نۇرعازى ساساەۆ. ەل نامىسىن قورعايتىن قازاق قانشا؟
ءVىى قىسقى ازيا ويىندارىنىڭ باستالۋىنا دا، اشىلۋىنا دا ساناۋلى كۇندەر قالدى. ءدۇبىرلى دودا جاقىنداعاندا ەل نامىسىن قورعايتىن سپورتشىلاردىڭ ەسىمدەرى جاريالانا باستادى.
ارينە، كوپتەگەن سپورت تۇرلەرىندە ەل نامىسىن كىمدەردىڭ قورعايتىندارى ءاۋ باستان بەلگىلى ەدى. دەسەك تە، قول قويىلىپ، بەكىتىلگەن ءتىزىم ەندى شىقتى. بىراق ءبىر كۇننەن كەيىن ەكى وزگەرىستىڭ جۇزەگە اسقانى دا ءمالىم بولدى. ازيا ويىندارى باستالىپ كەتكەنشە وسىنداي وزگەرىستەر بولا بەرەتىن دە شىعار. ايتسە دە ءبىز قولداعى بار تىزىمگە قاراپ، ونداعى قازاقتاردى ساناۋعا كوشتىك.
تىزىمدە بارلىعى - 251 ادام. ولاردىڭ - 168-ءى سپورتشى دا، 83-ءى باپكەرلەر قۇرامى مەن باسشىلار. باپكەرلەر قۇرامى دەپ وتىرعان سەبەبىمىز، ولاردىڭ اراسىندا باس باپكەر مەن ونىڭ كومەكشىلەرى عانا ەمەس، كەڭەسشىلەرى، دارىگەرى، ماسساجشىلارى، مەنەدجەرلەرى، شاڭعى مايلاۋشىلارى، سونداي-اق بيوحيميك، پسيحولوگ، حورەوگراف بار.
ءVىى قىسقى ازيا ويىندارىنىڭ باستالۋىنا دا، اشىلۋىنا دا ساناۋلى كۇندەر قالدى. ءدۇبىرلى دودا جاقىنداعاندا ەل نامىسىن قورعايتىن سپورتشىلاردىڭ ەسىمدەرى جاريالانا باستادى.
ارينە، كوپتەگەن سپورت تۇرلەرىندە ەل نامىسىن كىمدەردىڭ قورعايتىندارى ءاۋ باستان بەلگىلى ەدى. دەسەك تە، قول قويىلىپ، بەكىتىلگەن ءتىزىم ەندى شىقتى. بىراق ءبىر كۇننەن كەيىن ەكى وزگەرىستىڭ جۇزەگە اسقانى دا ءمالىم بولدى. ازيا ويىندارى باستالىپ كەتكەنشە وسىنداي وزگەرىستەر بولا بەرەتىن دە شىعار. ايتسە دە ءبىز قولداعى بار تىزىمگە قاراپ، ونداعى قازاقتاردى ساناۋعا كوشتىك.
تىزىمدە بارلىعى - 251 ادام. ولاردىڭ - 168-ءى سپورتشى دا، 83-ءى باپكەرلەر قۇرامى مەن باسشىلار. باپكەرلەر قۇرامى دەپ وتىرعان سەبەبىمىز، ولاردىڭ اراسىندا باس باپكەر مەن ونىڭ كومەكشىلەرى عانا ەمەس، كەڭەسشىلەرى، دارىگەرى، ماسساجشىلارى، مەنەدجەرلەرى، شاڭعى مايلاۋشىلارى، سونداي-اق بيوحيميك، پسيحولوگ، حورەوگراف بار.
قازاعى كوپ سپورت تۇرلەرى - بەندي (دوپتى حوككەي) جانە فريستايل (اكروباتيكا). پايىزعا شاققاندا، وسى ەكى سپورت ءتۇرىندە قازاقتار باسىم. قالعاندارىندا پايىزدىق كورسەتكىش الدەقايدا ءتومەن. قازاعى جوق سپورت تۇرلەرى دە جوق ەمەس. كونكيمەن جۇگىرۋدى قويىپپىز، ءمۇلدە. وسىدان ءبىراز ۋاقىت بۇرىن «كونكيدى ويلاپ تاپقان قازاقتار ەكەن» دەگەن داقپىرت شىعىپ ەدى. ال ءبىز ءوز جەرىمىزدەگى ازيادادا ءجۇگىرەتىن ءبىر قازاق كونكيشىسىن كورە الماي، پۇشايمان بولىپ وتىرمىز. سودان سوڭ فريستايلدىڭ موگۋل دەپ اتالاتىن ءتۇرىندە دە قازاق اتىمەن جوق. قىزىق، فريستايلدىڭ اكروباتيكاسىن مەڭگەرەمىز، ال موگۋلدى مۇلدە ماڭايلامايتىن سياقتىمىز.
ال «التىن الا الاتىن قازاق بار ما» دەگەن سۇراققا «بار بولعاندا، قانداي» دەپ، قۋانا جاۋاپ بەرۋگە بولادى. «دوپتى حوككەيدەن باس بايگەنى شاپپاي الامىز» دەپ، الاقانىمىزدى ىسقىلاپ وتىرمىز عوي. ەندەشە وسى سپورت تۇرىندەگى ورەندەرىمىز ازيادا التىنىنا قارىق قىلۋلارى ءتيىس. سونداي-اق سەنىمدى اقتاپ، شايبالى حوككەيدەگى قىز-جىگىتتەرىمىز ءبىرىنشى ورىنعا يە بولسا، وسى ەكى قۇراما ساپىنداعى قانداستارىمىزدىڭ ساف التىندارىنا ءبايگەدەن ءوزىمىز ءبىرىنشى كەلگەندەي قۋاناتىن بولامىز. شاڭعىمەن تۇعىردان سەكىرۋ سپورتىنداعى راديك جاپاروۆتان دا ءۇمىتىمىزدى ءۇزبەيمىز. كىم بىلەدى، مۇمكىن ۆانكۋۆەر وليمپياداسىندا كوك بايراعىمىزدى كوتەرىپ شىققان دياس كەنەشەۆ پەن مانەرلەپ سىرعاناۋشى ابزال راقىمعاليەۆ تە ءجۇلدەگە ىلىگىپ قالار. ءبالكىم، فريستايلشى ءجىبەك اراپباەۆانىڭ باعى جانار.
ال ەندى اريفمەتيكاعا جۇگىنىپ، ەسەپتەيىك. 168 سپورتشىنىڭ 27-ءسى قازاق ەكەن. بۇل پايىزدىق كورسەتكىشكە شاققاندا 16,07 بولادى. سوندا اق ازيادادا ەل نامىسىن قورعايتىن سپورتشىلاردىڭ 16 پايىزى عانا - قازاقتار.
ال باپكەرلەر جانە باسشىلار قۇرامىنا كەلەيىك. 83-ءتىڭ 12-ءسى قازاق. بۇل 14,46 پايىز بولادى.
ال ءبارىن قوسساق (168 سپورتشى + 83 باپكەرلەر قۇرامى), 251 دەلەگات بولادى. بۇلاردىڭ 37-ءسى قازاق. بۇل - تىزىمدەگى 251 ادامنىڭ 14,74 پايىزى عانا قازاق دەگەن ءسوز.
باپكەرلەر قۇرامى دەمەكشى، وسى 13 سپورت تۇرىندەگى باس باپكەرلەردىڭ تورتەۋى قازاق (30,77 %). بۇعان دا شۇكىر.
«alaman.kz» سايتى
