الماتىدا قالا كۇنى اياسىندا ءIIى-ءشى جىل سايىنعى «الماتى كوكتوبە-وپەرا-2018» اشىق اسپان استىنداعى مۋزىكالىق فەستيۆالى وتەدى، - دەپ حابارلايدى اباي-اقپارات.

قازاقستاننىڭ مادەني استاناسىندا قالا كۇنى اياسىندا 25-26 تامىزدا ءداستۇرلى اشىق اسپان استىنداعى مۋزىكالىق فەستيۆال «الماتى-كوك-توبە وپەرا-2018» وتەدى.

«بۇل - قازاقستاننىڭ وڭتۇستىك استاناسىنداعى ەڭ ماڭىزدى فەستيۆالداردىڭ ءبىرى، مۇندا وپەرانىڭ ۇزدىك سوليستتەرى مەن شاقىرىلعان جۇلدىزدارىنىڭ داۋىسى ەستىلەدى، سونداي-اق، اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنىڭ سيمفونيالىق وركەسترىنىڭ سۇيەمەلدەۋىمەن الەمدىك بالەتتىك نومىرلەردى كورۋگە بولادى»، - دەپ ءتۇسىندىردى الماتى قالاسى مادەنيەت جانە ارحيۆتەر باسقارماسى.

ديريجەر، قازاقستان رەسپۋبليكاسىنىڭ ەڭبەك سىڭىرگەن ءارتىسى الان بورىباەۆتىڭ جەتەكشىلىگىمەن، اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنىڭ سيمفونيالىق وركەسترى الەمدىك كلاسسيكالىق مۋزىكا ونەرىنىڭ تۋىندىلارىن ورىندايدى.

فەستيۆالگە يتاليانىڭ تەنورى، «وپەرا وسكارى» («Oscar Della Lirica») سىيلىعىنىڭ «جاڭا ۇرپاق» نوميناتسياسى بويىنشا جەڭىمپازى ۆينچەنتسو كونستانتسا تاماشالاۋعا كەلەدى.

ەستەرىڭىزگە سالا كەتەيىك، الماتى كۇنىن مەرەكەلەۋ اياسىندا مەگاپوليستە 100-دەن استام ءىس-شارا جوسپارلانعان، وندا ءتۇرلى ەلدەردىڭ ارتىستەرى قاتىسادى. باعدارلامادا «كوك-توبە وپەرا-2018» كلاسسيكالىق مۋزىكا فەستيۆالى، حالىقارالىق «ARTBAT fest» زاماناۋي ونەر فەستيۆالى، اشىق اسپان استىنداعى «وركەسترلەر فەستيۆالى» اتتى وركەسترلىك مۋزىكا فەستيۆالى، «KITAP FEST» كىتاپتار فەستيۆالى، «Family Festival» اتتى وتباسى كۇنى، حالىقارالىق «Almaty garden show» باقشالار فەستيۆالى، قازاقستاندىق «GAKKU داۋىسى» مۋزىكالىق فەستيۆالى، قالالىق ءداستۇرلى «ALMA Fest» الما فەستيۆالى، Muzzone Dance Party, حالىقارالىق «Mural» مونۋمەنتالدى جانە ساندىك ونەر فەستيۆالى، موتو فريستايل «Red bull FMX JAMS»، «Almaty Film Festival»، «Junior Eurovision» جوباسى، الاتاۋ اۋدانىنىڭ 10 جىلدىق مەرەيتويىن اتاپ ءوتۋ، «Almaty Fest Big City Picnic»، كىلەم بۇيىمدارىنىڭ كورمە-جارمەڭكەسى، «قازاقستان كامەراتا» مەملەكەتتىك وركەسترىنىڭ ونەر كورسەتۋى جانە ت.ب.

Abai.kz