الماتىنىڭ تيميريازەۆ كوشەسىندە «جۇردەك قوعامدىق كولىككە» (BRT) ارنالعان ارنايى جولاق سالىنىپ جاتىر. جۇردەك اۆتوبۋستار جولاعى تيميريازەۆ كوشەسى بويىمەن بايزاقوۆ كوشەسىنەن بايتۇرسىنوۆ كوشەسىنە دەيىن جۇمىسىن باستاپ تا كەتتى.

الماتى قالاسى ءىىد اكىم­شىلىك پوليتسيا باسقارماسى باسشىسى ج.مۇراتاليەۆتىڭ مالىمدەمەسى بويىنشا «ءجۇر­دەك جولاق» كەزەڭ-كەزەڭمەن باتىس باعىتتا سوزىلىپ، جول قۇرىلىسى تولىقتاي 2019 جىلعا دەيىن اياقتالادى ەكەن.

ىشكى ىستەر دەپارتامەنتى وسى «ارنايى جۇردەك جولاققا» ۇيرەنۋ ءۇشىن الماتىلىق كولىك جۇرگىزۋشىلەرىنە مۇمكىندىك بەرىپ وتىر. ياعني 10 قىر­كۇيەككە دەيىن «ارنايى ءجۇر­دەك جولاقپەن» جۇرگەن جەڭىل كولىك­تەرگە ايىپپۇل سالىن­بايدى. وسى كۇندەرى تيميريازەۆ كوشەسىندەگى «ءجۇر­دەك جولاقتا» جول پولي­تسيا ينسپەكتورلارى كەزەكشىلىك ەتەدى. ولار ەرەجە بۇزعان جۇرگىزۋشىلەرگە ەسكەر­تۋ جا­ساپ، BRT جولاعىنىڭ ەرەكشە­لىكتەرىن تۇسىندىرەدى. ەسكەرتۋ، ءتۇسىندىرۋ جۇمىس­تارى 10 قىر­كۇيەككە دەيىن جالعاسادى.

الايدا، ىشكى ىستەر قىز­مەت­كەرلەرى جۇرگىزۋشىلەرگە بەل­گىلەنگەن مەرزىمگە دەيىن «جاڭالىققا» ۇيرەنىپ الۋ قاجەتتىگىن ەسكەرتەدى. ياعني 10 قىركۇيەكتەن باستاپ جول ەرەجەسىن بۇزۋشىلار زاڭناما بويىنشا «جازالانادى»، ايىپپۇل تولەيتىن بولادى.

Abai.kz