كەشەلى بەرى قىتاي مەن قازاقستان اراسىندا ۆيزاسىز رەجيم ورناۋى مۇمكىن ەكەنى جايلى الەۋمەتتىك جەلىلەردە داۋلى اقپاراتتار تاراپ، قازاقستاندىقتار ءوز قارسىلىعىن ءبىلدىرىپ جاتىر. بۇل شۋدىڭ ۇشتىعى قايدان شىقتى؟ ەل نەگە دۇرلىگىپ جاتىر؟ ءتيىستى ورگانداردان دەر كەزىندە رەسمي جاۋاپ بولماعاندىقتان Abai.kz اقپاراتتىق پورتالى ءوز بولجامىن ۇسىنۋدى ءجون سانادى.

قازاقستان رەسپۋبليكاسى ۇكىمەتىنىڭ 2018 جىلعى 6 ساۋىردەگى № 175 قاۋلىسىمەن قىتاي جانە ءۇندىستان ەلدەرىنىڭ ازاماتتارى قازاقستانعا 72 ساعاتقا ۆيزاسىز كىرۋگە قۇقىق الدى.  بۇل ۆيزاسىز رەجيمنىڭ ۋاقىتىسى 2018 جىلدىڭ 31 جەلتوقسانىنا دەيىن جارامدى.

ۇكىمەت جەتەكشىسى ساعىنتاەۆ قول قويعان قاۋلىدا "جەتپىس ەكى ساعاتتىق ۆيزاسىز رەجيم قازاقستاندىق اۆياكومپانيالارمەن استانا جانە الماتى قالالارىنىڭ حالىقارالىق اۋەجايلارى ارقىلى ءۇشىنشى ەلدەرگە ترانزيتپەن وتەتىن قحر جانە ءۇر ازاماتتارىنا (ولاردا قازاقستاندىق اۆياكومپانيالاردىڭ جارامدى اۆيابيلەتتەرى بولعان جاعدايدا عانا) قولدانىلاتىنى" انىق جازىلعان.

قحر جانە ءۇر ازاماتتارى وسى تارماقتا كوزدەلگەن جەتپىس ەكى ساعاتتىق ۆيزاسىز رەجيمدى بۇزعان جاعدايدا، كەتۋ بويىنشا شىعىستاردى شىعارىپ جىبەرىلەتىن يمميگرانتتار تولەيدى. اتالعان ادامداردىڭ قاراجاتى بولماعان نە جەتكىلىكسىز بولعان كەزدە كورسەتىلگەن ادامداردى جەتكىزگەن قازاقستاندىق اۆياكومپانيالار ءوز قاراجات ەسەبىنەن ۇيىمداستىرادى.

قوش. ەلىمىز ارقىلى ترانزيتپەن وتەتىن قىتاي ازاماتتارى جايلى اقپاراتتىڭ تونىن تەرىس اينالدىرىپ، ەلدى ۇرەيلەندىرىپ وتىرعان كىمدەر؟ جوق، الدە ۇكىمەتتىڭ №175 قاۋلىسىنان وزگە تاعى باسقا ماسەلەلەر قاراستىرىلىپ جاتىر ما؟ ا،ايتپاقشى، ەكى ەلدىڭ ديپلوماتتارى كەزدەسكەندە ۆيزاسىز رەجيم تۋرالى ءسوز بولعان. ەلدىڭ مىنا قارسىلىعىنان كەيىن بيلىك ءار قادامىن اڭداپ باسار دەپ ويلايمىز. ونسىز دا قىتاي مەملەكەتىنە دەگەن قارسىلىق ۇدەپ تۇرعان كەزدە قاراپايىم حالىقتى ارانداتىپ المايىق، اعايىن!

ءشارىپحان قايسار

Abai.kz