قىرعىزستان پرەزيدەنتى سوورونباي جەەنبەكوۆ قىرعىزستان مەن قازاقستان ۇكىمەتى اراسىنداعى مەملەكەتتىك شەكارا جۇيەسىن راتيفيكاتسيالاۋ جونىندەگى زاڭ جوباسىنا قول قويدى. بۇل جونىندە قىرعىز مەملەكەت باسشىسىنىڭ اپپاراتى حابارلادى.

كەلىسىمگە 2017 جىلدىڭ 25 جەلتوقسانىندا استانادا قول قويىلعان.

زاڭ جوباسىن قىرعىزستان جوگوركۋ كەڭەشى بيىل 28 ماۋسىمدا قابىلدادى.

قۇجاتتا مەملەكەتتىك شەكارانى ۇستاۋ جانە كەسىپ ءوتۋ، شەكارا ارقىلى ادامداردى جانە كولىك قۇرالدارىن، جۇكتى وتكىزۋ ەرەجەلەرى قارالعان. سونىمەن بىرگە كەلىسىمگە سايكەس، تاۋارلار مەن جانۋارلاردى وتكىزۋ، شەكاراداعى جانجالدى شەشۋ، شارۋاشىلىقتى جۇرگىزۋ، قوعامدىق-ساياسي، مادەني جانە باسقا ءىس-شارالاردى وتكىزۋ ماسەلەلەرى دە قاراستىرىلعان.

زاڭ رەسمي جاريالانعان كۇننەن باستاپ ون كۇن وتكەننەن كەيىن كۇشىنە ەنەدى.

Abai.kz