شىمكەنت. 20 قاڭتار. قازتاگ – ەل جوو-نىڭ اراسىندا قر ءبىلىم جانە عىلىم مينيسترلىگىنىڭ جۇرگىزگەن كەزەكتەن تىس مەملەكەتتىك اتتەستاتسيا قورىتىندىسىندا «شىمكەنت ۋنيۆەرسيتەتىنىڭ» ليتسەنزياسى 4 ماماندىق بويىنشا ۋاقىتشا توقتاتىلدى، دەپ ۋنيۆەرسيتەتتەن بەيسەنبى كۇنى كەشكىسىن حابارلادى.

«ءبىلىم جانە عىلىم سالاسىنداعى باقىلاۋ كوميتەتى باكالاۆرياتتىڭ ءتورت ماماندىعى: - «گەوگرافيا»، «ەكونوميكا»، «ەسەپ-اۋديت» جانە «قارجى» ماماندىقتارى بويىنشا شۋ-ءىن اتتەستاتسيالاماۋ تۋرالى بۇيرىق شىعاردى»، - دەپ وقۋ ءبولىمىنىڭ باستىعى انار سابدالينا ءمالىم ەتتى.

ونىڭ ايتۋىنشا، ۋنيۆەرسيتەتتەگى تەكسەرۋ ەكى ايداي ۋاقىت ءجۇردى. سونىڭ قورىتىندىسىندا بىرقاتار كەمشىلىكتەر انىقتالدى. «عىلىمي اتاعى بار مۇعالىمدەر ۇلەسى از، اتالعان ماماندىقتاردىڭ جەكەلەگەن پاندەرى بويىنشا كىتاپ قورى مەن وقۋ-ادىستەمەلىك كەشەن قۇرالدارىنىڭ ازدىعى اتاپ ءوتىلدى. بۇل كەمشىلىكتەردى بەلگىلى ءبىر ۋاقىت ارالىعىندا جويۋ كەرەك»، - دەپ ءتۇسىندىردى ا. سابدالينا.

ول مەرزىمدى بعم ءۇش اي دەپ بەلگىلەدى. ودان باسقا ۋنيۆەرسيتەتكە ت141 مىڭ مولشەرىندەگى ايىپپۇل سالىندى.