قازاقستاندا وتكەن قىسقى ازيا ويىندارى تۋرالى رەسەيلىك سايتتار ءتىس جارماعان ەدى. 32 التىن الىپ، شوقتىعىمىز بيىكتەپ قالعاندا جۇمعان اۋزىن اشپاعان ولار قۇرلىقتىق باسەكە بىتكەسىن سىن ساداعىن قاداعان ماقالالار جاريالاي باستادى. «Russianskz.info» سايتىنىڭ ماسكەۋدەگى ءتىلشىسى لەونيد كراسنوپەروۆ «ازيادا ما، الدە سلاۆيانيادا ما؟» دەپ تاقىرىبىن ايقايلاتىپ قويعان ماقالاسىندا «قازاقستان ءۇشىن مەدال جيعان كىل ورىستار، بىراق اشىلۋ جانە جابىلۋ سالتاناتىندا تەك قازاقتاردىڭ تاريحى كورىنىس تاپتى» دەپ تۋلايدى.  ونىڭ ويىنشا، ۇنەمى كوپۇلتتى ساياساتىن العا تارتاتىن قازاقستان ءوزىن الەمگە تانىتاتىن تاريحي ساتتە باستاپقى ويىنان تايقىپ شىعا كەلىپتى. «سپورت كازاحستانا نا مەجدۋنارودنوم ۋروۆنە ۆ بولشينستۆە سۆوەم يمەەت سلاۆيانسكيە چەرتى. پارادوكس سوستويت ۆ توم، چتو پرەدستاۆلەنى ۆ كۋلتۋرنوم پلانە ودني، ا سپورتيۆنىح ۆەرشين دوستيگايۋت درۋگيە» دەگەن سويلەممەن نەنى ايتقىسى كەلگەنىن ۇققان شىعارسىزدار. جارايدى، مەدالداردىڭ باسىم بولىگىن ورىستار سالدى دەلىك. بىراق، «قازاقستان رەسەيدىڭ ءبىر بولشەگى بولعانىن الەم ۇمىتىپ بارادى. رەسەي بولماعاندا  قازاقستاننىڭ مەملەكەت رەتىندە عانا ەمەس، ۇلت رەتىندە كۇن كەشۋى مۇمكىن ەمەس ەدى» دەپ بايبالام سالعانىن قايتەرسىز؟!  ىلىك ىزدەۋدەن شارشامايتىن ولار ازيا ويىندارىن دا ءوز پايداسىنا جاراتىپ جاتىر.

قازاقستاندا وتكەن قىسقى ازيا ويىندارى تۋرالى رەسەيلىك سايتتار ءتىس جارماعان ەدى. 32 التىن الىپ، شوقتىعىمىز بيىكتەپ قالعاندا جۇمعان اۋزىن اشپاعان ولار قۇرلىقتىق باسەكە بىتكەسىن سىن ساداعىن قاداعان ماقالالار جاريالاي باستادى. «Russianskz.info» سايتىنىڭ ماسكەۋدەگى ءتىلشىسى لەونيد كراسنوپەروۆ «ازيادا ما، الدە سلاۆيانيادا ما؟» دەپ تاقىرىبىن ايقايلاتىپ قويعان ماقالاسىندا «قازاقستان ءۇشىن مەدال جيعان كىل ورىستار، بىراق اشىلۋ جانە جابىلۋ سالتاناتىندا تەك قازاقتاردىڭ تاريحى كورىنىس تاپتى» دەپ تۋلايدى.  ونىڭ ويىنشا، ۇنەمى كوپۇلتتى ساياساتىن العا تارتاتىن قازاقستان ءوزىن الەمگە تانىتاتىن تاريحي ساتتە باستاپقى ويىنان تايقىپ شىعا كەلىپتى. «سپورت كازاحستانا نا مەجدۋنارودنوم ۋروۆنە ۆ بولشينستۆە سۆوەم يمەەت سلاۆيانسكيە چەرتى. پارادوكس سوستويت ۆ توم، چتو پرەدستاۆلەنى ۆ كۋلتۋرنوم پلانە ودني، ا سپورتيۆنىح ۆەرشين دوستيگايۋت درۋگيە» دەگەن سويلەممەن نەنى ايتقىسى كەلگەنىن ۇققان شىعارسىزدار. جارايدى، مەدالداردىڭ باسىم بولىگىن ورىستار سالدى دەلىك. بىراق، «قازاقستان رەسەيدىڭ ءبىر بولشەگى بولعانىن الەم ۇمىتىپ بارادى. رەسەي بولماعاندا  قازاقستاننىڭ مەملەكەت رەتىندە عانا ەمەس، ۇلت رەتىندە كۇن كەشۋى مۇمكىن ەمەس ەدى» دەپ بايبالام سالعانىن قايتەرسىز؟!  ىلىك ىزدەۋدەن شارشامايتىن ولار ازيا ويىندارىن دا ءوز پايداسىنا جاراتىپ جاتىر. قازاقستانعا مەدال جيعان ورىستار ەكەنىنە قاناعات بىلدىرمەي، اشىلۋ سالتاناتىنداعى قويىلىمداردىڭ تىكەلەي قازاق تاريحىنا، سالت-داستۇرىنە ارنالعانىن دا كوپ كورۋدە. سوندا، تۇڭعىش رەت قابىلداعان تاريحي ويىنداردا ورىستاردى جارنامالاۋ كەرەك ەكەن.  ءبىر جاعىنان، الگىلەردىڭ جاندى جەردەن ۇستاعانىن دا ۇمىتپاۋ  كەرەك. ازيا ويىندارىندا قاتىسقان قازاقتىڭ سانى جيىرمادان ءسال اسادى. جەكپە-جەك تۇرلەرىنە باسا نازار اۋداراتىن قازاق  جاستارىن قىسقى سپورت تۇرلەرىنەن كەزدەستىرۋ قيىن. ازيا ويىندارىنا جاپونيادان جاپون، كورەيادان كارىس سپورتشىلار كەلدى. ءتىپتى، التىن الماسا دا، وزىنەن تۋعان ۇل-قىزىن بايگەگە قوسقان موڭعوليانىڭ ەسەبى تۇگەل. مىنەكەي، شالت باسساق، شاپ بەرەتىن رەسەيلىكتەر ولقىلعىمىزدى ورىندى پايدالانۋدا.

www.masa.kz سايتى