قۇقىق قورعاۋ قىزمەتكەرلەرى اراسىندا بىلتىرعى 2010 جىل نەسىمەن ەستە قالدى دەيتىن سۇراققا ماڭعىستاۋدا ورىن العان وقيعانى ايتۋعا بولاتىن شىعار. جۇرت ۇمىتا قويماعان جاعداي 2010 جىلى مۋسىمنىڭ 22-ءسى كۇنى تاڭعى بەستەر شاماسىندا بولعان. اقتاۋ قالاسىنىڭ سىرتىنداعى گم 172/1 قاتاڭ رەجيمدەگى كولونيادا اتىس بولىپ، ودان  سوتتالعان 21 ادامنىڭ قاشىپ شىققانى تۋرالى حابار سول كۇنى تاڭ اتپاستان بۇكىل الەمگە تاراپ ۇلگەرگەن ەدى.  قاشقانداردىڭ جەتەۋى قازا تاۋىپ، بىرەۋىنىڭ ۇستالعانى، قالعان ون ءۇشتىڭ قاشىپ قۇتىلعانى تۋرالى ەستىمەگەن جان جوق... بۇل حابار قۇقىق قورعاۋ قىزمەتكەرلەرىن عانا ەمەس، بۇكىل ەلدى اسىرەسە، اقتاۋلىقتاردىڭ مازاسىن قاشىرعان وتە سۋىق حابار ەدى. جۇرت قۇقىق قورعاۋشىلاردىڭ جۇمىسىنا قاراپ قالعان.

ءتورت كۇن ۇرەيدە تۇرعان ماڭعىستاۋ حالقىنىڭ قورقىنىشى سەيىلگەن كۇن ولاردىڭ شەتپە كەنتى ماڭىنداعى تاۋدان ۇستالعان كەزى بولدى. ماڭعىستاۋ وبلىستىق ىشكى ىستەر دەپارتامەنتى، «ارلان» ارنايى توبىنىڭ ىزدەستىرۋ توبى مەن قاشقىندار اراسىندا اتىس بولعانى تۋرالى اقپارات قۇرالدارى جارىسا جازعان ەدى كەزىندە. سوتتالعانداردىڭ سەگىزى ءولىپ، بەسەۋى قولعا ءتۇستى. ەڭ قورقىنىشتىسى، ولاردىڭ «اللاحۋ اكبار» دەپ وزدەرىن وزدەرى جارىپ جىبەرگەندەرى ەدى.

قۇقىق قورعاۋ قىزمەتكەرلەرى اراسىندا بىلتىرعى 2010 جىل نەسىمەن ەستە قالدى دەيتىن سۇراققا ماڭعىستاۋدا ورىن العان وقيعانى ايتۋعا بولاتىن شىعار. جۇرت ۇمىتا قويماعان جاعداي 2010 جىلى مۋسىمنىڭ 22-ءسى كۇنى تاڭعى بەستەر شاماسىندا بولعان. اقتاۋ قالاسىنىڭ سىرتىنداعى گم 172/1 قاتاڭ رەجيمدەگى كولونيادا اتىس بولىپ، ودان  سوتتالعان 21 ادامنىڭ قاشىپ شىققانى تۋرالى حابار سول كۇنى تاڭ اتپاستان بۇكىل الەمگە تاراپ ۇلگەرگەن ەدى.  قاشقانداردىڭ جەتەۋى قازا تاۋىپ، بىرەۋىنىڭ ۇستالعانى، قالعان ون ءۇشتىڭ قاشىپ قۇتىلعانى تۋرالى ەستىمەگەن جان جوق... بۇل حابار قۇقىق قورعاۋ قىزمەتكەرلەرىن عانا ەمەس، بۇكىل ەلدى اسىرەسە، اقتاۋلىقتاردىڭ مازاسىن قاشىرعان وتە سۋىق حابار ەدى. جۇرت قۇقىق قورعاۋشىلاردىڭ جۇمىسىنا قاراپ قالعان.

ءتورت كۇن ۇرەيدە تۇرعان ماڭعىستاۋ حالقىنىڭ قورقىنىشى سەيىلگەن كۇن ولاردىڭ شەتپە كەنتى ماڭىنداعى تاۋدان ۇستالعان كەزى بولدى. ماڭعىستاۋ وبلىستىق ىشكى ىستەر دەپارتامەنتى، «ارلان» ارنايى توبىنىڭ ىزدەستىرۋ توبى مەن قاشقىندار اراسىندا اتىس بولعانى تۋرالى اقپارات قۇرالدارى جارىسا جازعان ەدى كەزىندە. سوتتالعانداردىڭ سەگىزى ءولىپ، بەسەۋى قولعا ءتۇستى. ەڭ قورقىنىشتىسى، ولاردىڭ «اللاحۋ اكبار» دەپ وزدەرىن وزدەرى جارىپ جىبەرگەندەرى ەدى.

اتالعان سۇمدىق وقيعا تۋراسىندا  جەرگىلىكتى «لادا» گازەتى حابار تاراتىپ، تۇرمەدەن قاشىپ شىققانداردى «اسىرەدىنشىلدەر»  دەپ جازسا، وبلىستىق ىشكى ىستەر باسقارماسىنىڭ ءباسپاسوز حاتشىسى، پوليتسيا پودپولكوۆنيگى گۇلزادا بەكتۇرقىزى تولەۋعايەۆا دا ولاردىڭ «ءدىنشىل» توپ بولعانىن رەسمي راستادى. بۇل دا ىشكى ىستەر دەپارتامەنتىنىڭ ۇلكەن ەرلىگى ەكەنىن اتاپ ءوتۋ كەرەك.

تۇرمەدەن قاشقانداردىڭ ىشىندە ءتىرى قالعانداردىڭ ءبىرى ج.قۇرماشەۆ تەرگەۋ بارىسىندا وقيعانى بايانداپ بەرىپ، قاشقانداردىڭ ۋاححابيلىك اعىمدا بولعانىن ايتقان. قۇرماشەۆتى تەرگەۋ بارىسىندا ولاردىڭ ۋاحاببيتتىك باعىت ۇستانعاندارى انىقتالدى. كەيبىر ماعلۇماتتارعا قاراعاندا تۇرمەدەن قاشقانداردىڭ ىشىندە تۇرمەنىڭ يمامى بولعان ەكەن. قاشقىن تۇتقىنداردىڭ ىشىندە 2007 جىلى قوردايدا «تاكفيرلەر جاماعاتى» لاڭكەستىك ۇيىمىن قۇرعانى جانە باسقارعانى ءۇشىن سوتتالعان داۋرەن الىمبەتوۆ دەگەن ۋاححابيت قىلمىسكەر مەن 2008 جىلى ماڭعىستاۋدا پوليتسياعا قاندى شابۋىل جاساپ «اللاھۋ اكبارلاپ» ادام ولتىرگەن ۋاححابيلىك اعىم مۇشەلەرى دە بولعان.

ماڭعىستاۋ وبلىسى ىشكى ىستەر دەپارتامەنتىنىڭ باستىعى پوليتسيا پولكوۆنيگى امانجول جايعاليۇلى قابىلوۆ (سۋرەتتە) وسى ۋاقيعا كەزىندە كورسەتكەن ەرەكشە ەرلىگى ءۇشىن جىل سوڭىندا 2-ءشى دارەجەلى «ايبىن» وردەنىمەن ماراپاتتالدى. «ەندىگى ءىسىم وسىلارمەن بولادى»، - دەپتى وبلىستىڭ باس پوليتسەيى. ءبىز وسىعان رازى بولىستىق. مۇنداي قاتەرلى قىلمىستارعا باسىن تىگىپ، ەرەكشە قىزمەت كورسەتكەن ۇلدارىن ەلى قۇرمەتتەۋى كەرەك. جاقىندا جۋرناليستەر الدىندا قابىلوۆ مىرزا «ولاردى ەندى ايامايتىنىن» ايتىپ قالدى. بۇل ۇلگى ەتەرلىك ارەكەت. ەگەر، ءبىزدىڭ پوليتسەيلەردىڭ بارلىعى امانجول جايعاليۇلى سياقتى سەرگەك بولسا، ەلىمىزدەگى ءدىني ەكسترەميزم ماسەلەسى ۋشىقپاي دەر كەزىندە اۋىزدىقتالادى دەگەن ويدامىز.

«اباي-اقپارات»