ياكۋتسكىدە ۇشاقتان 3,4 توننا التىن مەن پلاتينا شاشىلعان
ياكۋتيادا جەرگىلىكتى باق-تىڭ حابارلاۋىنشا، بەيسەنبى كۇنى تاڭەرتەڭ اۋەجايدا ۇشىپ-قونۋ جولاعىندا 3,4 توننا التىن مەن پلاتينا جانە بريلليانتتار شاشىلىپ قالعان.
جەرگىلىكتى ءىىم باسقارماسى وقيعانى راستادى. رەسمي بولجام بويىنشا، "نيمبۋس" اۋە كومپانياسىنىڭ ان-12 جۇك ۇشاعى ۇشار الدىندا سول جاق ەسىگى جۇلىنىپ كەتكەن.
"الدىن الا اقپارات بويىنشا، 3,4 توننا بولاتىن 172 قۇيما تابىلدى. جۇك دۇرىس تيەلمەگەن. التىننىڭ جارتىسى شاشىلىپ قالعان، قالعان 9 تونناسى ورنىندا", - دەيدى ءىىم باسقارماسىنىڭ وكىلى.
كەيبىر مالىمەتكە قاراعاندا ۇشاقتا كۇمىس ارتىلعان.
"مەنىڭ اقپاراتىم بويىنشا، ۇشاقتا كۇمىس قۇيمالار بولعان. بارلىعى 200 قۇيما بولعان", - دەيدى "ينتەرفاكستىڭ" رف تەرگەۋ كوميتەتىندەگى دەرەككوزى.
بورتتا ەكيپاجدىڭ بەس مۇشەسى بولعان. ەشقايسىسى زارداپ شەكپەگەن. ۇشاق ياكۋتسكىدەن 12 شاقىرىم قاشىقتىقتاعى ماگان اۋىلىنا قونعان.
وقيعا كۋاگەرلەرى اۋەجاي اينالاسىندا باعالى قۇيمالار شاشىلىپ جاتتى، ايماققا ەشىم جىبەرىلمەدى دەيدى.
Sakhaday مالىمەتى بويىنشا، ۇشاق "كۋپول" كەنىشى – كراسنويارسك باعىتى بويىنشا ۇشقان. ياكۋتسك اۋەجايىنا ماي قۇيۋ ءۇشىن توقتاعان. رەسەي ورتالىق بانكىنىڭ باعامى بويىنشا، التىننىڭ ءبىر گراممى 2 425,42 رۋبل تۇرادى. ۇشاقتاعى التىن قۇنى شامامەن 21,8 ملرد رۋبل بولادى.
Abai.kz
