ءبىز ءوز ىشىمىزدەن ىرىڭ-جىرىڭ بولىپ، «يتتتەر» مەن «بيتتەردى» سانامالاپ جۇرگەندە، جات پيعىلدى ءدۇبارا سەكتالار شەگارامىزدان سەكىرىپ كىرىپ جاتىر. ءبىرىنىڭ اۋزىن باسساڭ، ءبىرىنىڭ ارتى شۋلاپ قويا بەرەتىن سانسىز ءدىني بىرلەستىكتەردىڭ باسسىز كەتكەنى سونشالىق، كوشە-كوشەنى ارالاپ، ەسىگىمزدى ەنتەلەي قاعىپ، ءسال ىڭعاي تانىتساڭ، «دۋاسىن سۋ-سۋلەپ»، تايراڭداپ ءجۇر. بۇرىندارى ميسسيونەر وزدەرىنىڭ قوجىرالارىنان (عيباداتحانالارىنان) ونشا ۇزاي قويماۋشى ەدى. سۇحبات بەرۋدەن، بوتەن ادامنان ازداپ سەسكەنەتىن دە ەدى. قازىرگىلەر ودان ادا. ولاي ەتپەي قايتسىن، ەلىمىز «بارلىق دىندەردىڭ، بارلىق الاۋىزدىقتار مەن تۇسىنىسپەۋشىلىكتەردىڭ، دۇردارازدىقتاردىڭ «باسىن قوسىپ»، ءبىر قازاننان اس بەرىپ وتىرعان الەمدە تەڭدەسى جوق »، كىشىگىرىم بەيىش تۇرسا.

ءبىز ءوز ىشىمىزدەن ىرىڭ-جىرىڭ بولىپ، «يتتتەر» مەن «بيتتەردى» سانامالاپ جۇرگەندە، جات پيعىلدى ءدۇبارا سەكتالار شەگارامىزدان سەكىرىپ كىرىپ جاتىر. ءبىرىنىڭ اۋزىن باسساڭ، ءبىرىنىڭ ارتى شۋلاپ قويا بەرەتىن سانسىز ءدىني بىرلەستىكتەردىڭ باسسىز كەتكەنى سونشالىق، كوشە-كوشەنى ارالاپ، ەسىگىمزدى ەنتەلەي قاعىپ، ءسال ىڭعاي تانىتساڭ، «دۋاسىن سۋ-سۋلەپ»، تايراڭداپ ءجۇر. بۇرىندارى ميسسيونەر وزدەرىنىڭ قوجىرالارىنان (عيباداتحانالارىنان) ونشا ۇزاي قويماۋشى ەدى. سۇحبات بەرۋدەن، بوتەن ادامنان ازداپ سەسكەنەتىن دە ەدى. قازىرگىلەر ودان ادا. ولاي ەتپەي قايتسىن، ەلىمىز «بارلىق دىندەردىڭ، بارلىق الاۋىزدىقتار مەن تۇسىنىسپەۋشىلىكتەردىڭ، دۇردارازدىقتاردىڭ «باسىن قوسىپ»، ءبىر قازاننان اس بەرىپ وتىرعان الەمدە تەڭدەسى جوق »، كىشىگىرىم بەيىش تۇرسا.

سول ءبىر «دارحاندىعىمىز بەن كەڭپەيىلدىگىمىزدى» (قۇرىپ كەتكىر، وسى سوزدەردى قانداي جەك كورىپ كەتكەنىمدى وقىرمان قاۋىم بىلەر مە ەكەن) پايدالانىپ، ويىنا كەلگەنىن مىسىقتابانداپ ىسكە اسىرىپ جاتقاندار ەندى اقپاراتتىق الەمگە اۋىز سالا باستاپتى. «يسا ءماسىحتىڭ» مۇريتتەرى بۇرناعى جىلدارى وتە كوركەم ءارى ادەبي تىلمەن بارىنشا ساۋاتتى اۋدارىلعان جۋرنالدارىن ەلگە تاراتۋشى ەدى. سول ارقىلى ارام پيعىلدارىن الدىنا سالىپ، تالاي قازاقتىڭ بالاسىن ۇيىرلەرىنە قوسىپ، نەشەلەگەن وتباسىنىڭ ويران-بوتقاسىن شىعارعان بولاتىن. ۋاقىت وزعان سايىن بەل الا باستاعان سەكتالار قازاق قوعامى عالامتورعا ۇيىرسەكتەگەنىن بايقاسا كەرەك، جاڭا سايت اشىپتى. اتىنان ات تۇگىلى، ءبىر اللاعا سىيىنعان پەندە بالاسى ۇركەدى: «kudai.kz» دەپ ءبىر-اق قويىپتى. «ماي تىلەسەڭ، مىنە، قۇيرىق». «ءدىني تۇسىنىستىكتىڭ» بىزدەگى ايرىقشا جەتىستىگىنىڭ جەمىسى دەمەي كورىڭىز مۇنى.

«قۇداي - ول كىم؟» دەپ سۇراقتى توتەسىنەن قويىپ، ءار سوزدەرىن «بيبليا» مەن «ءتاۋراتتىڭ» تاراۋلارى ارقىلى تۇزدىقتاپ «يماندىلىققا، وتان سۇيگىشتىككە» «تاربيەلەپ» وتىر ەكەن. سولاي دەمەسكە لاجىڭ جوق،

«قۇرمەتتى وقىرمان قاۋىم، مەيىرىمدى دە راقىمدى قۇدايدىڭ اتىمەن سىزدەرگە دۇعاي سالەم جولدايمىز! قازاق جەرىندەگى بەيبىتشىلىك پەن تىنىشتىق ءۇشىن اللا تاعالاعا مول العىسىمىزدى بىلدىرە وتىرىپ، ەلىمىزدىڭ وركەندەپ كوركەيە بەرۋىن، ۇلتتار اراسىندا تاتۋلىقتىڭ جانە دىندەر اراسىندا بەيبىتشىلىكتىڭ ساقتالۋىن تىلەيمىز. ءسىز يسا پايعامبار تۋرالى كوپ بولماسا دا ءبىراز حاباردار بولارسىز. يسانىڭ جولىنا قارسى قويىلاتىن ساۋالدار مەن سۇراقتار كوپتەپ كەزدەسەدى. بىراق، قۇدايعا شۇكىر، قانشاما قيىن سۇراقتار بار بولسا دا، قۇداي سوزىنەن الىنعان لايىقتى جاۋاپتار دا بارشىلىق! شىن مانىندە، كەيبىر ادامدار قۇدايدى بىلگىسى كەلمەيدى. ولارعا قۇدايسىز ءومىر ۇنايدى. ال ءسىزدى شىن كوڭىلمەن قۇدايدى ىزدەيتىن ادام دەپ سانايمىز. سىزگە ەڭ ماڭىزدى سۇراق مىناۋ بولماق: "شىندىق دەگەنىمىز نە؟" نەمەسە "مەن شىندىقتى قايدان تابا الامىن؟"

سوزدەرىن كوردىڭىزدەر مە؟ تۋرا ءبىزدىڭ ءبىر اعامىزدىڭ «باياندامالارىنان»، سۇحباتتارىنان تۇسپەيتىن جولدار عوي بۇلار. «قۇداي توبەسىنەن ۇرعىرلاردىڭ» قۇدايشىلدىعىن . قازاقشىلدىعىن. «قازاق جەرىندەگى بەيبىتشىلىك پەن تىنىشتىق ءۇشىن» تەنتىرەپ كەلگەن كەلىمسەكتەردىڭ بۇگىنگى تايراڭىن. ساق بولىڭدار، اعايىن. يىرقامشىلانعان يساشىلدار ىرگەڭنىڭ ەتەگىن تۇرۋدە.

«اباي-اقپارات»