«نۇر وتان» پارتياسى توراعاسىنىڭ ءبىرىنشى ورىنباسارى ماۋلەن اشىمباەۆ قاراعاندى وبلىسىنا جاساعان ساپارى بارىسىندا وسىلاي دەپ مالىمدەدى.

ساپار بارىسىندا ول جەزقازعان قالاسىنداعى «ۇلىتاۋ نان» نان زاۋىتىنا، «UTARI KZ» كومپانياسىنىڭ تىگىن تسەحىنا، وقۋشىلارعا باعدارلامالاۋ مەن روبوت تەحنيكالارىنىڭ نەگىزدەرىن ۇيرەتەتىن IT-ورتالىقتار مەن IT-سىنىپتارعا جانە ساتباەۆ قالاسىنداعى جەرگىلىكتى كىتاپحانا بازاسىندا اشىلعان «سو-working ورتالىققا» باردى.

جەزقازعاندا باعدارلامالاۋ نەگىزدەرىن ۇيرەتەتىن IT-ورتالىق «UTARI KZ» وندىرىستىك يننوۆاتسيالىق كومپانياسىنىڭ بازاسىندا اشىلدى. ول جەردە بالالارعا ارنالعان تەگىن IT-سىنىپتار جۇمىس ىستەيدى. ماۋلەن اشىمباەۆ اتالعان ورىندارعا دا ارنايى بارىپ، كومپانيانىڭ جۇمىسىمەن تانىستى. بۇل جەردە حيميا، مۇناي-گاز، مەتاللۋرگيا، تاماق، ءدارى-دارمەك، اۆتوموبيل ءوندىرىسى، كوممۋنالدىق شارۋاشىلىق، ترانسپورت پەن قۇرىلىس سالاسىنىڭ جۇمىسشىلارى ءۇشىن ارنايى كيىمدەر شىعارىلىپ، كۇندەلىكتى ءومىر مەن دەمالۋعا ارنالعان كيىمدەر تىگىلەدى. كاسىپورىن كومپيۋتەرلىك باعدارلامامەن باسقارىلاتىن ارنايى قوندىرعىمەن جابدىقتالعان.

تىگىن تسەحىنىڭ جۇمىسشىلارىمەن كەزدەسكەن پارتيا توراعاسىنىڭ ءبىرىنشى ورىنباسارى سوڭعى ايلاردا «نۇر وتان» پارتياسى الەۋمەتتىك ماسەلەلەرگە ءجىتى كوڭىل ءبولىپ، اۋقىمدى جۇمىستار اتقارىپ جاتقانىن تىلگە تيەك ەتتى.

– «نۇر وتان» پارتياسى ەلباسىنىڭ تاپسىرماسى بويىنشا جاستاردى سۇرانىسقا يە، زامان تالابىنا ساي ماماندىقتار بويىنشا وقىتىپ، ساپالى ءبىلىم الۋىن قامتاماسىز ەتۋدى كوزدەيدى. سوندىقتان ەلىمىز بويىنشا ءىت-سىنىپتار اشۋدى قولعا الدىق. مۇنداي سىنىپتاردى استانا، الماتى سياقتى ءىرى شاھارلاردا عانا ەمەس، جەزقازعان سياقتى مونوقالالار مەن اۋدانداردا اشىپ، ورتالىقتان شالعايدا جاتقان ەلدىمەكەندەردەگى بالالاردىڭ تسيفرلىق ساۋاتتىلىعىن ارتتىرۋعا، باسەكەگە قابىلەتتى بولۋىنا، بولاشاقتىڭ ماماندىقتارىن يگەرۋگە جاعداي جاساۋىمىز كەرەك. وسى تۇرعىدان كەلگەندە قاراعاندى وبلىسىندا اتقارىلىپ جاتقان جۇمىستار كوڭىل قۋانتادى، – دەدى «نۇر وتان» پارتياسى توراعاسىنىڭ ءبىرىنشى ورىنباسارى.

سونىمەن قاتار ماۋلەن اشىمباەۆ «رۋحاني جاڭعىرۋ» باعدارلاماسىنىڭ «تۋعان جەر» جوباسى بويىنشا قايتا جاڭعىرتىلىپ، پايدالانۋعا بەرىلگەن «UTARI KZ» كومپانياسىنىڭ جاتاقحاناسىنا باردى. بۇل جاتاقحانانىڭ وزگەلەردەن باستى ايىرماشىلىعى رەتىندە وندا بىرقاتار پارتيالىق جوبالاردىڭ جۇزەگە اسىرىلۋىن ايتۋعا بولادى. ياعني نۇروتاندىق كاسىپكەرلەر بۇل جەردە جاڭا پارتيالىق باستامالارمەن ۇندەسەتىن بىرنەشە قىزىقتى ءبىلىم بەرۋ جوبالارىن ىسكە قوسقان. ايتالىق، عيماراتتىڭ ءبىرىنشى قاباتىندا «Open space library» ايماعى – اشىق ەلەكتروندىق كىتاپحاناسى ورنالاسقان، ال جانىندا «ءۇش تۇعىرلى ءتىل» باعدارلاماسى بويىنشا اشىلعان – «Qazaq kluby» مەن «English club» جۇمىس ىستەيدى. جاتاقحانادا دەربەس «Co-working ورتالىعى»، «ياركيە ۋمى» ءبىلىم مەن دامۋ ورتالىعى، «ليدەرلەر مەكتەبى»، «Business mentoring» جانە «Magic kitchen» ورتالىقتارى، شاحمات پەن توعىزقۇمالاق ويىنىنىڭ ستۋدياسى بار. «نۇر وتان» پارتياسىنىڭ بالالارعا ارنالعان تەگىن IT-سىنىپتار جوباسى بويىنشا «IT TECHNOLOGY FOR YOU» ورتالىعىنىڭ بازاسىندا قازىرگى زامانعى IT-سىنىپتار اشىلعان.

ساپار سوڭىندا ماۋلەن اشىمباەۆ «ەرلىك ەشقاشان ۇمىتىلمايدى» پارتيالىق جوباسى اياسىندا 95 جاسقا تولعان ۇلى وتان سوعىسىنىڭ ارداگەرى نينا ۆينوگرادوۆانى ۇيىنە بارىپ، مەرەيتويىمەن قۇتتىقتادى.

Abai.kz