26 ماۋسىمدا ۇقمك قىزمەتكەرلەرى تۇڭعىشباەۆتى بىشكەكتەگى تەرگەۋ اباقتىسىنان زاتتارىمەن بىرگە الىپ كەتكەنى بەلگىلى بولعان.
مۇراتبەك تۇڭعىشباەۆتى قىرعىزستان ارنايى قىزمەتى 10 مامىردا بىشكەكتە قازاقستان بيلىگىنىڭ سۇراۋىمەن ۇستاعان. ول سودان بەرى بىشكەكتە تەرگەۋ اباقتىسىندا وتىرعان.
25 ماۋسىمدا بىشكەكتىڭ وكتيابر اۋداندىق سوتى قىرعىزستان باس پروكۋراتۋراسىنىڭ مۇراتبەك تۇڭعىشباەۆتى قازاقستانعا قايتارۋ تۋرالى شەشىمىن قولداعان. 26 ماۋسىمدا قۇقىق قورعاۋشىلار مەن بەلسەندىلەر بىشكەكتە كەزدەسۋ وتكىزىپ، سوت شەشىمىنىڭ زاڭسىزدىعىن، قازاقستاندا بەلسەندىنىڭ ازاپتالۋى مۇمكىن ەكەنىن ايتقان.
بۇعان دەيىن قىرعىزستاننىڭ جازانى اتقارۋ كوميتەتى تۇڭعىشباەۆتى قازاقستانعا ەكستراديتسيالاۋ پروتسەسى ءبىر ايعا دەيىن سوزىلۋى ىقتيمال ەكەنىن حابارلاعان ەدى.
قازاقستان بيلىگى بلوگەردى "ەكسترەميستىك ۇيىم رەتىندە تىيىم سالىنعان "قازاقستاننىڭ دەموكراتيالىق تاڭداۋى" قوزعالىسىن قولدايدى" دەپ ايىپتاپ وتىر. تۇڭعىشباەۆ پەن ونىڭ تۋىستارى بۇل ايىپتىڭ ساياسي استارى بارىن مالىمدەپ، حالىقارالىق ۇيىمداردان اراشا سۇرايدى.
بۇعان دەيىن قىرعىزستاندىق قۇقىق قورعاۋ ۇيىمدارى مەن ازاماتتىق بەلسەندىلەر تۇڭعىشباەۆتى قازاقستانعا ەكستراديتسيالاۋعا قارسىلىق تانىتقان.
21 مامىردا قىرعىزستان باس پروكۋراتۋراسى مۇراتبەك تۇڭعىشباەۆتى قازاقستانعا ەكستراديتسيالاۋ تۋرالى شەشىم شىعارعان. بۇعان دەيىن ونى قاماۋعا الۋ تۋرالى شەشىمگە قارسى بەرىلگەن شاعىمداردىڭ ەشقايسىسى قاناعاتتاندىرىلمادى. قىرعىزستاننىڭ ميگراتسيالىق قىزمەتى 5 ماۋسىم كۇنى ازاتتىققا مۇراتبەك تۇڭعىشباەۆتىڭ وزىنە بوسقىن مارتەبەسىن بەرۋ تۋرالى ءوتىنىشىن قاراستىرىپ جاتقانىن حابارلاعان ەدى.
Abai.kz
