پاۆلودار. 24 قاڭتار. قازتاگ – جەكسەنبى كۇنى كەشكىسىن ازيادا الاۋى پاۆلودارعا جەتتى، دەپ اگەنتتىك ءتىلشىسى حابارلادى.

پاۆلودار اۋەجايىندا ازيادا الاۋىن اكەلگەن ۇشاقتى جۇزدەگەن قالا تۇرعىندارى قارسى الىپ، الاۋ كەشكىسىن «قازاقستان حالىق بانك» اق عيماراتىنا ورنالاستىرىلدى.

دۇيسەنبى كۇنى 60 ادام الاۋدى ەكى كەزەڭگە بولىنگەن مارشرۋتپەن وبلىس ورتالىعىنىڭ كوشەلەرىمەن الىپ جۇرەدى.

«مارشرۋتتىڭ جالپى ۇزىندىعى 12 كم. مارەدە سيمۆوليكالىق قۇتىدا الاۋ تۇتاندىرىلىپ، گالا كونتسەرت بولادى»، - دەدى قالالىق اكىمشىلىك ءباسپاسوز قىزمەتىنەن.

ەسكە سالساق، 2011-ءشى جىلعى 7-ءشى قىسقى ازيا ويىندارىنىڭ الاۋى الماتىعا 12-ءشى قاڭتاردا كۋۆەيتتەن كەلگەن بولاتىن. ودان كەيىن ازيادا الاۋىنىڭ ەستافەتاسى تاراز، شىمكەنت جانە قىزىلوردا، اقتاۋ، اتىراۋعا، ورال، قوستاني، پەتروپاۆلعا باردى. ەستافەتا قازاقستاننىڭ بارلىق ايماقتارىنا بارىپ، استاناعا 30-شى قاڭتاردا، «استانا-ارەنا» فۋتبول ستاديونىندا ازيادانىڭ اشىلۋ سالتاناتىنىڭ باستالۋ شاعىندا مارەگە جەتەدى.

ازيادا استانا مەن الماتىدا 30-شى قاڭتار مەن 6-شى اقپان ارالىعىندا وتەدى.