قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ تاپسىرماسى بويىنشا « ش.شاياحمەتوۆ اتىنداعى «ءتىل-قازىنا» ۇلتتىق عىلىمي-تاجىريبەلىك ورتالىعى» مەملەكەتتىك قىزمەتشىلەر اراسىندا «ءتىل شەبەرى-2018» رەسپۋبليكالىق كونكۋرسىن وتكىزەدى، - دەپ حابارلايدى اباي-اقپارات.

وتەتىن ۋاقىتى: 2018 جىلعى 15 ماۋسىم

ءىس-شارانىڭ باستالۋى:  14.00 ساع.

وتەتىن ورنى: اقمولا وبلىسى، بۋراباي اۋدانى  «بالداۋرەن» رەسپۋبليكالىق وقۋ-ساۋىقتىرۋ ورتالىعى                                                                        

كونكۋرستىڭ ماقساتى: جاھاندىق وركەنيەت پەن ەلىمىزدىڭ دامۋ باعىتىنا ساي  ۇش ءتىلدى – قازاق، ورىس جانە اعىلشىن تىلدەرىن جەتىك مەڭگەرگەن، جان-جاقتى ءبىلىمدى، ءوزىنىڭ سالاسىندا كاسىبي قۇزىرلى  مەملەكەتتىك قىزمەتشى جاستاردى انىقتاپ، قولداۋ كورسەتۋ;

كونكۋرس ءۇش اتالىمنان تۇرادى:

1) «تۇساۋكەسەر» – بەرىلگەن تاقىرىپتىڭ مازمۇنىن قازاق تىلىندە تولىق اشۋ;

2) «ۇلتتانىم» – قازاق ەلىنىڭ تاريحى مەن ۇلى تۇلعالارى، قازاق جەرى جانە ونىڭ ايماقتارى جونىندەگى سۇراقتارعا ورىس جانە اعىلشىن تىلدەرىندە جاۋاپ بەرۋ.

3) «ونەرتانىم» – بەرىلگەن جاڭىلتپاشتاردى  ۇش تىلدە جاڭىلماي ايتۋ.

بايقاۋ جەڭىمپازداردى سالتاناتتى ماراپاتتاۋ ءراسىمى جانە ونەرپازداردىڭ مەرەكەلىك كونتسەرتىمەن اياقتالادى.

قاتىسۋشىلار: قر مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ وكىلدەرى، اقمولا وبلىسى  بۋراباي اۋدانى زيالى قاۋىم وكىلدەرى.

بايلانىس تەلەفوندارى:    8 (7172) 40-83-97; 8 701 451 14 17, 8 705 100 59 08

Abai.kz