بريۋسسەل. 23 اقپان. قازاقپارات /ديماش سىزدىقوۆ/ - ەۋروپانىڭ ينۆەستيتسيالىق بانكى (ەيب) قازاقستانداعى ەنەرگەتيكالىق جوبالاردى قارجىلاندىرۋ مۇمكىندىكتەرىن زەرتتەپ جاتىر.

بۇل تۋرالى قازاقستاندىق جۋرناليستەرگە بەرگەن سۇحباتىندا ەيب پرەزيدەنتى فيليپپ مايشتادت ءمالىم ەتتى.

ەۋروپالىق ينۆەستيتسيالىق بانكتىڭ باسشىسى اتاپ وتكەندەي، بىلتىرعى جىلى قازاقستان مەن ەيب اراسىندا بانكتىڭ الداعى ۋاقىتتا قر اۋماعىندا ءوز قىزمەتىن جۇزەگە اسىرۋدىڭ العاشقى قادامى بولعان شەكتى كەلىسىمگە قول قويىلعان. «قازىر وسى  كەلىسىمدى جۇزەگە اسىرۋ - ءبىزدىڭ ورتاق ماقساتىمىز»، - دەدى ف.مايشتادت.

قازاقستان اۋماعىندا ەيب-تىڭ قارجىلاندىرۋ بولاشاعى تۋرالى ءسوز قوزعاي كەلە، ف.مايشتادت ءوزىنىڭ قازاقستان بيلىگىمەن ءاردايىم بايلانىستا وتىرعانىن جانە سولارمەن بىرگە ەۋروپالىق ينۆەستيتسيالىق بانك ارقىلى قارجىلاناتىن جوبالار تاڭدالاتىندىعىن جەتكىزدى. «قازىرگى تاڭدا ءبىز باسقا جوبالاردى، اسىرەسە ەنەرگەتيكالىق سالاداعى جوبالاردى قارجىلاندىرۋ مۇمكىندىكتەرىن زەرتتەپ جاتىرمىز»، - دەدى ەيب توراعاسى.

سونىمەن قاتار ەۋروپا ينۆەستيتسيالىق بانكتىڭ باسشىسى قازاقستانداعى بانك جۇيەسىنە جوعارى باعاسىن بەرە كەلە، جاھاندىق ەكونوميكالىق داعدارىس كەزىندە قازاقستاندىق بانك جۇيەسى باسقا ەلدەرمەن سالىستىرعاندا نىق باسىپ تۇرعاندىعىن دالەلدەگەنىن، الداعى ۋاقىتتا دا ءبىزدىڭ ەلىمىزبەن تىعىز ىنتىماقتاستىق ورناتىلادى دەگەن سەنىمىن جەتكىزدى.

بريۋسسەل. 23 اقپان. قازاقپارات /ديماش سىزدىقوۆ/ - ەۋروپانىڭ ينۆەستيتسيالىق بانكى (ەيب) قازاقستانداعى ەنەرگەتيكالىق جوبالاردى قارجىلاندىرۋ مۇمكىندىكتەرىن زەرتتەپ جاتىر.

بۇل تۋرالى قازاقستاندىق جۋرناليستەرگە بەرگەن سۇحباتىندا ەيب پرەزيدەنتى فيليپپ مايشتادت ءمالىم ەتتى.

ەۋروپالىق ينۆەستيتسيالىق بانكتىڭ باسشىسى اتاپ وتكەندەي، بىلتىرعى جىلى قازاقستان مەن ەيب اراسىندا بانكتىڭ الداعى ۋاقىتتا قر اۋماعىندا ءوز قىزمەتىن جۇزەگە اسىرۋدىڭ العاشقى قادامى بولعان شەكتى كەلىسىمگە قول قويىلعان. «قازىر وسى  كەلىسىمدى جۇزەگە اسىرۋ - ءبىزدىڭ ورتاق ماقساتىمىز»، - دەدى ف.مايشتادت.

قازاقستان اۋماعىندا ەيب-تىڭ قارجىلاندىرۋ بولاشاعى تۋرالى ءسوز قوزعاي كەلە، ف.مايشتادت ءوزىنىڭ قازاقستان بيلىگىمەن ءاردايىم بايلانىستا وتىرعانىن جانە سولارمەن بىرگە ەۋروپالىق ينۆەستيتسيالىق بانك ارقىلى قارجىلاناتىن جوبالار تاڭدالاتىندىعىن جەتكىزدى. «قازىرگى تاڭدا ءبىز باسقا جوبالاردى، اسىرەسە ەنەرگەتيكالىق سالاداعى جوبالاردى قارجىلاندىرۋ مۇمكىندىكتەرىن زەرتتەپ جاتىرمىز»، - دەدى ەيب توراعاسى.

سونىمەن قاتار ەۋروپا ينۆەستيتسيالىق بانكتىڭ باسشىسى قازاقستانداعى بانك جۇيەسىنە جوعارى باعاسىن بەرە كەلە، جاھاندىق ەكونوميكالىق داعدارىس كەزىندە قازاقستاندىق بانك جۇيەسى باسقا ەلدەرمەن سالىستىرعاندا نىق باسىپ تۇرعاندىعىن دالەلدەگەنىن، الداعى ۋاقىتتا دا ءبىزدىڭ ەلىمىزبەن تىعىز ىنتىماقتاستىق ورناتىلادى دەگەن سەنىمىن جەتكىزدى.