الماتى. 7 اقپان. قازتاگ - راسۋل رىسمامبەتوۆ. وتان ساقشىلارى ەل مۇددەسىن قورعاپ، جانە ساياساتتان تىس بولۋى ءتيىس دەپ ەسەپتەيدى، قازاقستاننىڭ ارنايى قىزمەتىنىڭ ەڭ تانىمال باسشىلارىنىڭ ءبىرى امانگەلدى شابدارباەۆ. ول ءوزىنىڭ وسى ۇستانىمى تۋرالى جاقىندا جارىق كورگەن «مەن جاساعان تاڭداۋ...» اتتى كىتابىندا وي بولىسەدى.

«مەن تاڭداعان ماماندىق مەنىڭ ومىرىمە كوپشىلىك قاۋىم ءۇشىن جابىق، كوزگە كوپ كورىنە بەرمەۋ تالابىن قويدى. وتان ساقشىلارىنىڭ ۇلەسىنە ەل مۇددەسىن قورعاۋ، ساياساتكەرلەردىڭ قابىلداعان شەشىمدەرىنىڭ ورىندالۋىن قامتاماسىز ەتۋ، دەمەك، ساياساتتان تىس، كوپشىلىككە كورىنە بەرمەي، قوعام مۇددەسىنىڭ فوكۋسىنان تىس ءومىر ءسۇرۋ بۇيىرعان»، - دەدى ا. شابدارباەۆ.  ول بۇرىندارى قر پرەزيدەنتى كۇزەتىنىڭ باستىعى، قر ۇقك توراعاسى قىزمەتىن اتقارعان، قازىر مەملەكەت باسشىسىنىڭ كەڭەسشىسى قىزمەتىندە.

كىتاپتا قازىرگى زامانعى قازاقستاننىڭ ەڭ تانىمال تۇلعالارى دىنمۇحامەد قوناەۆ جانە نۇرسۇلتان نازارباەۆپەن بىرگە قىزمەتتەس بولعان ادام ءومىربايانىنىڭ كوپشىلىككە بەلگىسىز فاكتىلەرى بار. باسىلىمنىڭ باسىم بولىگى ا. شابدارباەۆتىڭ ۇستازدارىنىڭ، ساياساتكەرلەردىڭ، شەنەۋنىكتەر مەن ونىڭ قىزمەتتەس ارىپتەستەرىنىڭ ەستەلىكتەرىنە ارنالعان.

الماتى. 7 اقپان. قازتاگ - راسۋل رىسمامبەتوۆ. وتان ساقشىلارى ەل مۇددەسىن قورعاپ، جانە ساياساتتان تىس بولۋى ءتيىس دەپ ەسەپتەيدى، قازاقستاننىڭ ارنايى قىزمەتىنىڭ ەڭ تانىمال باسشىلارىنىڭ ءبىرى امانگەلدى شابدارباەۆ. ول ءوزىنىڭ وسى ۇستانىمى تۋرالى جاقىندا جارىق كورگەن «مەن جاساعان تاڭداۋ...» اتتى كىتابىندا وي بولىسەدى.

«مەن تاڭداعان ماماندىق مەنىڭ ومىرىمە كوپشىلىك قاۋىم ءۇشىن جابىق، كوزگە كوپ كورىنە بەرمەۋ تالابىن قويدى. وتان ساقشىلارىنىڭ ۇلەسىنە ەل مۇددەسىن قورعاۋ، ساياساتكەرلەردىڭ قابىلداعان شەشىمدەرىنىڭ ورىندالۋىن قامتاماسىز ەتۋ، دەمەك، ساياساتتان تىس، كوپشىلىككە كورىنە بەرمەي، قوعام مۇددەسىنىڭ فوكۋسىنان تىس ءومىر ءسۇرۋ بۇيىرعان»، - دەدى ا. شابدارباەۆ.  ول بۇرىندارى قر پرەزيدەنتى كۇزەتىنىڭ باستىعى، قر ۇقك توراعاسى قىزمەتىن اتقارعان، قازىر مەملەكەت باسشىسىنىڭ كەڭەسشىسى قىزمەتىندە.

كىتاپتا قازىرگى زامانعى قازاقستاننىڭ ەڭ تانىمال تۇلعالارى دىنمۇحامەد قوناەۆ جانە نۇرسۇلتان نازارباەۆپەن بىرگە قىزمەتتەس بولعان ادام ءومىربايانىنىڭ كوپشىلىككە بەلگىسىز فاكتىلەرى بار. باسىلىمنىڭ باسىم بولىگى ا. شابدارباەۆتىڭ ۇستازدارىنىڭ، ساياساتكەرلەردىڭ، شەنەۋنىكتەر مەن ونىڭ قىزمەتتەس ارىپتەستەرىنىڭ ەستەلىكتەرىنە ارنالعان.

«كىتاپتى مەمۋار جانىرىنا جاتقىزۋعا بولماس. بۇل ەڭ الدىمەن، مەملەكەتتىك قايراتكەردىڭ ءوزىن تۇلعا، كاسىبي مامان رەتىندە قالىپتاستىرعان ادامدار تۋرالى شىن كوڭىلىمەن وي ءبولىسۋى شىعار. كىتاپ ا. شابدارباەۆتىڭ اناسى - اجار اپاعا ارنالعان»، - دەلىنگەن باسىلىمنىڭ اڭداتپاسىندا.

ءوزىنىڭ ەستەلىكتەرىندە قازسسر كپ وك بيۋروسىنىڭ بۇرىنعى مۇشەسى كەڭەس اۋحاديەۆ ا. شابدارباەۆتىڭ ادالدىق قاسيەتتەرىن ەرەكشە اتاپ كورسەتكەن. «كەيىن قوناەۆتىڭ كۇزەتىن تاراتىپ، بارلىعىن جۇمىستان قۋىپ جىبەردى. بىراق سوندا دا امان ءوزىنىڭ قالاۋىمەن ءبىر جىل بويىنا، ەشقانداي جالاقىسىز ونىڭ قاسىندا قالدى. ال د. ا. قوناەۆ تۇسىندا وسكەن كەيبىر جوعارعى لاۋازىمدى تۇلعالار ونىمەن امانداسۋعا دا قورقاتىن»، - دەيدى ول.

1992-ءشى جىلى ەندى عانا قۇرىلعان پرەزيدەنتتى كۇزەتۋ قىزمەتىن باسقارعان سەرگەي سينيتسىن،  كوميتەتتەگى ءوزىنىڭ بۇرىنعى ارىپتەسى، مايور شابدارباەۆ كەزىندە ءوزىنىڭ باستىعىن (د. قوناەۆتى - قازتاگ) ساتۋدان باس تارتقانىن بىلەتىن، جانە ونى نۇرسۇلتان نازارباەۆقا كاسىبي مامان ءارى وتە سەنىمدى، ادال ادام رەتىندە ۇسىندى. س. سينيتسين وعان بۇرىنعى اتاق شەنىندە قىزمەتتى جالعاستىرۋ تۋرالى ۇسىنىس جاساعاندا، ا. شابدارباەۆتان، ول جونىندە ديماش احمەدۇلىنان رۇقسات سۇراۋىم كەرەك دەگەن جاۋاپ ەستىگەنىنە شىنىمەن تاڭ قالعانىن جازادى.

«ارينە، بىتپەي قالعان جۇمىستار كۇيزەلتەدى... جانە ءومىردى قايتا باستاۋعا مۇمكىندىك بولسا، مەن ءبارىن دە ءسال بۇرىنىراق باستاعان بولار ەدىم، ال باسقا ەشنارسەگە وكىنبەيمىن. مەن، ماعان ەڭ قىمبات ەكى ادامدى - انام مەن ديماش احمەدۇلىن ءومىرىنىڭ سوڭعى جولىنا شىعارىپ سالدىم. ولار ماعان ەشقانداي ءمىن تاقپايدى دەگەن ۇمىتتەمىن. ەندى مەندە سوڭعى ۇستازىم قالدى. ءبىزدىڭ ءبىر بىرىمىزگە دەگەن مىندەتىمىز بار. مەنىڭ انام وعان مەنىڭ ءومىرىمدى تاپسىرعان. مەن وعان ءسوز بەرگەنمىن جانە ونى ساقتاپ كەلەمىن، مەن ءۇشىن ول قاسيەتتى ءسوز، جانە مەن ونىڭ جۇگىن پرەزيدەنتتىڭ ءوزى الىپ تاستامايىنشا ارقالاپ جۇرە بەرەمىن»، - دەپ اشىعىنان جارىلادى ا. شابدارباەۆ.

60 جاسار گەنەرال-لەيتەنانت ا. شابدارباەۆ 1986-شى جىلى كسرو ۇقك قاتارىنان قۋىلعانعا دەيىن د. قوناەۆتىڭ جەكە كۇزەتىن باسقارعان.  ودان كەيىن 1992-2009-شى جىلدار ارالىعىندا قر پرەزيدەنتىنىڭ جەكە كۇزەت قىزمەتىن، قر پرەزيدەنتىنىڭ كۇزەت قىزمەتىن باسقاردى، قر مەملەكەتتىك تەرگەۋ كوميتەتىنىڭ توراعا ورىنباسارى، «ا» («ارىستان») قىزمەتىنىڭ جەتەكشىسى، قر ۇقك توراعاسى قىزمەتتەرىندە بولدى. 2009-شى جىلى ا. شابدارباەۆ قر پرەزيدەنتىنىڭ كەڭەسشىسى قىزمەتىنە تاعايىندالدى.