بيىل كوپ جوو-لارعا ازدى-كوپتى گرانتتار بەرىلىپ جاتىر. كوپتەگەن ۋنيۆەرسيتەتتەر ستۋدەنتتەرگە قارىق بولاتىن ءتۇرى بار. بىراق ءسال كەشەۋىلدەپ قالمادىق پا دەگەن سۇراق مازالايدى.

بۇكىل قازاقستاندا 500 مىعا جۋىق ستۋدەنتتەر بولسا، تەك رەسەيدە رەسمي ءبىزدىڭ 67000 ازاماتىمىز تەگىن ءبىلىم الۋدا ەكەن(اقيقاتىندا مۇنى كەمى ەكىگە كوبەيتۋگە بولادى). بىلتىر كورشى قىتاي بىزگە 14000 گرانت ءبولىپتى دەگەن سىبىستى ەشكىم جوققا شىعارمادى.

ءدال بۇگىن بىرنەشە ۇلتتىق ستاتۋسى بار ۋنيۆەرسيتەتتەرىمىزدىڭ اۋديتوريالارى(ستۋدەنتتەر ازايىپ كەتكەن) بوس، ياعني بولاشاعى بۇلىڭعىر. ءسال-ءپال جاعدايى بار اتا-انامەن سويلەسە كەتسەڭ بالامدى شەتەل وقىتام دەپ اڭگىمە باستايدى. 

ەندى ءبىر 7-8 جىلدا مەكتەپ بىتىرەتىن وقۋشىلاردىڭ كوبى ىلە-شالا اعىلشىندى مەڭگەرىپ شىعاتىنىن ەسكەرسەك(ياعني كوبى شەتەلگە كەتەدى وقۋعا), ءبىزدىڭ ۋنيۆەرسيتەتتەردىڭ جاعدايى جاقسارماسى تاعى انىق. 

ءوز بالاسىن ءوزى وقىتپاعان، ءوز عىلىمىن ءوزى جاساقتاي الماعان ەلدىڭ تاۋەلسىز بولۋى ەكىتالاي. ياعني ەڭ كەمى بۇگىنگى ۇلتتىق ستاتۋسى بار ۋنيۆەرسيتتەردىڭ بولاشاعى، ول ءتۇپتىڭ تۇبىندە ەرتەڭگى تاۋەلسىز قازاقستاننىڭ بولاشاعى. 

قوعام مەن ۇكىمەت قايتا-قايتا جار سالىپ جاتقان اشىقتىق پەن تازالىق، ءتارتىپ پەن ىنساپ، كرەاتيۆ پەن باستاماشىلدىق ەڭ ءبىرىنشى ۋنيۆەرسيتەت(جالپى ءبىلىم وردالارى) قابىرعالارىندا جۇزەگە اسۋى كەرەك.

داۋرەن بابامۇراتوۆ

Abai.kz