قازىبەك يسا. قازاقتىڭ بەتىنە قالاي قارايسىز، مىرزاتاي مىرزا؟!
قازاقشا نان سۇراي المايتىن قاسىموۆتى وتكىزۋ -
قازاق ءتىلى مەن قازاقتى قورلاۋ!
مەملەكەتتىك ءتىلدى، ياعني مەملەكەتتى قورلاۋ!
مەملەكەت باسشىسىن - پرەزيدەنت سايلاۋىن قورلاۋ!
نە كورمەگەن ءبىزدىڭ بايعۇس قازاق؟! مىنە، ەندى قازاق ءتىلىن قاقپايتىن، قازاقشاسى نان سۇراپ جەۋگە جەتپەيتىن سەناتور عاني قاسىموۆتى كەزەكتەن تىس پرەزيدەنت سايلاۋىنىڭ مەملەكەتتىك تىلدەن ەمتيحان الاتىن لينگۆيستيكالىق كوميسسياسى زۋىلداتىپ «وتكىزىپ جىبەردى»... كوميسسيا توراعاسى مىرزاتاي مىرزا بەتى بۇلك ەتپەستەن «عاني قاسىموۆ قازاقشا جاقسى مەڭگەرگەن» دەپ سوعىپ تۇر...
بۇل نەنى بىلدىرەدى؟
بۇل بىرىنشىدەن، قازاق ءتىلىن، ياعني قازاقتى قورلاۋ! بۇل مەملەكەتتىك ءتىلدى، ياعني مەملەكەتتى قورلاۋ! مەملەكەت باسشىسىن - پرەزيدەنت سايلاۋىن قورلاۋ!
بۇل ەكىنشىدەن، بىزدە ەڭ ءبىرىنشى كەزەكتە قارا باستىڭ قامى ءۇشىن قانداي وتىرىككە بولسا دا بارۋ تۇر دا، ال ار، نامىس، ەل الدىنداعى ابىروي دەگەندەردىڭ بارلىعى ەكىنشى كەزەكتە، بالكىم... سوڭعى كەزەكتە قالعانىن كورسەتەدى. قازاقشا قاقپايتىن قاسىموۆتى وتكىزىپ، قايساردىڭ بەتىنە عانا ەمەس، قالىڭ قازاعىڭنىڭ بەتىنە قالاي قارايسىز، مىرزاتاي مىرزا؟
قازاقشا نان سۇراي المايتىن قاسىموۆتى وتكىزۋ -
قازاق ءتىلى مەن قازاقتى قورلاۋ!
مەملەكەتتىك ءتىلدى، ياعني مەملەكەتتى قورلاۋ!
مەملەكەت باسشىسىن - پرەزيدەنت سايلاۋىن قورلاۋ!
نە كورمەگەن ءبىزدىڭ بايعۇس قازاق؟! مىنە، ەندى قازاق ءتىلىن قاقپايتىن، قازاقشاسى نان سۇراپ جەۋگە جەتپەيتىن سەناتور عاني قاسىموۆتى كەزەكتەن تىس پرەزيدەنت سايلاۋىنىڭ مەملەكەتتىك تىلدەن ەمتيحان الاتىن لينگۆيستيكالىق كوميسسياسى زۋىلداتىپ «وتكىزىپ جىبەردى»... كوميسسيا توراعاسى مىرزاتاي مىرزا بەتى بۇلك ەتپەستەن «عاني قاسىموۆ قازاقشا جاقسى مەڭگەرگەن» دەپ سوعىپ تۇر...
بۇل نەنى بىلدىرەدى؟
بۇل بىرىنشىدەن، قازاق ءتىلىن، ياعني قازاقتى قورلاۋ! بۇل مەملەكەتتىك ءتىلدى، ياعني مەملەكەتتى قورلاۋ! مەملەكەت باسشىسىن - پرەزيدەنت سايلاۋىن قورلاۋ!
بۇل ەكىنشىدەن، بىزدە ەڭ ءبىرىنشى كەزەكتە قارا باستىڭ قامى ءۇشىن قانداي وتىرىككە بولسا دا بارۋ تۇر دا، ال ار، نامىس، ەل الدىنداعى ابىروي دەگەندەردىڭ بارلىعى ەكىنشى كەزەكتە، بالكىم... سوڭعى كەزەكتە قالعانىن كورسەتەدى. قازاقشا قاقپايتىن قاسىموۆتى وتكىزىپ، قايساردىڭ بەتىنە عانا ەمەس، قالىڭ قازاعىڭنىڭ بەتىنە قالاي قارايسىز، مىرزاتاي مىرزا؟
بۇل ۇشىنشىدەن, ەل تاعدىرى شەشىلەتىن پرەزيدەنت سايلاۋىنا قاتىسىپ، ۇلتتىڭ ءسوزىن سويلەپ، حالىق تىزگىنىن قولعا الا الاتىن قاراعايعا قارسى بىتكەن قايسار قايراتكەرلەردىڭ جوقتىعىن (قايساردان باسقا) كورسەتەدى...
مىرزەكەڭە قوياتىن ەلدىڭ ءبىر سۇراعى بار: «ءسىز باسقارعان كوميسسياداعى قازاق تىلىنەن نان جەپ جۇرگەن اكادەميگى بار، دوكتورى بار, عالىمداردىڭ ءبىر دە بىرەۋى «قاسىموۆ قازاقشا جاقسى بىلەدى» دەگەنگە قول قويۋعا قارسى بولىپ،" بۇنداي ماسقاراعا قوسىلعانشا، كوميسسيا قۇرامىنان شىعايىن" دەگەن جوق پا؟»
ولاي بولسا، بىزدە ءبارى "قازىر جاز مەزگىلى" دەپ باسشىسى ايتسا، بارلىعى 100 پايىز داۋىس بەرەتىن پارلامەنتتىڭ كوشىرمەلەرى عوي، نە ءۇمىت، نە قايىر؟
مىرزاتاي «پرەزيدەنتتىككە ۇمىتكەرلىككە ءوتۋ ءۇشىن ورفوگرافيالىق قاتە ەكەۋدەن اسپاۋ كەرەك» دەپ تالاي سايراعان ەدى... (قايسارلار ءۇشىن بولۋ كەرەك شاماسى). ال قاسىموۆتىڭ قاتەسى ورفوگرافيادان 3 قاتە، بارلىعى 10 قاتە عانا-مىس... كوميسسيا بۇل جەردە تاعى ءبىر ءنولدى قاساقانا ۇمىتىپ كەتكەن سەكىلدى... جانە ءبىز بۇعان، قاسىموۆتىڭ قاتەسى 100 ەمەس... 10 قاتە دەگەنگە سەنۋگە ءتيىسپىز... سىناق ناتيجەسىن جاريالاپ تۇرعان مىرزەكەڭنىڭ بەتىنە قاراساڭ، سولاي سياقتى... ال قاسىموۆتىڭ قازاقشا تۇك بىلمەيتىنىن، ول ەكى جەردەگى ەكى ءتورت بولادى دەگەندەي تالقىلاۋعا جاتپايتىن اقيقات ەكەنىن لينگۆيستيكالىق كوميسسياداعىلاردان باسقا ونى بىلەتىن ۇياتى بار ءاربىر ادام ايتا الادى... وعان مەكتەپ وقۋشىسىنىڭ دا ميى جەتەدى...
قازاقشا نان سۇراي المايتىن قاسىموۆتىڭ قازاقشانى قالاي «بىلەتىنى» تۋرالى مەن «قوش بول، وپپوزيتسيا» اتتى ماقالادا جازىپ، ول وتكەن اپتادا www.jasqazaquni.kz, abai.kz جانە zonakz.net-تە (DODA بلوگى) جاريالانعان بولاتىن. قايتالاپ وتەيىن: «بولات بىراق، قازاقشانى قايساردان ارتىق بىلە قويمايتىن شىعار دەپ ويلايمىن. ال ەرتىسباەۆتى جولدا قالدىراتىنى انىق... قازاقشاسى «العا» پارتياسى توراعاسى ۆلاديمير كوزلوۆتان دا، ءتىپتى رەسەي پرەزيدەنتى د.مەدۆەدەۆتەن دە كەيىن، «نان بەر» دەگەندى ايتا المايتىن عاني قاسىموۆتى ايتپاعاندا... ايتپاقشى، سول قاسىموۆ باياعىدا پرەزيدەنتتىككە كانديدات بولىپ، بار بىتىرگەنى ەفيردە ستاقان سىندىرىپ، كوك بازاردا كورىنگەن شالدىڭ كوك ساقالىنا جارماساتىن كەزىندە قازاق ءتىلى سىناعىنان قالاي وتكەنىنە تاڭىم بار... ارينە، بيلىككە ءوز انا ءتىلىن، مەملەكەتتىك ءتىلىن بىلمەيتىن، پاتريوتتىقتان جۇرداي «پاتريوتتار» پارتياسى «كوسەمىنەن» گورى قايسارلىعى باسىم قايسارلار قاۋىپتىرەك بولۋى كەرەك...»
ەندى سوعان وكىنىپ وتىرمىن، قاسىموۆتى قايدان ەل ەسىنە سالدىم ەكەن، ايتىپ، اۋىز جيعانشا ەكى كەشتىڭ اراسىندا ەكى يىعىنان دەمالىپ، ەنتىگىپ جەتىپ كەلىپتى پرەزيدەنتتىككە ۇمىتكەر بولۋعا... كوميسسيا ودان دا جىلدام ەكەن، الدە، ءبارىن وزدەرى جازىپ، دايىنداپ قويعان با، ءبىر قۇداي بىلەدى... زۋىلداتىپ وتكىزىپ جىبەردى... شاماسى، نە جازىپ (كىم جازىپ) نە قويعانىن عانەكەڭنىڭ ءوزى دە سەزبەي قالعان بولۋ كەرەك. شوۋمەن سەناتوردىڭ بار تىندىرعانى سەناتتا قولى بوس بولعاسىن «ەكى جۇلدىز» شوۋىندا جاتتاعان ءانىن بىلدىرلاپ، بارقىراپ ايتىپ بەرىپ، كوميسسياعا «ەندى وسىعان ريزا بولىڭدار، مەندە قازاقشا باسقا تۇك جوق» دەگەننەن باسقا نە دەي الادى؟..
كەشە كتك ارناسىندا ءبىر وبلىستاعى تەندەر وتكىزگەندە ورىس تىلىنەن ءبىر قاتە كەتكەنى ءۇشىن ۇمىتكەردى قۇلاتىپ، جەرگىلىكتى گازەتتەر «ورىس تىلىنەن بۇلاي قاتە جىبەرگەنى ءۇشىن جازالاۋ كەرەك» دەپ سىلتەپ جىبەرىپ جاتىر ەكەن. ال تىلشىلەر تەندەر قۇجاتىنداعى قازاق تىلىندەگى نۇسقانى تەكسەرگەن ەكەن، قىپ-قىزىل قاتەدەن كورىنبەيدى ءھام ولار تەندەردەن زۋىلداپ وتكەن... تاۋەلسىزدىگىنە 20 جىل بولعان قازاقستاندا رەسەي تىلىنەن قاتە كەتكەنى ءۇشىن جازالاۋ كەرەك بولسا... (قانداي پارادوكس!) مەملەكەتتىك تىلدەن قىرۋار قاتە كەتكەنى ءۇشىن ەڭ اۋىر جازا بەلگىلەۋ كەرەك شىعار وندا...
بۇنى بىلگەندە قازاقشاسى قاسىموۆتان ءتاۋىر ۆلاديمير كوزلوۆ تا قۇجات تاپسىراتىن ەدى عوي... سوندا اقساقالدارىمىز باستاعان لينگۆيستيكالىق كوميسسيا نەگە اينالىپ وتىر بۇل جەردە؟ اۋزىنان اللانى تاستامايتىن امانتاي قاجى ءبىر نارسەنى سەزگەن بولار، «بۇل كوميسسياعا ەمتيحان تاپسىرمايمىن» دەپ سەنىمسىزدىك كورسەتۋى تەگىن بولمادى...
ايتىپ-ايتپاي نە كەرەك، مۇحتار شاحانوۆ باستاعان ۇلت پاتريوتتارى ۇيىمدارى مىرزاتاي جولداسبەكوۆ باستاعان لينگۆيستيكالىق كوميسسيانى (مۇشەلەرى: سەيىت قاسقاباسوۆ، شەرۋباي قۇرمانباەۆ جانە ت.ب.) سوتقا بەرۋ كەرەك!.. بۇل ۇلت پاتريوتتارىنىڭ عانا جۇمىسى ەمەس، ەلگە، تىلگە قاتىستى قوعامدىق، مەملەكەتتىك ورگاندار دا، بارلىق ەل پاتريوتتارى پاتريوتتىقتان جۇرداي (مەملەكەتتىك ءھام انا ءتىلىن بىلمەگەن ادام قانداي پاتريوت؟!) پاتريوتتار پارتياسىنىڭ توراعاسى عاني قاسىموۆتى جانە ونىمەن سىبايلاستىققا بارعان لينگۆيستيكالىق كوميسسيانى مەملەكەتتىك ءتىلدى قورلاعانى ءۇشىن، مەملەكەتتى قورلاعانى ءۇشىن، مەملەكەت باسشىسى - پرەزيدەنت سايلاۋىن قورلاعانى ءۇشىن!... سوتقا بەرۋى ءتيىس.
«جاس قازاق ءۇنى» گازەتى
