قىتاي قورعانىنىڭ جاقىندا قالپىنا كەلتىرىلگەن بولىگى بىرنەشە كۇن بويى تولاسسىز جاۋعان جاڭبىر سالدارىنان قۇلاپ قالدى، دەپ حابارلايدى Baq.kz اقپارات اگەنتتىگى tvzvezda.ru سايتىنا سىلتەمە جاساپ.

جەرگىلىكتى تۋريزم باسقارماسى قورعاننىڭ بۇلىنگەن جەرىن جوندەۋ ءۇشىن شۇعىل شارالار قولدانىپ جاتىر. ءدال سول بولىگى قاۋىپسىزدىك ءۇشىن ۋاقىتشا جابىق.

«جوندەۋ جۇمىستارى قاشان بىتەتىنى كەيىنىرەك بەلگىلى بولادى»، - دەيدى شەنەۋنىكتەر.

يانمەن اسۋى مين ديناستياسى (1368-1644) كەزىندە سالىنعان، ول يانمەن تاۋىنان سولتۇستىككە قاراي 20 شاقىرىمدىق جەردە ورنالاسقان.

تاياۋدا ۇلى قىتاي قورعانىنىڭ تاعى ءبىر بولىگى قۇلادى. ماۋسىم ايىندا شانسي پروۆينتسياسىنداعى داتۋندەگى قورعاننىڭ دۇرىس قالىپقا كەلتىرىلمەگەنى حابارلانعان. ول كەزدە ەسكى كىرپىشكە ۇقساس زاماناۋي قۇرىلىس ماتەريالدارى قولدانعان.

2016 جىلى لياونين پروۆينتسياسى جاقتاعى قورعاندى قايتا قالىپقا كەلتىرگەن كەزدە قۇرىلىسشىلار تسەمەنت قۇيىپ، ونى تۋريستەردىڭ جۇرۋىنە ىڭعايلى بولۋى ءۇشىن دەپ تۇسىندىرگەن.

ساراپشىلار مۇنداي جوندەۋ جۇمىستارى شىعىنعا باتىرۋى مۇمكىن ەكەنىن ايتقان.

ۇلى قىتاي قورعانى 21,2 مىڭ شاقىرىمعا سوزىلادى جانە ول 15 پراۆينتسيالى اۋداندى باسىپ وتەدى.

Abai.kz