ءوزىن امان دەپ تانىستىرعان تۇركىمەنستاندىق قازىرگى ۋاقىتتا تۇركيادا اسپيرانتۋرادا ءبىلىم الاتىنىن، ەلگە ورالعان سايىن قاۋىپسىزدىك قىزمەتكەرلەرى تاراپىنان قيىندىققا تاپ بولاتىنىن ايتادى.

"تۇركيادا وقيتىن ستۋدەنتتەر اراسىندا ەلشىلىك تاعايىنداعان ارنايى ادامدار بار. ولار شەتەلدەگى ستۋدەنتتەردىڭ ءومىرى جايىندا اقپارات بەرىپ وتىرادى. تۇركيادا وقيتىندار ولاردىڭ كىم ەكەندەرىن بىلەدى. سوندىقتان ءبىز ساق جۇرەمىز", - دەيدى امان.

امان سوڭعى رەت تۇركىمەنستاندا بولعانىندا قاۋىپسىزدىك قىزمەتكەرلەرى تاراپىنان تەرگەۋگە شاقىرىلعانىن ايتادى.

"ولار مەنى شاقىرىپ الىپ، بىرنەشە سۇراقتار قوياتىنىن ايتتى. ولار مەن جايىندا ءبارىن بىلەتىنىن، تەك شىندىقتى ايتادى ما، جوق پا تەكسەرگىسى كەلەتىنىن جەتكىزدى. كىمدەرمەن بايلانىستاسىڭ؟ پاتەر جالداپ تۇراسىڭ با، الدە جاتاقحانادا تۇراسىڭ با؟ ستۋدەنتتەرگە كومەكتەسەتىن قورلاردى بىلەسىڭ بە؟ الەۋمەتتىك جەلىگە قىزىعاسىڭ با، ادەتتە نە جازاسىڭ دەپ سۇرادى", -دەيدى امان ەسىمدى ستۋدەنت.

تۇركىمەنستاننىڭ قاۋىپسىزدىك قىزمەتىنىڭ وكىلدەرى بولسا، ءدىني ۇيىمدارمەن قاتىناسى بار ستۋدەنتتەردى عانا اڭگىمەلەسۋگە شاقىرامىز دەيدى.

Abai.kz