قر ۇكىمەتىنىڭ ءباسپاسوز ورتالىعىندا وتكەن بريفينگتە ءبىلىم جانە عىلىم ۆيتسە-ءمينيسترى اسحات ايماعامبەتوۆ اپاتتى جانە ءۇش اۋىسىمدا وقىتاتىن مەكتەپتەر ماسەلەسى قالاي شەشىلىپ جاتقانىن ايتىپ بەردى، - دەپ حابارلايدى اباي-اقپارات قر  پرەمەر-ءمينيسترىنىڭ رەسمي سايتىنا سىلتەمە جاساپ.

ۆيتسە-مينيستر اتاپ وتكەندەي، اتالعان ماسەلە ءبىر ساتتە شەشىلە المايتىن ماسەلەلەردىڭ ءبىرى. ەلىمىزدەگى كەيبىر مەكتەپتەردە ورىن بولماۋىنىڭ سەبەپتەرى دەموگرافيالىق جانە ميگراتسيالىق جاعدايلار بولىپ وتىر. جىل سايىن ەلىمىزدىڭ مەگاپوليستەرىنە حالىقتىق كوپتەپ اعىلۋى بايقالۋدا. مىسالى، 2017 ج. استاناعا تەك 17 مىڭنان استام بالا كەلگەن. ياعني، بۇل استانادا وتكەن جىل ءۇشىن كەمىندە قوسىمشا 15 مەكتەپ سالۋ كەرەك دەگەندى بىلدىرەدى.

«ءبىز مەكتەپتەر سالىپ جاتىرمىز. تەك بيىلدىڭ وزىندە رەسپۋبليكالىق بيۋدجەت ەسەبىنەن 110 مەكتەپ سالىنىپ جاتىر. جىل سوڭىنا دەيىن 72 جاڭا مەكتەپتى پايدالانۋعا بەرەمىز دەپ كوزدەپ وتىرمىز»، — دەدى ا. ايماعامبەتوۆ.

جىل سايىن ەلىمىزدە رەسپۋبليكالىق بيۋدجەت ەسەبىنەن 100-200 مەكتەپتىڭ سالىناتىنىنا قاراماستان، ماسەلە تولىققاندى شەشىلمەي وتىر. قازاقستاندا ءالى كۇنگە دەيىن 127 ءۇش اۋىسىمدىق، 44 اپاتتى مەكتەپ بار. وسىعان بايلانىستى جان باسىنا قارجىلاندىرۋ ەنگىزىلەتىن بولادى.

«جان باسىنا شاققاندا قارجىلاندىرۋ جەكە سەكتوردى جاڭا مەكتەپتەر سالىپ، اشۋعا ىنتالاندىراتىن بولادى. بۇگىندە پيلوت باستالىپ جاتىر. ءبىز جەكەمەنشىك مەكتەپتەردىڭ اشىلىپ جاتقانىن كورىپ وتىرمىز»، — دەدى ۆيتسە-مينيستر.

ونىڭ نەگىزىنە قازاقستاندا مەكتەپكە دەيىنگى مەكەمەلەردى سالۋدىڭ وڭ تاجىريبەسىنە الىندى.

«بىرنەشە جىل بۇرىن مەكتەپكە دەيىنگى بىلىممەن قامتۋ ەلىمىزدە نەبارى 60% ەدى، قازىر – 93%. بۇعان جەكە سەكتوردى تارتۋ ەسەبىنەن قول جەتكىزىلدى. مەملەكەت باسشىسى "بالاپان" باعدارلاماسىنا باستاما ءبىلدىردى. ءمجا-مەن جۇمىس جانداندى. وسى 7 اي ىشىندە ەنگىزىلگەن 40 مىڭ ورىننىڭ 30 مىڭى جەكە كومپانيالاردىكى»، — دەدى ۆيتسە-مينيستر.

سونىمەن قاتار ا. ايماعامبەتوۆ جەكەمەنشىك مەكتەپتەردە مەملەكەت مەملەكەتتىك تاپسىرىستى ورنالاستىراتىنىن ايتتى. ۆيتسە-ءمينيستردىڭ ايتۋىنشا، اتا-انالار ايىرماسىن بايقامايدى. سەبەبى تەگىن ورتا ءبىلىم الۋ قامتاماسىز ەتىلەتىن بولادى.

ا. ايماعامبەتوۆ بۇگىنگى تاڭدا ەلىمىز بويىنشا مۇعالىمدەر سانىنىڭ جەتكىلىكتى ەكەنىن ايتىپ ءوتتى. پەداگوگتاردى دايارلاۋ ساپاسىنا ەرەكشە كوڭىل ءبولىنىپ وتىر. قازىر ەلىمىزدەگى ۇستازدار سانى – 285 مىڭ ادام. جىل سايىن ۋنيۆەرسيتەتتەردە 35 مىڭ ادام پەداگوگ ماماندىعىن الىپ شىعادى. 2018 ج. مەملەكەتتىك گرانتپەن وقىتىلعان 6 مىڭ بولاشاق مۇعالىمدەر ءبىتىردى.

Abai.kz