پروكۋراتۋرا دەرەگىنشە، "ول پايداكۇنەمدىك نيەتپەن م.توقماديمەن الدىن الا ءسوز بايلاسۋ ارقىلى ادامدار توبىمەن قاساقانا قىلمىس جاساعان بولۋى مۇمكىن".

بۇعان قوسا حابارلامادا "وسىعان دەيىن كۇدىكتى م.ق. ءابليازوۆ جاۋاپ الۋ جانە باسقا تەرگەۋ ارەكەتتەرىنە قاتىسۋ ءۇشىن 16 تامىزدا باس پروكۋراتۋراعا شاقىرىلعانىن ەسكە سالامىز. الايدا، بەلگىلەنگەن ۋاقىتتا ول كەلگەن جوق، كەلۋگە توسقاۋىل بولعان سەبەپتەرىن تۇسىندىرگەن جوق" دەپ كورسەتىلگەن.

تاتىشەۆ 2004 جىلى اڭشىلىقتا جۇرگەندە وق ءتيىپ ولگەن. سول كەزدە بۇنى سوت "جازاتايىم وقيعا" دەپ تانىپ، بانكيردىڭ جانىندا بىرگە بولعان كاسىپكەر مۇراتحان توقماديدى ءبىر جىلعا سوتتاعان. بىراق 2017 جىلى ءىس قايتا قارالىپ، مۇراتحان توقمادي تاتىشەۆتى "تۇران الەم" بانكىن يەلەنۋدى كوزدەگەن "مۇحتار ءابليازوۆتىڭ تاپسىرىسىمەن ءولتىردىم" دەگەن. سوت ونى 2018 جىلى ون جارىم جىلعا سوتتادى.

مۇحتار ءابليازوۆ الەۋمەتتىك جەلىلەردە تاتىشەۆ ولىمىنە ەش قاتىسى جوعىن، توقماديمەن تانىس ەمەس ەكەنىن مالىمدەگەن. ول 2009 جىلدان بەرى شەتەلدە تۇرادى، وزىنە قاتىستى بارلىق ايىپتاۋلاردىڭ ساياسي سەبەبى بار دەپ سانايدى. قازاقستان سوتى ءابليازوۆتى "قىلمىستىق توپ قۇردى" جانە "اقشا جىمقىردى" دەپ، 2017 جىلى سىرتتاي 20 جىلعا سوتتاعان.

Abai.kz