قازاقستاندا 400 مىڭنان اسا جالعىزباستى انا بار
![](http://abai.kz/content/uploads/2018/03/g.png)
جالعىزباستى انالاردىڭ جاعدايىن كىم ويلاپ ءجۇر؟
رەسپۋبليكالىق «ايەلدى ايالا» اكتسياسى اياسىندا تانىمال PR مامان، ايەلدەرگە ارنالعان «اجىراسپا» بلوگىنىڭ اۆتورى اينا دوسقىزى وسى ساۋالعا جاۋاپ بەرگەن ەكەن.
«ءبىزدىڭ قوعامداعى جالعىزباستى انالاردىڭ جاعدايى اۋىر. مەملەكەت تاراپىنان قولداۋ قاراستىرىلماعان. بۇدان بولەك كوپتەگەن ەر-ازاماتتار اجىراسقاننان كەيىن ءوزىنىڭ جۇمىس ورنىن جاسىرادى. رەسمي جالاقىسىن جاسىرادى»، – دەيدى ول.
اينا دوسقىزىنىڭ ايتۋىنشا، مۇنىڭ ءبارى ءوز بالالارىنا اليمەنت تولەمەۋدىڭ جولى.
«قازاقستاندا 400 مىڭنان اسا جالعىزباستى انا بار. بۇل ءبىزدىڭ قوعامداعى اسا وزەكتى ماسەلەنىڭ ءبىرى»، – دەيدى اينا دوسقىزى.
ايتا كەتەلىك، ازىرگى كۇنى ەلىمىزدە «ايەلدى ايالا» اكتسياسى وتۋدە. شارانىڭ ماقساتى قوعامداعى نازىك جاندى قاۋىمنىڭ بەدەلىن كوتەرۋ، تۇرمىستىق زورلىق-زومبىلىقتىڭ الدىن الۋ، قازاق ايەلىنىڭ قازىرگى ورتاداعى پروبلەمالارىن اشىق ايتۋ.
“ايەلدى ايالا” اكتسياسىنا دانا نۇرجىگىت، ءلايلا سۇلتانقىزى، باقىت شاداەۆا، اينا دوسمۇحامەدقىزى سياقتى تانىمال تۇلعالار اتسالىسۋدا.
Abai.kz