نۋرلان ومۋركۋلدىڭ ايتۋىنشا، قاراپايىم قىسقاشتىڭ ءوزى 600 دوللاردان "ساتىپ الىنعان". "سول سەكىلدى جۇك كوتەرگىشتەردى 15-17 مىڭ دوللارعا باعالاعان. 386 ملن دوللاردىڭ سمەتاسىن سۇراتقاندا، ولار اسىعىس تولتىرىپ بەرگەن. سول سەبەپتى وسىنداي باعالار پايدا بولعان", - دەدى ومۋركۋل ۋلۋ.

بۇرىنعى ديرەكتور ورتالىقتا قاراپايىم كامەرالار ورناتىلعانىن راستادى، بىراق ولاردىڭ ناقتى سانىن اتاي المادى. بۇعان دەيىن الەۋمەتتىك جەلىلەردە باقىلاۋ كامەرالارىنىڭ ارقايسىسى 14,5 مىڭ دوللاردان ساتىپ الىنعانى تۋرالى مالىمەت شىققان ەدى.

"ەلەكتر ستانتسياسى" ااق ءباسپاسوز حاتشىسى تاگجان ايداراليەۆا "بەينەباقىلاۋ" پۋنكتىندە 1 ملن 94 مىڭ دوللار شىعىن كەتكەنى كورسەتىلگەنىن ايتقان.

26 قاڭتاردا بىشكەك جىلۋ ەلەكتر ستانتسياسىندا ءورت شىقتى، سونىڭ سالدارىنان قالادا كوپتەگەن تۇرعىن ۇيلەر جىلۋسىز قالدى. باس پروكۋراتۋرا قىلمىستىق ءىس قوزعادى، ال پارلامەنت 386 ملن دوللاردىڭ قالاي جۇمسالعانىن زەرتتەيتىن ۋاقىتشا دەپۋتاتتىق كوميسسيا قۇردى.

ورتالىق ديرەكتورى نۇرلان ومۋركۋل ۋلۋ جۇمىستان شىعارىلدى، مۇقك "ەلەكتر ستانتسياسى" ااق تەحنيكالىق ديرەكتورى الماز جۋسۋپبەكوۆتى اقشا جىمقىرعان دەگەن كۇدىكپەن قاماۋعا الدى.

Abai.kz