ۇيات-اي... سۇيەككە تاڭبا... دەنيس تەننىڭ ەسىمى الەمگە ايگىلى، كوڭىل ايتۋ دا الەمنىڭ ءار تۇكپىرىنەن بىلدىرىلۋدە. اۋىر قازانىڭ سەبەبىن دە الەم ەستىپ جاتىر. "اينا ۇرلاپ كۇنەلتەتىندەي، حالقىنىڭ جاعدايى تومەن بۇل قانداي ەل؟" دەپ جاتىر-اۋ..

10 جىلداي بۇرىن، "مەرسەدەس" كولىگىمنىڭ ايناسىن قايتا-قايتا ۇرلاي بەرگەن كەزدە، اينانىڭ ارتىنا لاكپەن قولىمدى (پودپيس) قويدىم. سول اينانى دا ۇرلاپ كەتتى. ەرتەڭىنە، قولىم قويىلعان سول اينامدى زاپچاستار بازارىنان قايتادان ساتىپ الدىم، ەشنارسە دالەلدەي الماي...

تۇندە ۇرلانعان اينا تاڭەرتەڭ بازار ساتۋشىلارىنىڭ قولىنا تۇسەتىن، جولعا قويىلعان بيزنەس ەكەنىن سوندا بايقاپ ەدىم.. ەشنارسە وزگەرمەگەن ەكەن، تەك اينا ۇرلىعى تاپا-تال ءتۇس ۋاقىتىنا اۋىسىپتى.

جاعدايىمىز سونشالىقتى جامان با، قازاق ەلى؟!

مۇحيت ىقىلاستىڭ facbook-تەگى پاراقشاسىنان

Abai.kz