بۇگىن - وسىدان تۋرا بەس جىل بۇرىن قاپيادا جاسالعان قاستاندىقتان قازا بولعان ساياساتكەر التىنبەك سارسەنبايۇلىن ەسكە الۋ شاراسى بولىپ ءوتتى. اۋەلى كەڭسايعا بارعان ونىڭ قوعامدىق-ساياسي قىزمەتىندەگى جاقتاستارى، تۋىستارى، جۋرناليستەر، بۇقارا حالىق مارقۇمنىڭ رۋحىنا باعىشتاپ قۇران وقىدى.

ەسكە الۋ شاراسى «تيان-شان» قوناق ۇيىندە ۇيىمداستىرىلعان جيىنمەن جالعاسىن تاپتى. جيىندا ساياسي پارتيا وكىلدەرى، مۇحتار شاحانوۆ، يران-عايىپ، عابباس قابىشەۆ سىندى ۇلت زيالىلارى ءسوز سويلەپ، التىنبەك سارسەنبايۇلىنىڭ ساياسي قىزمەتىنە، ونىڭ ازاماتتىق، ساياساتكەرلىك، تۇلعالىق قاسيەتتەرىنە توقتالىپ جانە بۇگىنگى ساياسي جۇيە جايىنداعى ءوز ويلارىن ورتاعا سالدى. سونىمەن بىرگە، ساياساتكەردىڭ اتىنداعى قور دايىنداعان «التىنبەك سارسەنبايۇلى شىققان شىندىق بيىگى» دەپ اتالاتىن ولەڭدەر جيناعى مەن الما سۇلتانعاليەۆانىڭ «قالا جانە ونىڭ تۇرعىندارى» اتتى عىلىمي ەڭبەكتىڭ تۇساۋكەسەرى ءوتتى.

وسى شارانىڭ اياسىندا جىل سايىن جۋرناليستەر اراسىندا وتەتىن التىنبەك سارسەنبايۇلى اتىنداعى جۋرناليستيكا مەن پۋبليتسيستيكا كونكۋرسىنىڭ يگەرلەرى جاريا ەتىلدى. الاشتىڭ ارداقتىسى اتىنداعى سىيلىقتاردى بۇل جىلى قازاق جۋرناليستيكاسى سالاسى بويىنشا - ءاسيا اقىشەۆا («قازاقستان» گازەتى) مەن ايجان كوشكەنوۆا («ايقىن» گازەتى), ءورىستىلدى جۋرناليستيكا سالاسى بويىنشا - ميراس نۇرمۇحامبەتوۆ («سۆوبودا سلوۆا» گازەتى) جانە ۆلاديسلاۆ يۋريتسىن (زونا.كز ينتەرنەت-گازەتى) يەمدەنىپ، ولارعا ارنايى سىيلىقتار مەن ديپلومدار تابىس ەتىلدى.

بۇگىن - وسىدان تۋرا بەس جىل بۇرىن قاپيادا جاسالعان قاستاندىقتان قازا بولعان ساياساتكەر التىنبەك سارسەنبايۇلىن ەسكە الۋ شاراسى بولىپ ءوتتى. اۋەلى كەڭسايعا بارعان ونىڭ قوعامدىق-ساياسي قىزمەتىندەگى جاقتاستارى، تۋىستارى، جۋرناليستەر، بۇقارا حالىق مارقۇمنىڭ رۋحىنا باعىشتاپ قۇران وقىدى.

ەسكە الۋ شاراسى «تيان-شان» قوناق ۇيىندە ۇيىمداستىرىلعان جيىنمەن جالعاسىن تاپتى. جيىندا ساياسي پارتيا وكىلدەرى، مۇحتار شاحانوۆ، يران-عايىپ، عابباس قابىشەۆ سىندى ۇلت زيالىلارى ءسوز سويلەپ، التىنبەك سارسەنبايۇلىنىڭ ساياسي قىزمەتىنە، ونىڭ ازاماتتىق، ساياساتكەرلىك، تۇلعالىق قاسيەتتەرىنە توقتالىپ جانە بۇگىنگى ساياسي جۇيە جايىنداعى ءوز ويلارىن ورتاعا سالدى. سونىمەن بىرگە، ساياساتكەردىڭ اتىنداعى قور دايىنداعان «التىنبەك سارسەنبايۇلى شىققان شىندىق بيىگى» دەپ اتالاتىن ولەڭدەر جيناعى مەن الما سۇلتانعاليەۆانىڭ «قالا جانە ونىڭ تۇرعىندارى» اتتى عىلىمي ەڭبەكتىڭ تۇساۋكەسەرى ءوتتى.

وسى شارانىڭ اياسىندا جىل سايىن جۋرناليستەر اراسىندا وتەتىن التىنبەك سارسەنبايۇلى اتىنداعى جۋرناليستيكا مەن پۋبليتسيستيكا كونكۋرسىنىڭ يگەرلەرى جاريا ەتىلدى. الاشتىڭ ارداقتىسى اتىنداعى سىيلىقتاردى بۇل جىلى قازاق جۋرناليستيكاسى سالاسى بويىنشا - ءاسيا اقىشەۆا («قازاقستان» گازەتى) مەن ايجان كوشكەنوۆا («ايقىن» گازەتى), ءورىستىلدى جۋرناليستيكا سالاسى بويىنشا - ميراس نۇرمۇحامبەتوۆ («سۆوبودا سلوۆا» گازەتى) جانە ۆلاديسلاۆ يۋريتسىن (زونا.كز ينتەرنەت-گازەتى) يەمدەنىپ، ولارعا ارنايى سىيلىقتار مەن ديپلومدار تابىس ەتىلدى.

ءىس-شارا سوڭىندا التىنبەك سارسەنبايۇلى رۋحىنا ارنالىپ اس بەرىلدى.

«اباي-اقپارات»