قر اسكەري سوتىنىڭ توراعاسىن اتقان ونىڭ بۇرىنعى كۇيەۋ بالاسى 10 جىلعا سوتتالدى - گازەت
الماتى. 25 قاڭتار. قازتاگ - قر اسكەري سوتىنىڭ توراعاسى سەرىك بايباتىروۆتى اتقان ونىڭ بۇرىنعى تۋىسى 10 جىلعا باس بوستاندىعىنان ايىرىلدى، دەپ حابارلايدى «ۆرەميا»گازەتى.
«رۋسلان ەدرەسوۆ، قر اسكەري سوتىنىڭ توراعاسى سەرىك بايباتىروۆتىڭ بۇرىنعى كۇيەۋ بالاسى اتاسىنا وق اتقان،وسى ارەكەتى ءۇشىن جازاسىن قاتاڭ تارتىپتەگى كولونيادا وتەۋمەن 10 جىلعا باس بوستاندىعىنان ايىرىلدى»، - دەلىنگەن ماقالادا.
باسىلىمنىڭ ەسكە سالۋىنشا، ر.ەدرەسوۆتى ەلىمىزدىڭ باس اسكەري سۋدياسىنا قاستاندىق جاساعانى ءۇشىن ايىپتاۋ بويىنشا قىلمىستىق ءىس الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا باستالعان بولاتىن.
دۇيسەنبى كۇنى الماتى قالالىق پروكۋراتۋراسىنىڭ قىلمىستىق پروتسەستىڭ زاڭدىلىعىن قاداعالاۋ باسقارماسى باستىعىنىڭ ورىنباسارى رىسپەك تۇرباشوۆ گازەت تىلشىسىنە سۋديا بۋلىتباي مامىتوۆتىڭ 19 قاڭتاردا ر. ەدرەسوۆتى قر قك 24 بابىنىڭ 3 ءبولىمى (قىلمىسقا قاستاندىق ارەكەتى) جانە 96 بابىنىڭ 2 ءبولىمىنىڭ «ە» تارماعى (كوپ ادامنىڭ ومىرىنە قاۋىپتى ادىسپەن جاسالعان كىسى ءولتىرۋ) بويىنشا ايىپتى دەپ تانىپ، جازاسىن قاتاڭ تارتىپتەگى كولونيادا وتەۋمەن 10 جىلعا باس بوستاندىعىنان ايىرۋ تۋرالى ۇكىم شىعاردى.
«پروتسەسس سوتتالۋشىنىڭ ءوتىنىمى بويىنشا القا بيلەردىڭ قاتىسۋىمەن ءوتتى. القا بيلەر ايىپتاۋشى شەشىم شىعاردى. بىراق ازىرگە سوت ۇكىمى زاڭدى كۇشىنە ەنگەن جوق»، - دەپ ناقتىلادى ر. تۋرباشوۆ.
الماتى. 25 قاڭتار. قازتاگ - قر اسكەري سوتىنىڭ توراعاسى سەرىك بايباتىروۆتى اتقان ونىڭ بۇرىنعى تۋىسى 10 جىلعا باس بوستاندىعىنان ايىرىلدى، دەپ حابارلايدى «ۆرەميا»گازەتى.
«رۋسلان ەدرەسوۆ، قر اسكەري سوتىنىڭ توراعاسى سەرىك بايباتىروۆتىڭ بۇرىنعى كۇيەۋ بالاسى اتاسىنا وق اتقان،وسى ارەكەتى ءۇشىن جازاسىن قاتاڭ تارتىپتەگى كولونيادا وتەۋمەن 10 جىلعا باس بوستاندىعىنان ايىرىلدى»، - دەلىنگەن ماقالادا.
باسىلىمنىڭ ەسكە سالۋىنشا، ر.ەدرەسوۆتى ەلىمىزدىڭ باس اسكەري سۋدياسىنا قاستاندىق جاساعانى ءۇشىن ايىپتاۋ بويىنشا قىلمىستىق ءىس الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا باستالعان بولاتىن.
دۇيسەنبى كۇنى الماتى قالالىق پروكۋراتۋراسىنىڭ قىلمىستىق پروتسەستىڭ زاڭدىلىعىن قاداعالاۋ باسقارماسى باستىعىنىڭ ورىنباسارى رىسپەك تۇرباشوۆ گازەت تىلشىسىنە سۋديا بۋلىتباي مامىتوۆتىڭ 19 قاڭتاردا ر. ەدرەسوۆتى قر قك 24 بابىنىڭ 3 ءبولىمى (قىلمىسقا قاستاندىق ارەكەتى) جانە 96 بابىنىڭ 2 ءبولىمىنىڭ «ە» تارماعى (كوپ ادامنىڭ ومىرىنە قاۋىپتى ادىسپەن جاسالعان كىسى ءولتىرۋ) بويىنشا ايىپتى دەپ تانىپ، جازاسىن قاتاڭ تارتىپتەگى كولونيادا وتەۋمەن 10 جىلعا باس بوستاندىعىنان ايىرۋ تۋرالى ۇكىم شىعاردى.
«پروتسەسس سوتتالۋشىنىڭ ءوتىنىمى بويىنشا القا بيلەردىڭ قاتىسۋىمەن ءوتتى. القا بيلەر ايىپتاۋشى شەشىم شىعاردى. بىراق ازىرگە سوت ۇكىمى زاڭدى كۇشىنە ەنگەن جوق»، - دەپ ناقتىلادى ر. تۋرباشوۆ.
ونىڭ ايتۋىنشا، مەملەكەتتىك ايىپتاۋ ر.ەدرەسوۆتى قاتاڭ تارتىپتەگى كولونياعا 14 جىلعا قاماۋدى تالاپ ەتكەن بولاتىن.
ەسكە سالا كەتەيىك، وتكەن جىلى 23 تامىز كۇنى تاڭەرتەڭ ر. ەدرەسوۆ بۇرىنعى ايەلىنىڭ اكەسى س. بايباتىروۆتىڭ قىزمەتتىك كولىگىنىڭ سوڭىنا ءتۇسىپ، وعان اڭشى مىلتىعىنان وق اتقان. وسىنىڭ ناتيجەسىندە سۋديا جارالانىپ، شابۋىلداۋشى بوي تاسالاپ ۇلگەرگەن. ول 19 قىرقۇيەكتە الماتى وبلىسىنىڭ اۋماعىندا ۇستالدى. تەرگەۋ بارىسىندا ايىپتالۋشى كىناسىن تولىقتاي مويىندادى.
گازەتتىڭ حابارلاۋىنشا، وقيعادان كەيىن س. بايباتىروۆ ءبىر اپتاداي اۋرۋحانادا جاتتى، ال ماماندار ونىڭ جاراقاتىن «دەنساۋلىققا جەڭىل زيان تيگىزدى» دەپ باعالادى. ول بۇرىنعى كۇيەۋ بالاسىنىڭ ۇستىنەن سوت امالىنا ءبىر رەت، كۋالىك ەتۋ كەزىندە عانا كەلدى.
