اتى اتالماي ۇمىتىلىپ بارا جاتقان اقىن
اتى اتالماي، ۇمىت بولىپ بارا جاتقان اقىننىڭ ءبىرى قوسجان مۇسىرەپوۆ. ول از عانا ۋاقىت ءومىر سۇرسە دە، ادەبيەتكە بەرىلە ەڭبەك ەتتى.
بالالارعا ارناپ جازعان شىعارمالارى دا ارنايى زەرتتەپ، ناسيحاتتاۋدى قاجەت ەتەدى. قالامگەر نوۆەللا جانرىنىڭ دامۋىنا دا سۇبەلى ۇلەس قوستى.
تومەندە ارىس اۋدانىندا تۋعان ارىس اقىننىڭ ءبىر ولەڭىن جاريالاپ وتىرمىن. اقىننىڭ ەسىمى جاڭعىرا بەرسىن!
وتپەيدى ءومىر دۋمانمەن،
قاربالاس قانشا جۇمىس بار.
اتادان بىرگە تۋعانمەن،
اجىراپ قالار تۋىستار.
الادى كۇندە مازانى،
بىتپەيدى ءتىپتى بۇل تىرلىك.
دوستار دا قۇشاق جازادى،
ءبىر باقتا وسكەن قۇلپىرىپ.
توسادى ۋاقىت ءجۇز ءىسىن،
كۇن باتسا جاتار، كۇن شىعىپ...
ارمانمەن جۇرگەن ءبىز ءۇشىن،
الدامشى ەمەس تىرشىلىك!
ولجاس قاسىمنىڭ Facebook-تەگى پاراقشاسىنان
Abai.kz
