كوكجالدىڭ كوز جاسى
قازاق ادەبيەتى مەن مادەنيەتى ءيسى الاش جۇرتىنىڭ قابىرعاسىن قايىستىرار اۋىر قايعىعا دۋشار بولدى. بۇگىن قىتايداعى قازاق قالامگەرى، ءبىرتۋار ءسوز زەرگەرى، دەگدار جازۋشىمىز قاجىعۇمار شابدانۇلى تاڭعى ساعات توعىزدار شاماسىندا 86 جىلدىق ازاپتى دا ونەگەلى عۇمىرىن اياقتاپ، شاۋەشەكتەگى ءوز ۇيىندە ۇزاققا سوزىلعان اۋىر ناۋقاستان دۇنيە سالدى.
شىعىس تۇركىستاندا تۇرىپ، قازاق ۇلتىنىڭ نامىسىن جىرتىپ، ۇلتىمىزدىڭ ۇلى كەۋدەسىن ۇلىقسىعان مىقتىلاردىڭ بىرىنە باستىرماۋ جولىندا ايانباي كۇرەسكەن ول ءۇرىمجىنىڭ قاندالا مەن بۇرگەگە تولى زىندانى مەن تارعىل قۇمى تابانىڭدى كۇيدىرەر بەتپاق ولكە تارىمنىڭ نەبىر سۇرقاي زاڭى مەن زاكۇنىن كورە ءجۇرىپ، «قۇدىرەتتى تەرگەۋشىلەرىنىڭ» الدىندا مويىمادى. «قىلمىس» اتتى التى تومدىق كوركەم رومانى ارقىلى ءوز زامانىنىڭ زىميان قاتپارىن، سۇرقيا تىگىستەرىن اقتارىپ كورسەتتى.
بار تىلەگى مەن زار تىلەگى - كىندىك قانى تامعان كيەلى ولكەسىنە، تۋعان جەرىنە، قاستەرلى وتانىنا ورالۋ ەدى. سول ءۇشىن دە كوكىرەگىن قارس ايىرعان قاسىرەتى مەن ارمانىن اقتارىپ قازاقستان پرەزيدەنتىنە ەكى ەرت حات تا جازعان...
قازاق ادەبيەتى مەن مادەنيەتى ءيسى الاش جۇرتىنىڭ قابىرعاسىن قايىستىرار اۋىر قايعىعا دۋشار بولدى. بۇگىن قىتايداعى قازاق قالامگەرى، ءبىرتۋار ءسوز زەرگەرى، دەگدار جازۋشىمىز قاجىعۇمار شابدانۇلى تاڭعى ساعات توعىزدار شاماسىندا 86 جىلدىق ازاپتى دا ونەگەلى عۇمىرىن اياقتاپ، شاۋەشەكتەگى ءوز ۇيىندە ۇزاققا سوزىلعان اۋىر ناۋقاستان دۇنيە سالدى.
شىعىس تۇركىستاندا تۇرىپ، قازاق ۇلتىنىڭ نامىسىن جىرتىپ، ۇلتىمىزدىڭ ۇلى كەۋدەسىن ۇلىقسىعان مىقتىلاردىڭ بىرىنە باستىرماۋ جولىندا ايانباي كۇرەسكەن ول ءۇرىمجىنىڭ قاندالا مەن بۇرگەگە تولى زىندانى مەن تارعىل قۇمى تابانىڭدى كۇيدىرەر بەتپاق ولكە تارىمنىڭ نەبىر سۇرقاي زاڭى مەن زاكۇنىن كورە ءجۇرىپ، «قۇدىرەتتى تەرگەۋشىلەرىنىڭ» الدىندا مويىمادى. «قىلمىس» اتتى التى تومدىق كوركەم رومانى ارقىلى ءوز زامانىنىڭ زىميان قاتپارىن، سۇرقيا تىگىستەرىن اقتارىپ كورسەتتى.
بار تىلەگى مەن زار تىلەگى - كىندىك قانى تامعان كيەلى ولكەسىنە، تۋعان جەرىنە، قاستەرلى وتانىنا ورالۋ ەدى. سول ءۇشىن دە كوكىرەگىن قارس ايىرعان قاسىرەتى مەن ارمانىن اقتارىپ قازاقستان پرەزيدەنتىنە ەكى ەرت حات تا جازعان...
جۋىردا جانىن اۋرۋ قيناعاندا وسى بەتتەگى ءسۇت كەنجەسى جايناردى شاقىرىپ الىپ، تاۋەلسىز قازاق ەلى ارىستىعىن جويماسىن دەپ، ىرىمداپ، ءوزى ازان شاقىرىپ اتىن قويعان ەلارىس جيەنىن قۇشاقتاپ: «مەن جەتپەگەنگە سەن جەت! ۇرپاعىم ۇلى توپىراقتا تۋعان مەنەن باقىتتى ەشكىم جوق! ەلىمىز ارىس بولسىن» دەپ ەڭكىلدەپ، كوزىنەن ىستىق جاس اعىزعان دەسەدى... كوكجال-عۇمىردىڭ كوز جاسى دا تەكتەن-تەك اقپايدى ەكەن-اۋ.
بارشا الاش جۇرتىنىڭ قايعىسىنا ورتاقتاسىپ، كوڭىل ايتامىز.
«اباي-اقپارات»
