قازاقستاندا ءىرى قارا ەتىن ءوندىرۋدىڭ بولاشاعى زور - «قازاگرو» ۇبح» اق باسقارما توراعاسى
ورال. 2 ناۋرىز. قازاقپارات /ەلجان ەرالى/ - قازاقستاندا ءىرى قارا ەتىن ءوندىرۋدىڭ بولاشاعى زور.
1 ناۋرىزدا ورالدا وتكەن قر جانە رف اۋىل شارۋاشىلىعى مينيسترلىكتەرىنىڭ بىرلەسكەن ەكىنشى القا وتىرىسى كەزىندە «قازاگرو» ۇبح» اق باسقارما توراعاسى اسىلجان مامىتبەكوۆ وسىلاي دەدى.
ونىڭ ايتۋىنشا، FASUSDA مالىمەتى بويىنشا (2009 جىلدىڭ قورىتىندىسىمەن) الەمدە ءىرى قارا ەتىنىڭ ەكسپورتى 7322 مىڭ توننانى قۇراسا، ەت يمپورتىنىڭ كولەمى 6696 مىڭ توننا (مۇنى كوپتەپ تۇتىناتىندار ىشىندە رەسەي دە بار) بولعان ەكەن. حالىق سانى ءوسىپ، تۇرمىسىنىڭ جاقسارۋى ەتتى كوپتەپ تۇتىنۋعا اكەلەدى. بۇل رەتتە ەتتى نەگىزگى ءوندىرۋشى ەلدەر شارىقتاۋ شەگىندە تۇر، سوندىقتان سۇرانىستى ودان ءارى قاناعاتتاندىرۋ ءۇشىن جاڭا ءونىم جەتكىزۋشىلەر قاجەت. وسى ورايدا قازاقستاننىڭ بىرنەشە ارتىقشىلىعى بار. مۇندا ەڭ الدىمەن ەت ءونىمىنىڭ وزىندىك قۇنىن ازايتىپ، شىعىندى ازايتۋعا مۇمكىندىك بەرەتىن جايىلىمدىق جەرلەر جەتكىلىكتى (جالپى اۋماعى - 180 ملن. گەكتار). ەكىنشىدەن، مال بورداقىلاۋ تەحنولوگياسى ەكولوگيالىق جاعىنان تازا. ۇشىنشىدەن، رەسەي جاقىن بولعاندىقتان، تاسىمال شىعىنى تومەن. تورتىنشىدەن، كەدەندىك وداقتىڭ تيىمدىلىگى قازىردىڭ وزىندە كورىنىپ وتىر. بەسىنشىدەن، مال شارۋاشىلىعى قازاقستان ءۇشىن اتا كاسىپ ەكەندىگى بەلگىلى.
ورال. 2 ناۋرىز. قازاقپارات /ەلجان ەرالى/ - قازاقستاندا ءىرى قارا ەتىن ءوندىرۋدىڭ بولاشاعى زور.
1 ناۋرىزدا ورالدا وتكەن قر جانە رف اۋىل شارۋاشىلىعى مينيسترلىكتەرىنىڭ بىرلەسكەن ەكىنشى القا وتىرىسى كەزىندە «قازاگرو» ۇبح» اق باسقارما توراعاسى اسىلجان مامىتبەكوۆ وسىلاي دەدى.
ونىڭ ايتۋىنشا، FASUSDA مالىمەتى بويىنشا (2009 جىلدىڭ قورىتىندىسىمەن) الەمدە ءىرى قارا ەتىنىڭ ەكسپورتى 7322 مىڭ توننانى قۇراسا، ەت يمپورتىنىڭ كولەمى 6696 مىڭ توننا (مۇنى كوپتەپ تۇتىناتىندار ىشىندە رەسەي دە بار) بولعان ەكەن. حالىق سانى ءوسىپ، تۇرمىسىنىڭ جاقسارۋى ەتتى كوپتەپ تۇتىنۋعا اكەلەدى. بۇل رەتتە ەتتى نەگىزگى ءوندىرۋشى ەلدەر شارىقتاۋ شەگىندە تۇر، سوندىقتان سۇرانىستى ودان ءارى قاناعاتتاندىرۋ ءۇشىن جاڭا ءونىم جەتكىزۋشىلەر قاجەت. وسى ورايدا قازاقستاننىڭ بىرنەشە ارتىقشىلىعى بار. مۇندا ەڭ الدىمەن ەت ءونىمىنىڭ وزىندىك قۇنىن ازايتىپ، شىعىندى ازايتۋعا مۇمكىندىك بەرەتىن جايىلىمدىق جەرلەر جەتكىلىكتى (جالپى اۋماعى - 180 ملن. گەكتار). ەكىنشىدەن، مال بورداقىلاۋ تەحنولوگياسى ەكولوگيالىق جاعىنان تازا. ۇشىنشىدەن، رەسەي جاقىن بولعاندىقتان، تاسىمال شىعىنى تومەن. تورتىنشىدەن، كەدەندىك وداقتىڭ تيىمدىلىگى قازىردىڭ وزىندە كورىنىپ وتىر. بەسىنشىدەن، مال شارۋاشىلىعى قازاقستان ءۇشىن اتا كاسىپ ەكەندىگى بەلگىلى.
قازاقستان ەتىن رەسەيدىڭ ماسكەۋ، ورىنبور، ەكاتەرينبۋرگ، چەليابى، ومبى، ءنوۆوسىبىر، بارناۋل قالالارىنا جەتكىزگەن الدەقايدا ءتيىمدى. «قازاگروونىم» اق-نىڭ 2010 جىلعى جەلتوقسان مەن بيىلعى قاڭتارداعى ەسەبى بويىنشا ورامداعى سالقىنداتىلعان ەتتىڭ ءار كەلىسىنىڭ باعاسى قازاقستانداعى ورتاشا باعاسى 1200 تەڭگە بولسا، ماسكەۋدە - 2200, سانكت-پەتەربوردا - 2350, التاي ولكەسىندە 1600 تەڭگە. سوندا كولىك شىعىنىن ەسەپتەگەندە، قازاق ەتىن ماسكەۋگە - 1240, سانكت-پەتەربورعا - 1260, التاي ولكەسىنە 1220 تەڭگەگە جەتكىزۋگە بولادى. ياعني، باعا جونىنەن قازاقستاندىق ەت ماسكەۋ، سانكت-پەتەربور، بارناۋل، ومبى، ءنوۆوسىبىر، التاي ولكەسىندە باسەكەگە قابىلەتتى.
ساپالى ەتتى سىرتقا شىعارۋ ءۇشىن رەسپۋبليكا وبلىستارىنىڭ قولايلى جەرلەرىندە مال بورداقىلاۋ الاڭدارىن، اسىل تۇقىمدى مال شارۋاشىلىقتارىن ورنالاستىرۋعا بولادى. ايتالىق، «قازاگرو» حولدينگى جالپى قۋاتى جىلىنا 8,2 مىڭ توننا ەت وندىرەتىن ون بورداقىلاۋ الاڭىن جانە جىلىنا 14,9 مىڭ توننا ءونىم بەرەتىن ءتورت ەت كومبيناتىن قارجىلاندىرىپ وتىر. سونىڭ ىرىلەرىنىڭ ءبىرى - بقو-نىڭ زەلەنوۆ اۋدانى يانايكين اۋىلىندا ورنالاسقان «Crown باتىس» جشس-ءىنىڭ مال بورداقىلاۋ كەشەنىنىڭ قۋاتى - 2073 توننا. اتالمىش كەشەن جۇمىسىمەن 1 ناۋرىز كۇنى شەتەلدىك مەيماندار دا تانىستى. «شەتەلدىك تەحنولوگياعا نەگىزدەلگەن وسىنداي ءوندىرىس ورىندارى تولىق قۋاتىندا جۇمىس جاسايتىن بولسا، ەكسپورتقا باعىتتالعان ەت ءونىمى كولەمىن دە ارتتىرۋعا بولادى. بۇل جونىنەن ەلباسى قويىپ وتىرعان تالاپ تا وسى»، - دەدى ا.مامىتبەكوۆ.
