ءبىر قۇلاعىمىز شالعانى قازاقستان جاعى رەسەيگە «عارىشقا ءبىر قازاق ازاماتىن ۇشىرىپ بەرسەڭىزدەر ەكەن»، دەپ ءوتىنىش ايتىپتى. كورشىسىنىڭ ءبىر اۋىز ءسوزىن جەرگە تاستاماعان رەسەي «ۇشىرامىز»، دەپ ۋادە بەرىپتى. ەگەر ەرتەڭ رەسەي سول ەلدىڭ ازاماتتىعىن قابىل العان ياعني رەسەيلىك بولىپ سانالاتىن ايماحانوۆ پەن ايىمبەتوۆتىڭ بىرەۋىن ۇشىرىپ، «قازاق ۇشتى»، دەپ استانادان ءسۇيىنشى سۇراپ، ءبارىمىز بوركىمىزدى اسپانعا اتىپ قۋانىپ جۇرسەك تاڭ قالماڭىز. ويتكەنى، ءبىزدىڭ ەلدە ءبارى مۇمكىن...
