سەنبى, 5 ءساۋىر 2025
3624 1 پىكىر 16 ناۋرىز, 2018 ساعات 09:27

نازارباەۆ: وا باسشىلارىنىڭ كەزدەسۋى رەسەيمەن بايلانىسقا اسەر ەتپەيدى

قازاقستان پرەزيدەنتى نۇرسۇلتان نازارباەۆ استانادا وتكەن ورتالىق ازيا ەلدەرى باسشىلارىنىڭ باس قوسۋىندا رەسەيدەگى سايلاۋعا قاتىستى پىكىرىن ءبىلدىرىپ، بۇل كەزدەسۋ رەسەي، قىتاي سەكىلدى ءىرى ەلدەرمەن بايلانىسقا كەرى اسەرىن تيگىزبەيدى دەپ مالىمدەدى.

استانادا وتكەن ورتالىق ازيا ەلدەرى مەملەكەت باسشىلارىنىڭ كەزدەسۋى كەزىندە نازارباەۆ 2017 جىلى قازاقستاننىڭ ورتالىق ايماق ەلدەرىمەن ەكسپورت كولەمى 35 پايىزعا ارتقانىن، مۇنداي كورسەتكىشكە "بۇرىن-سوڭدى قول جەتپەگەنىن" ايتتى.

ونىڭ سوزىنشە، ايماق ەلدەرى شەكارالارىندا جاڭا تەكسەرۋ جانە وتكىزۋ بەكەتتەرى اشىلىپ، كولىك قاتىناسى قالپىنا كەلىپ، شەكارا ماسەلەلەرى بىرتىندەپ رەتتەلىپ جاتىر.

"ارينە، ءبىز بۇل جەردە ورتالىق ازيا جانە قازاقستانمەن تۇيىقتالىپ قالامىز دەمەيمىن. ءبىزدىڭ قىتاي جانە رەسەي سياقتى ۇلكەن كورشىلەرىمىز بار. ولارمەن بەرىك بايلانىستامىز. ءبىز بۇل ىرگەلى كورشىلەرىمىزبەن، ۇلكەن نارىقپەن بەلسەندى ىنتىماقتاستىق ورناتقانبىز جانە ونى جالعاستىرعىمىز كەلەدى",- دەدى نازاراەۆ.

قازاقستان پرەزيدەنتى ءسوزىنىڭ سوڭىندا رەسەيدەگى الداعى پرەزيدەنت سايلاۋىنىڭ جاقسى وتكەنىن قالايتىنىن جانە رەسەي پرەزيدەنتى ۆلاديمير پۋتينگە ساتتىلىك تىلەيتىنىن ايتتى.

رەسەيدە پرەزيدەنت سايلاۋى الداعى جەكسەنبى، 18 ناۋرىزدا وتەدى.

Abai.kz

1 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1516
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 4244
46 - ءسوز

بىزگە بەيمالىم باراق حان

جامبىل ارتىقباەۆ 3143