الاكول اۋدانىنىڭ قۇرىلعانىنا 90 جىل، كورنەكتى اقىن ساكەن يماناسوۆتىڭ تۋعانىنا 80 جىل تولۋىنا ارنالعان رەسپۋبليكالىق  جازبا اقىندار بايقاۋىنىڭ

ەرەجەسى

الماتى وبلىسى الاكول اۋدانىنىڭ اكىمدىگى اۋداننىڭ قۇرىلعانىنا 90 جىل، حالىقارالىق «الاش» ادەبي سىيلىعىنىڭ لاۋرەاتى، كورنەكتى اقىن ساكەن يماناسوۆتىڭ  تۋعانىنا 80 جىل تولۋىنا بايلانىستى «اقتاڭگەر اقىن» اتتى رەسپۋبليكالىق جىر ءمۇشايراسىن جاريالايدى.

ءمۇشايرانىڭ ماقساتى:

• جەر جانناتى جەتىسۋدىڭ تاماشا ولكەسى الاكولدىڭ تاريحي جانە تابيعي كەلبەتىن ولەڭ-جىرعا وزەك ەتۋ، قابانباي باتىر سياقتى ءبىرتۋار تۇلعالار دۇنيەگە كەلگەن ءوڭىردى پوەزيا تىلىمەن ناسيحاتتاۋ،سول ارقىلى جاس ۇرپاقتى ەلىن، جەرىن سۇيۋگە تاربيەلەۋ;
• قازاق پوەزياسىنىڭ دامۋىنا زور ۇلەس قوسقان اسا كورنەكتى اقىن س. يماناسوۆتىڭ جاۋھار جىرلارىن ۇرپاققا ونەگە ەتۋ، مول مۇراسى ارقىلى جاستاردى ونەرگە تاربيەلەۋ، ولەڭ قۇدىرەتى ارقىلى اقىننىڭ پورترەتىن سومداۋ.

ءمۇشايرانىڭ تاقىرىپتارى:

• الاكول اۋدانىنىڭ قۇرىلعانىنا 90 جىل تولۋىنا ارنالعان ولەڭ;
• «اقتاڭگەر اقىن» تاقىرىبىنا س.يماناسوۆقا ارناۋ ولەڭ;
• ەركىن تاقىرىپتاعى ولەڭ.

بايقاۋ شارتتارى:

- اقىنداردىڭ جاسىنا شەك قويىلمايدى;

- ولەڭدەر كولەمى 15 شۋماقتان اسپاۋى قاجەت;

- اقىن ءوزى تۋرالى مالىمەتتى (تۋعان جىلى، قىزمەتى نەمەسە وقۋ ورنى، مەكەنجايى، بايلانىس تەلەفونى جانە جەكە سۋرەتىن) ۇسىنادى;

- ۇسىنىلاتىن ولەڭدەر بۇرىن جاريالانباعان بولۋى كەرەك.

بايقاۋدى وتكىزۋ ءتارتىبى:

- ولەڭدەر 2018 جىلعى 1 قىركۇيەككە دەيىن قابىلدانىپ، اشىق تۇردە ادىلقازىلار القاسىنىڭ ساراپتاماسىنان وتەدى. تەك جەڭىمپاز دەپ تانىلعان اقىندار ادەبي كەشكە ارنايى شاقىرىلادى.

- ادىلقازىلار القاسىنىڭ ساراپتاماسىنان وتكەن ۇزدىك ولەڭدەر الاكول اۋدانىنىڭ 90 جىلدىق  كىتابىنا ەنگىزىلەدى.

جەڭىمپازداردى ماراپاتتاۋ:

بايقاۋ جەڭىمپازدارى قوماقتى قارجىلاي سىيلىقتارمەن ماراپاتتالادى.

جەڭىمپازدارعا جۇلدەلەر 2018 جىلعى قىركۇيەك ايىندا الاكول اۋدانىنىڭ 90 جىلدىق مەرەيتويىندا جانە ساكەن يماناسوۆتىڭ تۋعانىنا  80 جىل تولۋىنا بايلانىستى وتكىزىلەتىن بولەك شارادا تاپسىرىلادى. مەرەيتويلار  ءۇشارال قالاسىندا وتكىزىلەدى.

قوس شاراعا شاقىرىلاتىن جۇلدەگەرلەردىڭ جول شىعىنى (پويىزبەن), جاتىن ورنى، تاماقتانۋى ۇيىمداستىرۋشىلار ەسەبىنەن تولەنەدى.

ولەڭدەردى مىنا ادرەسكە جولداۋ قاجەت:

مەكەن-جايىمىز: «الاكول اۋداندىق مادەنيەت ءبولىمى» مم.

الماتى وبلىسى الاكول اۋدانى ءۇشارال ق. قوناەۆ كوشەسى 76,

اۋداندىق ز.قويشىباەۆا اتىنداعى مادەنيەت ءۇيىنىڭ عيماراتى

بايلانىس تەل: جۇمىس: 87283323625, 87283321096,ۇيالى: 87025838738,

فاكس 87283324193; ەلەكتروندى پوشتا: Alakol-kultura@mail.ru

Abai.kz