تالدىقورعان. 24 قاڭتار. قازتاگ – 2010-شى جىلى الماتى وبلىسىندا ءار ءتۇرلى توتەنشە جاعدايلاردا 873 ادام قازا بولدى. تاعى 5878 ادام ءار ءتۇرلى دارەجەدەگى جاراقات الدى. بۇل تۋرالى الماتى وبلىسىنىڭ توتەنشە جاعدايلار دەپارتامەنت ءباسپاسوز قىزمەتىنەن حابارلادى.

«الماتى وبلىسىنىڭ تەرريتورياسىندا 2010-شى جىلى تج دەپارتامەنتى تابيعي جانە تەحنوگەندىك 3338 وقيعا تىركەدى. ودان كەلگەن شىعىن ت2,1 ملرد بولدى. توتەنشە جاعدايلار مەن اپاتتاردا 873 ادام ءولىپ، 5878 ادام جاراقات الدى»، - دەلىنگەن حاباردا.

تىركەلگەن جالپى وقيعالاردىڭ نەگىزگى ۇلەسى ورتكە (1422 وقيعا) جانە جكو (1532 وقيعا) وقيعالارىنا تيەسىلى. سونداي-اق قار كوشكىنى، جەر سىلكىنىسى، سۋ تاسقىنى، كوپىر وپىرىلىپ قۇلاۋى، سۋداعى تج، وق-ءدارى مەن قوپارىلعىش زاتتار تابىلىپ، تەلەفون بۇزاقىلىق فاكتىلەرى تىركەلدى.

مەملەكەتتىك ورتكە قارسى ينسپەكتورلار بارلىق مەنشىك تۇرىندەگى كاسىپورىندار مەن مەكەمەلەردە ءورت-تەحنيكالىق زەرتتەۋلەر جۇرگىزۋ بارىسىندا 35 مىڭ ورتكە قارسى ەرەجە بۇزىلۋ فاكتىلەرىن انىقتاپتى. اكىمشىلىك جازا رەتىندە  3008 جەكە، لاۋازىم جانە زاڭدى تۇلعاعا جالپى سوماسى ت26,9 ملن ايىپپۇل سالىنعان.