پاۆلودار اتاۋىنا بايلانىستى داۋ-دامايدىڭ باستالعانىنا از ۋاقىت بولعان جوق. كۇنى بۇگىنگە دەيىن اقپارات  قۇرالدارىندا ايقاس اياقتالار ەمەس. ايتا-ايتا التايدى، جامال اپام قارتايدىنىڭ جاعدايىنا جەتتىك. حالىق  قاجىدى.تارتىس توزدىردى. قوعام شارشادى.

جەرگىلىكتى تاريحشى ماريا تەرەنيك، «كەرەكۋ» بولسىن دەيتىن جامبىل ارتىقباەۆتىڭ «ارگۋمەنتتەرى» از، ال اسقار نۇرباەۆتا ناقتى دالەل جوق  دەيدى. ولىسپەي بەرىسپەيتىن، «گورودسكايا نەدەليا» گازەتىنىڭ رەداكتورى يۋري كوۆحاەۆ پەن جۋرناليست-زەينەتكەر بوريس يساەۆتار باستاعان «پاۆلودارشىلدار» كەرەكۋگە وڭاي كەلىسپەيتىن سياقتى. قالا اتاۋى قازاقشا بولسىن دەيتىندەردىڭ قاتارى دا كوبەيىپ كەلەدى. قىسقاسى، قوعامدىق پىكىر قاق جارىلىپ تۇر. كىمدىكى دۇرىس، كىمدىكى بۇرىس ونى ۋاقىت كورسەتەدى.

بىراق مەنىڭشە ءدال بۇگىنگى جاعدايدا «باستى قاتىرماي» كۇن تارتىبىنەن قالانىڭ اتىن وزگەرتۋ ماسەلەسىن الىپ تاستاۋ كەرەك. قۇداي ءۇشىن مويىندايىقشى، بۇگىن ءبىز پاۆلودار قالاسىنىڭ اتىن اۋىستىرا المايمىز. ويتكەنى تارتىس باستالماي جاتىپ، ستراتەگيالىق كوپ قاتەلىكتەر جىبەردىك. تاكتيكالىق قيمىل-قارەكەتىمىز ءالسىز بولدى.

پاۆلودار اتاۋىنا بايلانىستى داۋ-دامايدىڭ باستالعانىنا از ۋاقىت بولعان جوق. كۇنى بۇگىنگە دەيىن اقپارات  قۇرالدارىندا ايقاس اياقتالار ەمەس. ايتا-ايتا التايدى، جامال اپام قارتايدىنىڭ جاعدايىنا جەتتىك. حالىق  قاجىدى.تارتىس توزدىردى. قوعام شارشادى.

جەرگىلىكتى تاريحشى ماريا تەرەنيك، «كەرەكۋ» بولسىن دەيتىن جامبىل ارتىقباەۆتىڭ «ارگۋمەنتتەرى» از، ال اسقار نۇرباەۆتا ناقتى دالەل جوق  دەيدى. ولىسپەي بەرىسپەيتىن، «گورودسكايا نەدەليا» گازەتىنىڭ رەداكتورى يۋري كوۆحاەۆ پەن جۋرناليست-زەينەتكەر بوريس يساەۆتار باستاعان «پاۆلودارشىلدار» كەرەكۋگە وڭاي كەلىسپەيتىن سياقتى. قالا اتاۋى قازاقشا بولسىن دەيتىندەردىڭ قاتارى دا كوبەيىپ كەلەدى. قىسقاسى، قوعامدىق پىكىر قاق جارىلىپ تۇر. كىمدىكى دۇرىس، كىمدىكى بۇرىس ونى ۋاقىت كورسەتەدى.

بىراق مەنىڭشە ءدال بۇگىنگى جاعدايدا «باستى قاتىرماي» كۇن تارتىبىنەن قالانىڭ اتىن وزگەرتۋ ماسەلەسىن الىپ تاستاۋ كەرەك. قۇداي ءۇشىن مويىندايىقشى، بۇگىن ءبىز پاۆلودار قالاسىنىڭ اتىن اۋىستىرا المايمىز. ويتكەنى تارتىس باستالماي جاتىپ، ستراتەگيالىق كوپ قاتەلىكتەر جىبەردىك. تاكتيكالىق قيمىل-قارەكەتىمىز ءالسىز بولدى.

بىرىنشىدەن، ەڭ باستى قاتەلىگىمىز اۋىزبىرشىلىك تانىتىپ پاۆلودارعا بالاما (التەرناتيۆنىي) قازاقشا اتاۋ ۇسىنا المادىق.مىسالى، پەتروپاۆل قىزىلجار بولسىن دەگەندەي. ءبىزىدىڭ ونوماستيكالىق كومميسياعا 17 ءتۇرلى ۇسىنىس ءتۇسىپتى، ەكى كوزبەن جەر شۇقىپ وتىرعانىمىز بىرلىكسىزدىگىمىزدىڭ ارقاسى. باياعىدا ءبىر دانىشپان «قارنىمنىڭ اشقانىنا ەمەس، قادىرىمنىڭ قاشقانىنا قينالامىن» دەپتى گوي. قازاقتارعا «كەرەكۋدەن» كەرى شەگىنبەۋ كەرەك ەدى. اقساقالدار القاسى «ابىلايكەنت» بولسىن دەدى. ەرلان ارىن «ەرتىس» دەدى. ۇشىنشىلەر «كيماقيا».ت.ب. ءبىر سوزبەن ايتقاندا «بىرلىك ءتۇبى بەرەكەنىڭ» بايىبىنا بارا الماي اققۋ كوككە، شايان شولگە، شورتان كولگە تارتىپ ناقتى اتاۋعا توقتاي المادىق.

ەكىنشىدەن، (دەموگرافيالىق فاكتور) پاۆلودار قالاسى تۇرعىندارىنىڭ باسىم كوپشىلىگىنىڭ قارسىلىعى. كوپپەن ساناسپاۋ - وركەنيەتسىز جول. اقيقاتقا تۋرا قاراپ ۇيرەنەيىك. اششى بولسا دا اشىق سويلەيىك. ورىستى، ۋكرايندى، بەلارۋستى ودان باسقا وزگە ۇلتتاردى ايتپاعاندا، ءوزىمىزدىڭ «نە حوچۋ بىت كەرەكۋيتسەم» دەيتىن كوسموپوليت - قازاقتارىمىز بار. ىشتەن شىققان جاۋ جامان. كونبەسكە امال جوق. قۇلدىق پسيحولوگيادان ايرىلا الماي وتىرعان قارا كوزدەر جەتەرلىك.

ۇشىنشىدەن بيلىكتىڭ (اكىمدىكتىڭ) مۇددەلى ەمەستىگى. باقىتجان ساعىنتاەۆ ۇلتتىڭ ۇپايىن تۇگەندەپ قالالىق مادەنيەت سارايىنا ەستايدىڭ اتىن بەرگىزدى. اكادەميك قانىش ساتپاەۆقا ەسكەرتكىش ورناتتى. بىراق، ناقتى قالا اتاۋىنا بايلانىستى ايماق باسشىسىنىڭ پوزيتسياسى  ءالى بەلگىسىز. ونوماستيكا قىپ - قىزىل ساياسات. بۇل اكسيوما. اباي حاكىم ايتپاقشى «اقىرىن ءجۇرىپ، انىق باساتىن» ساياساتكەر ءالىپتىڭ ارتىن باعىپ وتىرعانعا ۇقسايدى. سەن تيسپە دە مەن تيسپە. باقىتجان ساعىنتاەۆتىڭ باسقان قادامىن اڭدىپ وتىرعان الاكوزدەر دە از ەمەس. استانا جاق ءۇنسىز. جەكە شەشىم قابىلداۋ ءۇشىن ۇلكەن باتىلدىق پەن ساياسي جىگەر قاجەت. اكىم قانشا قايراتكەر بولسا دا اقوردامەن اقىلداسپاي، قالا اتىن وزگەرتە سالۋى ەكىتالاي. سوندىقتان باقىتجان ءابدىرۇلىنان بۇنداي ەرلىك كۇتپەيمىز.

توعىز ءسوزدىڭ توبىقتاي ءتۇيىنى.  ماسەلە، اتىندا ەمەس زاتىندا بولىپ تۇر. قالانىڭ اتىنان بۇرىن كۋتۋزوۆ، سۋۆوروۆ كوشەلەرىن قازاقشالاۋعا كۇش سالايىق. بۇل كۇرەستى بيىك بىلىممەن، مول پاراستاتىلىقپەن جۇرگىزگەنىمىز دۇرىس. اتتوبەلەندەي اقساقالداردىڭ ايقايىمەن الىسقا بارا المايتىنىمىز تۇسىنىكتى بولدى. كەڭەستىك پسيحولوگيامەن (نوستالگيا) ءومىر سۇرەتىن ۇلكەندەردىڭ ساۋاتسىز ساياساتىنان تۇك شىقپادى. ەندىگى كەزەكتە ۇلكەن مىنبەرلەردەن جاستار سويلەسىن! پاۆلودار قالاسىنىڭ اتىن اۋىستىرۋ - بۇل بولاشاقتىڭ ءىسى. جاستاردىڭ مىندەتى. كەرەكۋدە قاراڭعى قازاق كوگىنە ورمەلەپ شىعىپ كۇن بولاتىن، جاڭا تولقىن جاستاردىڭ ءوسىپ كەلە جاتقانىن ەسكەرسەك، بۇل كۇننىڭ دە الىس ەمەستىگى انىق.

«اباي-اقپارات»